بيت الاصالة والتراث غوالى .. على ما وصفته ناقصات أقوالى

من طرف سمر ليبيا 2013-04-12, 4:43 pm

بيت الاصالة والتراث غوالى .. على ما وصفته ناقصات أقوالى

ثابتات اركــــــــــــــــــــــــــــــانه .. باعضاء ومشرفين عالى شانه

خوت وخوات انقولها بامـــانه .. ابْهم نفتخرماهمش مـ الاّنذالى

وماهم امْنللّى انفوسهم ثعبـانه..عالخير يلتموا ايجــــــوا هيّالى

غوالى غوالى ما يزيح مكــانه .. ف قلوبنا يبقا اسنين اطــــوالى

بيت الاصالة والتراث غوالى .. على مــا وصفته ناقصات أقوالى

بــــــــــــــيـــــــت الجــــــــــــــود..وفيه المحبــة ما لهــاش حــدود

مواضيع قمه وفايده واردود..ونقاش علمــــى ولاسلوب مثالى

وأقسام علميه ابهن ايجود .. غوالى على الزايريجود اقبـــــالى

وادارة حكيمه وسرها موجود..حبايب اعضاها دايمه فى العالى

فى الفزعه اتراهم جايين اوسود..ابنصــايح وارشادتهم طوّالى

وعضوات ديمه يبذلن مجهود..على صرح علمى غايرات عــوالى

بيت الاصالة والتــراث غوالى .. على ما وصفته ناقصات أقوالى

ما يتــــــــــــــــــــــــــم كلامى .. ف وصفه غوالى جافّات اقلامى

ولو نبدا اندوّن فى عقاب ايامى ..ما يتم وصفه وما يجي ف خيالى

وليكم اندزه يا اخوان سلامــى ..من قلــــــب صافى بينكم جوّالى

مانيش نا شاعرانقول اختامى ..بك نفتخر يــــــــــــا اوخيّنا يالغالى

ابكلمة سبقنى قالـــــها العوامى..بيت الاصــــــــاله بيتـــــنا يبقالى

بيت الاصالة والتــــــراث غوالى .. على ما وصفته ناقصات أقوالى
ويقول سويري

بيت الاصاله والثرات غوالى..على ما وصفته ناقصات أقوالى

بيــــــــــــــــــــــــــــــــــت مروّه .. سجل اسماك وخشله من توا

علوم الحياة تنهل اتزيدك قوّه..وترفع مقامك فوق عند العالى

بيت الاصاله والثرات غوالى..على ما وصفته ناقصات أقوالى

خش وجــــــــــــــــــــــــــرّب .. بيت فكر والجلسات فيه اطّرب

من وطن شرقه لين حد امغرب..اعضاءا التمّوا ساكنين ف بالى

بيت الاصاله والثرات غوالى..على ما وصفته ناقصات أقوالى

يقول ونيس العوامى

بيت الأصالة و التراث غوالي ** عليما وصفتا ناقصات اقوالي

فيــــــــــــــــــــه أجـــــــــــواد ** ديما سهاريهم على الجِهاد

يطروا ف معارك خاضها لجداد ** فدا وطنا هالي علينا غالي

ان جاهم الضيف يقربوله زاد ** بقولة تفضل ما ترد سوالي

وفيــــــــــــــــه حــرايــــــــر ** عفيفات ما تلقاش فيهن باير

علم وحيا وايمان كي النواير** لا يعيبن ولا في يوم يأذن والي

كبيرات عقل او واسعات دباير** متمسكات بكتاب الكريم العالي

بيت الأصالة و التراث غوالي ** عليما وصفتا ناقصات اقوالي

وعبدالباسط الزوى رفيق الدرب يقول

بيت الاصاله والتراث غـــــوالى ..على ماوصفته ناقصات اقوالى

ريت فيه احلامى ..وعلى بـعض منهم نا انقول اسـامى

زيدان والكاســــح معا العـــــــوامى ..وسيد السبيب معا المدير الغـــــالى

وللنجم وسويرى انشيل ســــلامـى ..وموحال ما ننســــوه ابو طـــــــــالى

والشــــيخى وبوشنه دواء لالامـــى ..كلامهم عســـــل عندى وراحه لبالى

وذو الفــقار والغناى انجيــهم رامــى ..فالمأثور والعلم ماكيـفـهــــم لا والى

الفاروق قاعد فى قسمنا الاسلامى ..وهو قســم دينى ماهو كلام تسالى

والامل شالت من الكنين غمــــــامى ..وفالمطبخ امعانا قاعده طــــــــــوالى

والقيت كل ما نبى وزهوا ايامــــــــى ..والقيت السعاده وكل ما يحــــــــلالى

على منتداكم نا انقول كـــلامــــــــــى ..ونشهد انه راقى وشى خـــــــــــيالى

بيت الاصاله والتراث غـــــوالى ..على ماوصفته ناقصات اقوالى

يقول اكرم الكاسح

بيت الاصاله والتراث غـــــوالى ..على ماوصفته ناقصات

بيت حبايب ..فينا الخسيس ابليس ظنه خايب

مانعرفو فينا سفيه وعايب ..ولايوم شفناه الخطا من والي

نحنا قلوبنا كيما بياض الرايب ..حنن في بعضنا لولي والتالي

اصحاب او رفق مابيناش طلايب ..بالود تجمعنا اقسام غوالي

طير النحل يكمل نهاره سايب ..وبالخير يلفاله الجبح العالي

نا جيتهم زاير لقاهم هايب ..عطوني اقداراً فوق من مكيالي

فيهم القيت الظن ماهو خايب ..ود او محبه زايدين دلالي

هل بيت ننقنهم اصحاب درايب ..ياالله فيهم ماتشين افعالي

غربلتهم بلكي اتطيح ترايب ..ماطاح منهم حد من غربالي

عز الرفق لي ينشدو عالغايب ..هانت معاهم ضيقتي وموالي

عارف ثقيل القول ماني جايب ..لكن الله يعلم ابما في بالي

يشهد الله غفار ذنب التايب ..حاولت لكن قاصرات اقوالي

بيت الاصاله والتراث غـــــوالى ..على ماوصفته ناقصات

ويقول الشاعر عبدالحميدالسنوسي

بيت سعادى..... واللى فيه ملتمـه حضر وأبوادى

بيت ملتقى الشعار طيبك نادى

اللى فيه نشتكى من حالتى واحوالى

هاضوم هم غواليى وحد مــــــرادى

اللى كيف ننــده فزعــــتى طوالـــى

بيت الكرم والطيب بيت أجوادى

صعبه الحياه من غير هالغـــوالى

بيت الاصاله والتراث غوالى......

بيت فــــخر.........بيت النقا والعــز بيت عــصر

بيت الغوالى اليوم لــــى موكـــــــــــــــــر

لا ينتسى لاإغيب يوم عن بالــــــــى

ألقيت فيه صحبه تطربك وتـــــــسر

لولاكم وخـــيذه راه يـا الغــوالـــــى

قلبى انشـــرح والشعر تمـــا جـــر

لولا الحشم كبيــت كل أشوالــــى

بيت الاصاله والتراث غوالى .... على ما وصفته ناقصات أقوالى

منقول