قصيدة (( الصاحب))

الشاعر المرحوم روفه الدعبوب الرفادي
قصيدة (( الصاحب))

الصاحب ان ريته من دناك تكنك
انساه واتركه قبل ايخيب ظنك

انساه و سيبه
ان ريت من دناك اتصير له تكهيبه
وايديرحـد و ايمــده قناع الغيبه
ويلقى عذر دونك يمنعك ويعنك
كيف حضرتك عنده و كيف الغيبه
لا اتجيه لاشوره اخطا ايسوقنك
تمشى رخيص و الغالى عزاه اتسيبه
حتى وهو قريب الدم ظاهر منك
اتصرم وترشق ع اللسان شبيبه
خير من حجايج عوج ما ايفيدنك
الصاحب ان ريته من دناك تكنك
انساه واتركه قبل ايخيب ظنك

انساه او هون
ان ريته سما وجهه عليك تلون
حتى فى الحديث امعاه لا تجون
اترك مداعيه وسيبه عــنك
عليهن ابواب رجاه كى تصون تنزل منازل هزل و يواطنك
و يدين الزمان ايدبخن و يكون ونرمت اللفاعى سمهن يسقنك
الصاحب ان ريته من دناك تكنك
انساه واتركه قبل ايخيب ظنك

انساه اودع
ان ريته لوا وجهه عليك اصدع
وحسيت فى كلامه غطرسه وتبدع
لا تكبره لا اتقول فــيه كنك
ولا ع الجفا جنب الربيع اتقدع
واللى يقرضن فى الحى ما ايربنك
وديمه افراش الجود موش امردع
سعيد حظ بضيافة اللى اسبقنك
شديد عزم من شيل الحمول امفدع
و صابر و به ضيم الزمان امحنك
والله خالقه عرق الحياه ويندع
ولو اتجود من الميجود ما ايلومنك

الصاحب ان ريته من دناك تكنك
انساه واتركه قبل ايخيب ظنك

تسلم اخى عبدالحفيظ