اعزاز فارقو 02

من طرف **dude333** 2014-05-24, 9:21 pm

يادار ماينجالك ...
يبدوا تقول قدامى بعد نلفالك

اعزاز فارقوا

ماتقول فيك نزلنا ... ولا بيك لا منك افكار حملنا
ولجواد سيرتهم ابها عللنا ... ولا زين فوق الزين من عقالك
ولا اعزاز بعد اريافهم قابلنا ... ملقى ناس ماهمش ارقاق مسالك
عليك ذارفات اعيونا وكملنا ... او غبتى او غيبن ملوجود امالك
ماتقول فيك اطربنا ... ولا للقراب او للبعادحسبنا
ولومت اللايم للعتب عاتبنا ... ولمنعطف يبقى معانا سالك
والتنزيل جملة بالالواح كتبنا ... روايات حفص وقالون ومالك
واعلوم الشريعة وارثين عربنا ... واضحين فى وسط الظلام الحالك
اليوم بينا او بينك استار حجبنا ... لا نجاوبوا لا تطرحيه سؤالك
احوالك عنيدة ان كان ما حاسبنا ... امواجك عذفهن جاب كل مهالك
على معالمك زحف الرمال غلبنا ... قريب نختفى ما عاد غير اطلالك
يادار ماينجالك يبدوا تقول قدامى بعد نلفالك

اعزاز فارقوا
يبدوا الذاذ الجيرة ... اهل الفضايل والجواب الخيرة
يا رب ياعالم او ماحد غيره ... اشملهم برحمة ياكريم او مالك
حتى او هم وراء لبعاد ليهم سيرة ... تبقى للزمان اموثقة لجيالك
عبير طيفهم منعش مع تمريره ... علينا كما بدرى امفتك سالك
نواره تعاظم فى عقاب بريره ... او زاد مارس للوطن عز المالك
انت فى الخواطر ما معاك نظيرة ... او فى قلوبنا بعد الجليل جلالك
==============

للشاعر محمد عبد اللطيف

من طرف **STAR** 2014-05-25, 9:00 am

صحيت

اعزاز فارقو 02

اعزاز فارقو 02

رد: اعزاز فارقو 02