واحد قالي ليبيا معزولة دوليا

من طرف فرح البلاد 2014-07-17, 9:24 pm

ليبيا دوليا معزولة=======لايطلع لايخش الخاش
فيها لعبوا ناس اصلولة====في ايديهم غير الرشّاش
فاليل سمارى مسطولة=====سكّار وخالط حشّاش
حتى اللي مالايم قوله======وشهادة شارع ربّاش
متحكم في امور الدولة====ويعبر طاش وماطاش
وفيه بصاير كي لبغولة====تذبح ليبي ذبح اكباش
طايح في شلة يفتوله====من مذهب وطن الخشخاش
كم جثة ذبح ومجهولة=====مرمية في وان غباش
لقيوها دولة محلولة======فيها مامن سايب عاش
واعلام اشاعة منقولة=====وماطالع غير الحرّاش
كم كاذب واخذ مجعولة=====راتب بلالوف بلاش
الثاير واللي فيه رجولة===في حوشه مادار ألطاش
صلّوا شوفوا قول رسوله====مو منّا قال اللي غاش
فيه رب سميع وندعوا له===في نحره كيد الغشّاش

الشاعر سعد العمرونى