انساه خيرلك مالك او مال سريبه ل عمادالرفادي

من طرف عمادعبدالنبي الرفادي 2009-04-04, 2:46 pm

انساه خيرلك مالك او مال سريبه
من حاشن عزيز امعاك جار ابعيبه

مالك امال غرامه

ياالعقل ماظني اتفيد ملامه

انساه خيرلك من حاش صار اخصامه

جيب منقظه للناس فيه الغيبه

خطا كبير موغابي افميح كلامه

واضح وماضني عليه غبيبه

بلا امواخذه حير امعا برمه

فكرك اللي ماقال يوم انسيبه

الله اوعلم حيطتبك صحيح غمامه

علل اوحلل ماتكون ذهيبه

بحت البيت غلاك حيل ارمامه

انقطعن ومامني سبب تخريبه

تجسر تحسر ماتفيد ندامه

منه اوبيده بوعيون رغيبه

انساه خيرلك مالك ومال سريبه

من حاشن عزيز العهد موشاقيبه

مالك اومال اعهوده

عزيز بالخطا بادر او فات احدوده

يا العقل تبعني جميع ابنوده

اشطب بلامن قول في نصيبه

كلامه اللي غامض كما برموده

تفهم بعد يطفا امعك لهيبه

بلاعذر واهي عارفه مقصوده

امناظل او فاظل والغلا شقيبه

هذي حقيقه غير هي مجحوده

ودوم الحقيقه اتبان بعد الغيبه

كي من ضرب بوعقل وسط احشوده

وسالل وماحاسب الناس اتجيبه

ولكن عليه هناك جوه اشهوده

بشهاده الدين وماله تكذيبه

خطرها سريب اللي زمان انشوده

ليه ولكن صارشي ايعيبه

خلاني عليه انحط نقطه سوده

ملفه وسريب غلاه ما انهاتيبه

مفيت ماينوض اللي عليه الحوده

من قبره وماينظر نهار مصيبه

انساه خيرلك مالك اومال سريبه
من حاش هوعزيزالعهدماشاقيبه