قصائد مجهوله القائل .... الغالى لوْل

من طرف **dude333** 2016-08-09, 12:52 pm

قصائد مجهوله القائل .... الغالى لوْل
-----------
يحول ايجى في غيرهم ما يابا .. غلاهم اللى جوّر رقى مشهابه
ولا يتحول .. ولا يهون ع الخاطر الغالي لول
نين في الغنم يبقى الذيب ايمول .. يعزب معاها بمتعته وجرابه
ولا يدرق .. غلاهم معانا في الكنين محرق
نين القمر تبقى تطيح مشرق .. ونين البحر ينزح يقب شرابه
ولا يروج من معداله .. غلا من امواسي فوق جربي شاله
نين الصبايا يبرمن رجاله .. ونين العويل ينفر الي جابه
ولا يروج من مطراحه .. غلاهم محرق ما معاشي راحه
نين الدجاجة تقنص الضباحه .. ونين يقنصن لكلاب سبع الغابه
ولا يستاخر .. ولا يهون ع الخاطر الغالي لاخر
كلامي مع الحيين غير مساخر .. الناس كلهم مابردوا مشهابه
ولا تكنسه فراحه .. غلا من اعقوده دايرات مناحه ..
نين الجبل ايحيد من مطراحه .. ونين هالجيريه تعود رطابه
ولا يتحدد .. غلاهم معانا كل يوم مجدد
نين الحمار يجيب ضبع مقدد .. ونين البقر يجلموه أصحابه
ولانهون معله .. ولانتركه لابس اعقود الهله
نين تاجموت يحيد قبلي زله .. ونين الغزال يرتع مع الحطابه
لا ما نهونه .. ولا نتركه صابغ سواد اعيونه
نين الفنك ايصاحب الفكرونه .. ونين في السبخ ينبت الزرع الصابه
ولا ننساهم .. ولا نهون طاريهم ولا مدعاهم
معاهد الباري مانهون غلاهم .. وين يخطرو يكبر العقل عطابه
ولا يهون عليا .. ولا نغب لانربع علي طاريه
غلاهم انموت وهو يناوض فيا .. وروحي بعد مانندفن تشقابه
ولا يتلايم .. ولا هان شي خزرة اعيون الحايم
نين البقر يورد علي بونايم .. ونين الشجر ماعد ينبت غابه
يحول ايجى في غيرهم ما يابا .. غلاهم اللى جوّر رقى مشهابه
-----------
-----------

من طرف **STAR** 2016-08-09, 7:17 pm

مشكور جدا

قصائد مجهوله القائل .... الغالى لوْل

قصائد مجهوله القائل .... الغالى لوْل

رد: قصائد مجهوله القائل .... الغالى لوْل