ما بين بين اوبين ** بمواجع ادردها يا عزيز العين

مابين بين وبين***بمواجع امدردر يا عزيز العين...خليتها امعاك اتعيش.
ماعارفة تنساك ما تنساك***ولا عارفة تحمل امرار خطاك
ولا عارفة تمشى أمغير امعاك***ولا عارفة درب النهاية وين؟
ولا جربت فى العمر غير غلاك***ولا ذايقة لوعة ولا تكوين
حد السعادة كى تكون امعاك***غيابك عليها يوم واعر شين
كذا قولى ممكن تعيش بلاك؟***كذا قولى نلقاه صبرا منين؟
مابين بين وبين...ترجاك مرجا عمر موش اسنين...العين رايها
بين الجفا وابعادك...ولذة الحنين اتجى مع ميعادك
وبين المودة فى الغلا وودادك...معذور لو تطغى على لخرين
ياصاحبى....مابين بين وبين

للشاعر / بلقاسم السحاتي

مشكور بــــــــــــــــــارك الله فيك

مشكور علي المرور بارك الله فيك

مشكور يا غالى على ما طرحت بارك الله فيك

مشكور علي المرور

كلمات جميله بارك الله فيك وصح لسان الشاعر