تاكه بين المرحوم عبد الكافي والشريمه . ايش ايحزها ؟

غناوي علم
مشادة بين الغناي سليمان شريمه والغناي المرحوم عبد الكافي البرعصي


:::::::::::::::::::::::::::::::::::::::::::::::::: ::::::::::::::::::::::::::::::::


نبكي عليك في شان ايش ويا عزيز يا خاين الغلا..


الشريمه


وديما يصير اخلاف وبكانا علي ماضي غلا..


عبد الكافي


مرصوده بياس طويل سهرايت قديمين فاضه..


الشريمه


تستاهل بكا ديما سهرايت غلاكم ياقدم..


عبد الكافي


عمر اصداف خلو يدين حدي نقول يانا ع الغلا ..


الشريمه


تراكم خلا ليدين اتضيع يا غلا عارفينها ..



عبد الكافي


غلاه جا اصداف ايام بلهون ما عزيز يلومني..


الشريمه


غلا عزيز لطه قسم واللوم حاطه حيله علي ..


عبد الكافي


ننقان جيرتي للدار سبايب مرض هي بروحها..


الشريمه


خلوها وخلوني ان بينا مرض هي دارهم ..


عبد الكافي


نحساب برمتي ع الدار تبري العقل زاداته مرض..


الشريمه


مرض مغير مو قتال جيي لدار مي هاينه علي ..


عبد الكافي


ثقيل مقعدي فالدار العين غير ملزومه ابها..


الشريمه


نصيد عافيه فالدار ونحوس كي نخطاها شوي ..


عبد الكافي


امرايفين ع اللوهام ونا دخيلتك شيلني الهن ..


الشريمه


امرايف نريد اوهام وما رجيت نين تقولي ..


عبد الكافي


بلا رفيق عزمه زين يمشي معاي قاجيت هكذي ..


الشريمه


حتى واللوهام ظلام من والج يجي ما يردني ..


عبد الكافي



وسلمتوووووووووووووووووووووووو

حياك يا الله يا غالي

الله ايسلمك يا اطعمه
مشكور علي المرور والمتابعه

الشريمة :
وراي نلتفت مازلت***هيالي اقدم لاحقيني
رد عبدالكافي :
ننساهم اقدم مالبال***حتى وراي ما عاد نلتفت

شكرا ع الموضوع الممتاز ومن الافضل الي الافضل

خوي عبدالسلام
خوي ارفادي
مشكورين علي المرور والاطلاع بارك الله فيكم