قصيدة خليك كيف ايوب وصبرصبره للشاعر:روفه الدعبوب الرفاد

خليك كيف ايوب وصبرصبره
اوخذمن احداث الدهردرس اوعبره
خـلك صـابر
اوخليه ضيم الدهر يمشى عابر
كم جـيل خلف ع الوطاه مقابر مفروض سيرتك كى سيرته تعتبره
واسمع نصيحه من اشيوخ منابر انمات من عمل بيهن انور قيره

خلى ايمانك
ابواحد عليم الحال فيده شانك
ولا ايفيد من عزك ولا من هانك ولا حـد راه ايسددونك غبره
انجيت فى ايمينك شايله ديوانك
تلقى مقامك فى النعيم وتبره
وانكان فى معاصيه ركح ميزانك
وتى بنانك للجحيم اوكبره
ووعى الزله من اطراف السانك
راها اكيد العظم تكسر هبره

خلى افكارك
وراقب المولى فى جميع اسرارك
وخشى يوم قدامه اتشيل اوزارك
اوفوقك اللى دوبه امشبك ببره
وصعبت ياغـالى على حفارك عليك فصله مافات طوحت شيره
روضه امافــيـه اتمد ابصارك والله فـيه توعى شيرتك منثبره
خليك كيف ايوب وصبرصبره
اوخذمن احداث الدهردرس اوعبره