الشاعر عيسي بوالعرابي البر عصــــي

الشاعر عيسي بوالعرابي البر عصــــي واقف علي جانب الطريق فوقف عليه شاب في سيارة
(( فجعه )) فقاله ياعيسي بوالعرابي كيف ما أدير فجعه فرد علية قائلاً
لاندير فجعه ولا تفجعنا حتا ونت ياصغير في كلامك معنا
ولانشــــــبر...... الله ينعل الشيطان مانتكبر
اوكالي شعير ومسكني بوجبر
اومامن غدير امويته قرطعنا
ميدوب نستحي بالعيب مانتخبر
قدام الكبير اوبوي في مجمعنا
اليوم كي واجد ماعليه ادبر
جاء تحت حيطة في المدن موقعنا
ريات ألعويله والصباي غبر
وين نلتجوا بالعيب من وجعنا
لاندير فجعة ولانلافه
ونكأن سقته نقعد لحم في قفة
نعرف الالشعل امدورم خفه
أيشيل بيتنا ويشيل كل أمتعنا
ويجيب الظهيرة من هذيك الدفة
أومن تمر سيوه وغيرها يشبعنا
سفينة صحاري يا طوال شعفه
جلينا عليك اومالرخاء راجعنا
لاندير فجعه ولا نقبلها
اوقندوله اتهمنا وكلنا من هلها
واليوم كبرت اوظيقو مدخلها
اوظاقن شوارعها وضيقو مطلعها
ماقال مفتاح مادونها
اوما قالها بولحرش ومراجعنا
انكأن صحلي تميت ريد انبوج
والوقت ساعد والجهد طاوعنا
أندير كرهبا نخدمبها ونخوج
وعلي سنته فالخلق من يقد عنا
لاندير فجعه

كلام عيسى كله كلام سمح ..... زيدنا منه كان عندك ...

ادعك يا غالى على ....ومزيد من التقدم يا بركة وفى انتظار القادم منك يا اطعمة

تسلم ياستارومشكور