زعمه قولى يا كحيل انظاره

زعمه قولى يا كحيل انظاره .. غلاك لولى ولا نقص مقداره
ياكحيل اهدابه .. غلاك لولى ولا مقـــــــــــــــــــــــــــفل بابه
العقل ينشد وانت رد وجابه .. ردمت الغلا ولا تشعلل نــــاره
وعهدى بيك الغلا تشقابه .. غصبا عن الحساد والنـــــــقاره
من يوما تحجرتى على هابه .. العقل شاوى والعيون حياره
والعقل متخلقن كثر شخشابه .. وباقي صغير ضايقات افكاره
يا غزال مجدد .. غلاك لولى ولا خلاــــــــــــــــــــــــص تبدد
الله والنبى جاوب ولا تردد .. اللى حجرك مازال فى تياره
وبرضه علي جيك الا متشدد .. ولا تسعدن سرحك ياجاره
يا غزال قرب .. وقرب احكيلى عن غلاك وطــــــــــــــــــــرب
وطرب الخاطر راه موش مجرب .. فراق الغوالى يا كحيل انظاره
ان كان الغلا ناقص اليوم تخرب .. فداك وفداى نصبروا يا جاره
وخيك معنى ع لجفا مدرب ..وما من غلا قبلك تهـــــــــــــدم ثاره
وواخذ علي سوق الرحيل مغرب .. وواخذ علي ميل الزمان وكاره
زعمه قولى يا كحيل انظاره .. غلاك لولى ولا نقص مقــــــــــداره

احسنت نتظر منك الجديد