وصية أب لولده في إمتحانات الثانوية ..

عندما نفد صبرالأم من ولدها اللي ما يبيش يقرا و الإمتحانات الثانوية قريّب تبدا ...شكت لبوه وقلتله انصح ولدك درهلي كبدي مايبيش يقرا النهار ماطال وهو ينسرف..
نادى الاب ولده وكانت النصيحة كالآتي:
ياولدي امتحاناتك قربن وقدامك طريقين :
يأمّا تنجح يأمّا تسقط .. كان نجحت خير وبركة ، وكان سقطت .....عندك حاجتين :
يإما اتضيع في الشوارع يأما تركب عسكري.. كانك ضعت ما هيش مشكلة كبيرة، وكان قعدت عسكري.. عندك حاجتين :
يإما الشرطة يأما الجيش.. كانك خشيت الشرطة خير وبركة ، وكانك خشيت الجيش.. عندك حاجتين :
يإما يحطوك في الاحتياط يأما في الجبهة.. كان الاحتياط خير وبركة ، وكان الجبهة ..
عندك حاجتين :
يإما تروّح بالسلامة يأما اتطفك رصاصة .. كان روحت خير وبركة ،وكان جاتك رصاصة..
عندك حاجتين :
يإما تبرا يأما تموت.. كانك بريت احمد ربك ، وكانك متت.. عندك حاجتين :
يا ياكلنك الكلاب يا تتعفن .. كان كلنك الكلاب خير وبركة ،وكانك عفنت.. عندك حاجتين :
يا تتحول لغاز طبيعي يا تتحول لنفط.. كان تميت غاز خير وبركة، وكانك تحولت لنفط..
عندك حاجتين :
يا يصدروك نفط خام يا يكرروك في مصفاة .. كان صدروك خير وبركة ، وكان كرروك.. عندك حاجتين :
يا يحولوك لزيت سيارات يايحولوك لمواد تنظيف، كان تحولت لزيت خير وبركة ، وكان حولوك مواد تنظيف .. عندك حاجتين :
يا تقعد صابون يا تقعد كلينيكس، كان قعدت صابون خير وبركة ، وكان قعدت كلينيكس .... عندك حاجتين :
يا تقعد كلينيكس عراس يا تقعد كلينيكس حمامات ، كانك قعدت كلينيكس عراس خير وبركة ، وكانك قعدت كلينيكس حمامات .... عندك حاجتين :
يا يشريك واحد ليبي يا يشريك واحد براني...كان شراك واحد ليبي, ممكن يمسح بيك خشمه وكان شراك براني ف......
والله الواحد ماعارف مايقول يا ولدي؟ شوف حالك من توا خيرلك

هههههههههههههههه الله يبسط ايامك مشكووووووووور على ما قدمت

مشكوررررر

عليك حاله هالخبركله علشان يبيه ايذاكر معناها لوكان يبيه يجوز ايش ايقوله