حوار بين بوعزيزه والبزاري

من طرف **عبدالحفيظ عوض ربيع** 2010-10-30, 5:34 pm

ادموعك الليل طويل...... ينصف عليك توا تسكتي......ابراهيم

كمين ليل عانيناه...... طويل ناوعيني بالبكا........ البزاري

انكان تجبري فالليل ..... وري عساف ياعين ايسمى..... ابراهيم

لناس ما اتوري فيه ...... بكاية علي حالاته...... البزاري

جبنا سريب حرتي فيه.... رايناهن ادموعك نزحن..... بوعزيزة

يبقى الوقت موكي قبل......انتي انكان ياعين تنزحي..... البزاري

بلا زورقة لعساف......انكنك صحيح مليانة ابكا.... بوعزيزة...

ادموعها علي لولاف..... بلا عسف بكاية ابهن.... البزاري

عساف موش لومة عسف ..... اعللي فيه راكي ذاهبة.... بوعزيزة

ايعاطن معاني جبر...... هذين فرق مافيه بينهن...... لبزاري

ايحرم ياعزيز الصوب ...... انكان العسافة جبته....... بوعزيزة

نطرو عزيز جينا هنا..... ماجينا انعيبو في عرب..... البزاري

طريتلك عسافة صوب..... الله علم ماعيب قلتلك.... بوعزيزة

مااهناك ما اندوخو فيه ,,,,, لصواب كلهن قارينهن..... البزاري

عسيفة الصوب امنين...... كذا انكنت قاريه قولي...... بوعزيزة
العسف يالعين الجبر ...... في مامضى ماقلتلك..... لبزاري

الجبر ماعسافة صوب...... اذهبت ماعليها جيتني..... بوعزيزة

العين ماغشيمة صوب..... اتجيهن ادروبه عارفة..... البزاري

عسافة انريدو غير ...... فالصوب ماتهمناك بالغشم....بوعزيزة

راه العسيف خويل ..... عليه غير ياعين انشدي......البزاري

الا هذا فيه احتار ,,,,.. العقل ياعسافة عارفك...... بوعزيزة

الواهم ايوهم فيك ...... انتي موش ياعين واهمة.... البزاري

ياواهمة تعالي جاي .... من قبل قالها لي عاقلة.... بوعزيزة