امواجـــــــــــــع الصاحب

امواجع الصاحب والزمان تلاقن .. كيف ضقتن مرات ماينطاقن
صاحبي وزماني ................ اتقول قارنات الراس ياحباني
وياني امعاهن ف المرار انعاني .. وكيف ميلّن خلن اخلاقي ضاقن
انريد الموده م الحبيب جفاني ....... مواير الخطا بانن علينا تاقن
هم باعوني ........................ ونا زاد ننساهم اللي نسيوني
ولاعاد انجيهم لايريد ايجوني .. كي انسيت مدعاهم احوالي راقن
ولاعاد يبكن بالدموع اعيوني .. ولاعاد عليهم في الغياب اشتاقن
ولايريدن طاري .................. كثر الجفا بيّن اللي متواري
ولاعاد يجولّن كي ايامك ذاري ..... ولاينشدن كي قبل لاينداقن
اليوم من زعلهن واقفات اصداري .. انسوقهن عليهم سوق ما ينساقن
امواجع تمن ................. ايحوشن معا حوشة الليل ايلمن
لوكان من سكة خطا ماهمن... .. امواجع كبار وعمد ماينطاقن
علي خاطري دارن اسيول وجمّن .. سير الموده جن اصدافه عاقن
سية الصاحب والزمان تلاقن ...... نا ضقتن مرات ماينطاقن
لو يلتمن ..................... سية الصاحب والزمان ايهمن
وخيك افكاره ماساعيا لمن .. لولا الطواطي قبل حوتا راقن
عصبا عني ............ سية اللي صاحب وخالف ظني
والايام جن بعكسهن دالني .. شوري السافي والقبالي ساقن
مو بيديا .................... سية اللي من قبل عز عليا
وتوا نويتا نردمه ماضيه .. م اليوم العطابه والنجاهه تاقن
مو بالغايه ............. وقطعت حنظل من خطاه امعايا
غاب الدواء ماالقيت طب لدايا .. الا محي ذكره ونشطبوه اطلاقا
انقنها مره ................... سية رزين العقل مايتورا
عليه العتب من قبل ما يجرا .. فعل الخطا وابيات فيه ولاقن
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
وسلمتووووووووووووووووووووووووووووووووووووووووووووووووووووووووووووووووووووووووووووا

اسلمــــــــــــــــت

مشكــــــــــــــــــــور وبارك الله فيك يابوادريس

سلمك عاشق

لكم كل الشكر..وفقكم الله

العفووووووووووووووووووووو
مشكووووووووووووووووووره شمخ ع المتابعه