يا عزيز اقصفنى..

من طرف opengod2000 2011-12-06, 11:14 am

________________________________________
يا عزيز اقصفنى..

وان سال دمى احذاك ماتسعفنى كنى ضلمتك.

جيب اجنودك..

ارسم وخطط فى حياتى حدودك وان خان قلبى كمله بارودك..اقتل وهدد خاطرى وانسفنى

كرك وفرك عاشقه فى عودك..وضحكة عيونك وين ما تلاطفنى

جيتك بلا تكتيـك نبى ورودك..سلمت روحى قبل ما تخطفنى

يعلم الله صادق وصنت او عودك..حتى ان درت العيب وتخالفنى

ويعلــم الله حبيت كل قيودك..وصوبك معايا ف الغلا ايشرفنى

لك وداد..

ما اندير عيب او نخلفه الميعاد ولا نخون خونة ناس بن جواد..واضح معاك وف الغلا تعرفنى

زادت اللحمه وشــوق قلبى زاد..وبيك معترف
لو كنت مو شايفنى

خوذ عهد منى وخوذ فيه اعناد..ما صوب غيرك ف الحياة يجرفنى

وان كان خنتك جيبلى جراد..اقصف ودمر مالخريطه احذفنى

ولوكان نغدر بيك ربى راد..اسير عندك خوذنى كتفنى