روفه الدعبوب الرفادي

عين بنت مي مهلعا تهليعه
تشريط هبل في بايد غشم تمزيعه

مي مدوره تدويره
وسود طليس واسعة وكبيرة

تجيب من عيون هميل ريم سريره
واتجيب من عيون الصقر فى تبويعه

قاع البحر تبقى اوقات نظيره
واوقات ردم فحامه بدو تهليعه

حسك مغربية في أوقات مطيره
وصايف هدوب البنت في التفريعة

تقول كلامه
وسوده كما مردومت الفحامه

فاهق البايد في افجوج ظلامه
وغيم الشتاء قاطع النجم لميعه

خلاله مع لطباق له نخرامه
بياد بيدهن ماتجيبهن ترقيعه

اتقول حريقة
غناهن الله ع الكحل والتزويقة

معاهن ثقيل الروز ينشف ريقه
ينظام وين خزرتن اتجيه سريعة

رعيب الجواجي خزرهن مايطيقه
وراهن ايخف اتسيرله تهبيعه

تقول غداري
سبحانه على قدرة الله الباري

خلاني نموج حايسات افكاري
بلا عظم قابي للعيون صنيعه

ولاني اللي قاطب ولا مبخاري
نحل جبحهم كاتب الله تلسيعه

مع خزرته يانا اللي عرف الروح كلته

ويانا اللي جظيت من ساعتها
كي جظت المحموم في التصقيعه

صرحت خوف ترد ع العدم فجوتا
وامفيت شعر ماعندي لها تفزيعة

صرحت خوف ترد ع العدم فجوتا
وامفيت شعر ماعندي لها تفزيعة

هي خير مالكيه ومن خرتته
وطب العرب مالها يدير نفيعه

غني لها يالعقل غناوته
انكان الغنا ينفع لها الوجيعة

وصبي وشيل الكف شتاوته
واطري عين رتاع البساط ربيعه

مشكور علي اهتمامك بقصائد هذا الشاعر المميز
رحمه الله
تقبل مروري اخي
تحياتي لك :
المهندس

بارك الله فيك

شكراً لك على هذا الاطراء الاكثر من رائع

عليت ياروفه مزيد من الكلم السمح