أمغير أعوينه الناس كلها رفعت العين علينا أفراقنا اللي صار

من طرف **العاشق الصغير** 2011-12-20, 6:26 pm

امغير اعوينه افراقنا اللى صار
يقول نعيم الزوى

امغير اعوينه
الناس كلها رفعت العين علينا
افراقنا اللى صار

(( امغير اعوينه ))

عين شديده
جابت معاها الدمـــع والتنكيده
وهدت معايا صوب كنت انريده
وقلبت اركـــان العقل وموازينه
بعد الــزها والشوق والتكبيده
مــالت الـدنيا ياخســــاره بينـا
وبعد الــــوفا والــود ومواعيده
ماكـــان يخطــر ينتهى ماضينا
وياما رسمنا من احلام سعيده
لكـن عيــون الناس كانت شينا

عين خطيره
ســـاهل عليها صـــوبنا تدميره
غطت علينا الشمس فالظهيره
نين انعمـــن لعيون مـــا حكينا
نار او حـــــريقه والعــه او كبيره
سبحـــان بيها كيف مــــا حسينا
ولاكنت نعرف مــاتدوم السيره
بعد المحبه مــــــا نذوق الزينه
وماكـــان علمى ايامنا الاخيره
ذكره وتبقى ف الزمان حــزينه

عين معانا
صابت الصوب او طرطشة ملقانا
قلبى تماضا م الجــــروح او عانا
مالن ظــروفه فى عقاب سنينه
هفـــوه وصـــارت نقولها بامــانه
عشـــق الغـــــلا ياريتنا واريــنا
وياريت كنا نكتمــــــــوه زهـــانا
حتى ســهام الحسد ماترمينه
غلطـــة اقبال الناس بان غلانا
تبدل علينا الحــــــال نين بكينا

أمغير أعوينه الناس كلها رفعت العين علينا أفراقنا اللي صار 944316