قناة العربيه الآن

الاشتباكات بين الجيش الوطني وثوار مصراته..اشباه الثوار ...
وقد حدث ذلك عندما توجه الجيش لمقر الاستخبارات القديم
وطلبوا من المذكورين الخروج من المقر وردوا على الجيش بالرصاص
مما اضطر الجيش للرد عليهم وذلك في طريق السكه وشارع الزاويه وطريق الصور على حسب ماورد
وقد سقط 6 قتلى......................ز
لماذا لايعودون الى مصراته وللا ايريدوا يحتلوا ويستعمروا طرابلس...

يارب والله حرام هدا الايصير في بلادنا

مصراته فرطت في دماء شهدائها وضيعت سمعتها الطيبه
واصبحت مدينه مارقة

الشرعيه للجيش والشرطه ولا شرعيه لغيرهما
ولهما الحق في استعمال القوه ضد مثل هذه الآفات الدخيله على طرابلس..
ربنا ينصر ويقوي الجيش والشرطه.....
لابد من فرض السيطره على جميع انحاء البلاد والقضاء على مثل هؤلاء
حتى يشعر المواطن بالأمن والأمان

كان المفروض الاعتصامات اللي صايرة تندد بهذه الجمعات المسلحة وتطالب بخروجها من المدن الان حتى من يسقط ليس شهيد يجب الان ان تخرج جميع كتائب اشباه الثوار من طرابلس ويخلوا اهل طرابلس في حالهم ما هذه الفوضى والاستعراض والله انا خائف من ها الملشيات يعني لجان ثورية في ثوب جديد اذا اهل طرابلس مايقدروش يحموا انفسهم ويحموا طرابلس من المندسين واشباه الثوار وازلام القذافي فليعلنوا ذلك بعدها لن نطالب بخروج المسلحين المحتلين ونعلن ان طرابلس تحت الوصاية من اشباه الثوار

اي مصراته يامحمد ...جماعة مصراته اللي في الجبهه موتوا وشهداء
هضوم متسلقين وموش عارف شنو اللي في راسهم وايش ايريدوا بس..
......................................................
كاذبات عليهم ارواحهم وعلي قد ماحبينا صمودهم ..
وهذه بفضل دعم الشرق لهم بالتريس والتموين والذخيره والسلاح..
انا بديت نكرههم وجميع الليبيين بسبب تصريحاتهم وعنجهيتهم الزايده
ولما نسمع خبر فيه مصراته نضايق منه ..مع اني عندي فيها اصحاب وهم ضد الكلام هضا وقالوا هضوم مايمثلوا مصراته..لكن ماتنفعش..
المفروض ينصحوهم ويردوهم ويقولوا لهم انتوا غلاطه؟؟؟؟

والله ان القذافي اليوم يرقص فرحاً في قبره وازلامه يزغردون من الفرح والبهجة هذا بفضل عديمي الوطنية اشباه الثوار الذين احتلوا طرابلس وارادوا الاستيلاء على وحداتها ومبانيها

حسبنا الله ونعم الوكيل

اتقوا الله فى أنفسكم جيش مصراته
لقد طفح الكيل وأصبحتم بغاة
الله الله فى ليبيا