عاليات اقداره هو معقل المختار هوالشراره راه الجبل الاخضر

من طرف **العاشق الصغير** 2012-02-06, 9:06 pm

عالي صيتا عليه انشدو من قبل بو صفريته

لاعند توا في حما ذريته رجالت اكروب وهل نخا وعصاره

مامناللي اقتلوه وبغدريتا وين ماعليهم راد قذف اشراره

لا هادنوه ولاجدو خرتيته حتي كي التسعو بطغوتا ومراره

ومعاهم جبلهم ينقلب عفريته ع الغازي انجاهم بغارتا واوعاره

عاليات اقداره

مكانه عالي لايردعه لاريت كيفا والي يلي امشكك انشده الايطالي يحكيلك من الباكور لقصا ماره

اسا ايقولك ضاعو اضياع ارجالي انريد المرابح نلت غير اخصاره

القيت التريس اللي اتقول اهلالي الواحد انصوب ماخطي منظاره

وفنو اجيوشي في خلاه الخالي وتمو نثير اتقول ريش احباره

اللي فاجها ع البوق غارم فالي وشنتل جواجيها ابقو اذفاره

عاليات اقداره

رفيع مكانه بين القمر والشمس عالي شانه يشقا اللي ايزابيه ياعقبانه

فكرونه وجدي غزال يوم امباره ولا انحاس احذا اصفر حيتانه

واجد افروق السعر ع السعاره

ولا الربيع اللي خضب ربيانه

كيف الخريف اللي ايثوب اغباره

وين الشبه بينه هناك وهانه واللي قالها ضني امغير ابصاره

عاليات اقداره

عاليات عليه كي بنات النعش في ليل فوق حطيه

لساري دليل الدف والعشريه يقطع ومايذهب ادروب مساره

ولا تقلبوها مدحتي الصخيه وتبقو ابقيل وقال يافساره

ماني امنلي راد جيهاويه ولاني منلي يشعرو بلباره

غاليا علينا ليبيا جمليه من مدخل امساعد لحدودازواره

مانريدها تبقي سبا مسبيه لسلابت اعباد الله والعوشاره

عاليات اقداره

عاليات طرنه بالزين والفخر جملة افواه طرنه

ماعمر جيرانه اشاكو منه ولاعمر همز شور دار صغاره

وحتي طفلهم هلي اصغير سنه ايعد البعيده راشجحات افكاره

ويعزم ويذبح والعليل شفنه تشحيله وتخريفه ولذ اشعاره

واعي علي شياب ماشننه بخل الملابي لا اخيانت جاره

ايعيش ملاك ولاغريس امنه ياكل الحش ولا ايبيع عقاره

عقار ليبيا لنا دفا ومحنه غالي علينا يمها والقاره

اهداء من الشاعر جمعه بوريا

الي سكان الجبل الاخضر

عاليات اقداره هو معقل المختار هوالشراره راه الجبل الاخضر 551567734