أهداء من ثوار الزاويه الي ثوار البيضاء

من طرف **العاشق الصغير** 2012-02-18, 11:19 am

السلام عليكم ورحمة الله وبركاته

بالأمس حقيقة فرحنا بزيارة احد ثوار الزاويه البواسل(( سامي الطرابلسي)) لمدينة البيضاء في حفل في ساحة الشهداء واهدى قصيدة قداش في البيضاء انقول قصيده..

قداش في البيضاء انقول قصيده
البيضــــــــاء الشـــــرارة الأولـــــــى *** وصارت على الطاغوت دار الغولا
من يومها مصــــــدر فخر ورجــــوله *** البيضاء بعربها مصوقره و معدوله
اتخفف على الزايــــر اتشيل حمــــوله *** في الكـــرم والترحاب موش اجديده

قداش في البيضاء انقول قصيده
البيضـــــــــاء الصفـــــا والراحــــــه *** وفاتت جبـــــال الالـــب فوق سماحه
وهي كيف ورده زاهيــــــه فواحــــــه *** ضمــــت جـــروح الغير دوم وديــده
قداش في البيضاء انقول قصيده

البيضــــــــــــاء الوفـــــــاء والعـــزة *** انتفضـــت في كل مكــان دارت هزه
وصبرت وصبرت صامده كي غـــزة *** من يومهــــــا متماسكــــه وعنيــــــده
قداش في البيضاء انقول قصيده

البيضـــــــــــــاء الـي مهضومــــــــه *** وهي شامخـــــه فوق الجبــل مقيومــه
وهي طــــــيبه ومتوانســـه وحنونــــه *** لكن ان جـــــد الجـــــد نار صهيــــده
قداش في البيضاء انقول قصيده

البيضـــــــــــــاء الـــــي فزاعــــــــه *** ومن يومــــــها تبغـض الي تباعـــــه
البيضــــــاء شهامه وفرسنه وشجاعه *** وفعــــل الرجــال يبان في مواعيـــده
قداش في البيضاء انقول قصيده

البيضــــــــــــــاء الـــــي جبـــــــاره *** ما استســـــلمت للطاغيــه واصغــاره
وهبــــــــوا ضنــــاها يفعلوا ديــــاره *** ومفوز الطلحــــــــي دارلــه تنهيــــده

م ن ق و ل