عجيب كيف عندك ساهله تجرحني..

عجيب كيف عندك ساهله تجرحني
***
ادير الخطا وتقولي سامحنى


ادير الخطا وتجافي
تبعد وتنسا ماتعد اريافي
وجميع ماعطيتك بالجحود اتكافي
وتندم بعدها اتقولي ريحنى


عجيب كيف عندك ساهله تجرحني
***
ادير الخطا وتقولي سامحنى



ادير السيه
وتنسا انى بالود ماد ايديا
ترحل وما اترد السلام عليا
وترجع بعدها اتقولي صافحنى


عجيب كيف عندك ساهله تجرحني
***
ادير الخطا وتقولي سامحنى


ادير الغيبه
تكما اسرار وفى عندك ريبا
لاتعد عشره لاتعد العيبه
وتجيني بعدها اتقولي صارحني


عجيب كيف عندك ساهله تجرحني
***
ادير الخطا وتقولي سامحنى


ادير سوايا
اتجالس اصحابك بى ف السهرايا
تكشف اسراري امعاك للتسلايا
ومايهم عندك للعرب تفضحني


عجيب كيف عندك ساهله تجرحني
***
ادير الخطا وتقولي سامحنى


ادير الشينه
كمين مره قلت زاهد فينا
تمشى اتباعد وفى العقاب اتجينا
ناسى انك داير اللى تجرحنى


عجيب كيف عندك ساهله تجرحني
***
ادير الخطا وتقولي سامحنى