سيدتى اليك اهم الكريمات التى ينبغى ان تتواجد لديك

من طرف شموخ انثى 2012-02-27, 1:27 pm

السلام عليكم ورحمه الله وبركاته
كل الكريمات الطبية هي في الأساس مكونات طبيعية وده سر نجاح مفعولها والحاجات اللي هاقولها هتناسب جميع أنواع البشرة وبمجرد ما نعملها هنحطها في الثلاجة..

وهنبدأ "بالغسول اليومي"
مكوناته: 2 ملعقة شوفان + ملعقة لبن بودرة + لوز مطحون + ورد مجفف
الطريقة: هاخلط كل المكونات دي مع بعض وهاحطهم في زجاجة بس لو كان الغسول ده هيستخدم لبشرة دهنية يبقى مش هاضيف إلى المكونات دي اللبن

وبالنسبة للتونيك
مكوناته: 90 جرام ماء ورد + 30 جرام زيت لوز + 15 جرام جلسرين (ونصف ليمونة) لو البشرة دهنيةالطريقة: هاخلط كل المكونات دي مع بعض في زجاجة وعلى فكرة التونيك بيستخدم بعد الماسكات.[/size]

اما عن كريم الليل والنهار
[/size]أولاً: كريم النهار
ده بيستخدم بالنهار وهو عبارة عن (4 ملاعق فازلين على البخار. وطريقة تحضيره: بنجيب حلة ونسخنها ولما يطلع البخار نحط طبق ألومنيوم فوق الحلة ونضع فيه الفازلين وبعد ما يسيح نضيف إليه 2 ملعقة زيت زيتون + 1/2 ليمونة)... وكريم النهار ده بيساعد على ترطيب البشرة وعدم ظهور تكسيرات في الوجه.

ثانيا: كريم الليل

بعد ما أنظّف البشرة بماسك بسيط أو بماء ورد أضع كريم الليل ومكوناته (1/2 كوب شمع عسل من عند العطار وأعمله زي طريقة الفازلين اللي فاتت وبعد كده أضيف عليه 2 ملعقة زيت جوجوبا + 2 ملعقة جنين قمح).. والخليط ده مناسب أكثر مع البشرة الجافة أما البشرة الدهنية هنضع 4 ملاعق فازلين + 2 ملعقة زيت لوز + 2 ملعقة عسل.
وكريم العين
البنت لازم تحطه بعد سن العشرين وهو عبارة عن (2 ملعقة فازلين ونسخنها بالبخار زي الطريقة السابقة ونضيف عليها 2 ملعقة جنين القمح + 2 ملعقة زيت اللوز)... وده بيستعمل مرة في اليوم.

ولاخفاء الرؤوس السوداء
بياض بيضة نغمس القطنة فيها ونغطي منطقة الأنف وبعد ما تنشف نفركها وده أسهل وأبسط طريقة وبتجيب نتيجة إيجابية.

وعن كريمات شد الوجه
ممكن نعملها بطريقة سهلة جداً لو عندك فراولة تهرسيها وتحطيها لمدة ربع ساعة على الوجه أو موز مهروس. والطرق دي بناء على تجربة.

كلنا سمعنا عن الاسكراب وهقولكم ايه هو ونستخدمه ازاي
أولاً: "الإسكراب" بيشد البشرة وبينعم الجلد ويؤدي إلى انكماش المسامات الواسعة وبيوحّد لون البشرة والجسم والبشرة ويستخدم للبشرة الحساسة والدهنية مرة كل اسبوعين والبشرة الجافة مرة كل أسبوع، وأنصح قبل "الإسكراب" بإننا نعمل حمام بخار.
ومكونات "الإسكراب": (4 ملاعق ترمس مطحون + 4 ملاعق زيت صويا + ملعقة عسل + 2 زيت نعناع).
والطريقة: هاضع كل المقادير دي مع بعضها بكميات مناسبة لحد ما يكون الخليط متجانس وثقيل علشان يكون مناسب لفركه على الوجه بطريقة دائرية؛ لأن أهم حاجة في "الإسكراب" إنه يكون مناسب للفرك.
لكن الاسكراب مش ليه تأثير علي المناطق المناطق السمراء في الوجه لانها بتحتاج ترطيب وماسكات طبيعية أفضل من "الإسكراب" وأنصح البنات بعدم الضغط على المناطق السمراء أكثر من اللازم من خلال "الإسكراب" لأنها تزيد الاسمرار فلازم البنت تكون حريصة وتعالج المناطق السمراء بطرق تفتيح وماسكات طبيعية في الأول وبعدين تستخدم "الإسكراب".
وعن طريقه عمل حمام البخار
نجيب حلة بها ماء ونغليها على النار وبالنسبة للبشرة الجافة نضع (كاموميل) أو (لافندر) أما البشرة الدهنية نضع فيها (قشر برتقال) ونعرّض الوجه للبخار ونضع فوطة على الشعر علشان البخار كله يتركز على منطقة الوجه وده لمدة عشر دقائق.

البنات دلوقتي ما عندهاش ثقة في الماسكات الطبيعية وزهقت من الأنواع الكثيرة اللي بتسمع عنها عشان كده أنا بانصح كل البنات إنهم ما يحيروش نفسهم لأن فيه حاجات أساسية لو عملوها هتجيب نتيجة بسرعة وموجودة في كل بيت ومش محتاجة تروحي لعطار أو طبيب ماسكات وأكثر البشرات التي تعاني من المشاكل هي البشرة الدهنية وفيه طرق بسيطة وسهلة للتعامل معها زي مثلاً زبادي ونمرره على الوجه، وكمان فيه اللبن نمرره بقطنة وده بيساعد على تفتيح البشرة، وفيه كمان النشا مع بياض البيض ولكن أدفّيهم على النار شوية وده بيساعد على شد الوجه، وفيه كمان زبادي مع عسل مع خميرة بيرة وده بيساعد على إزالة الجلد الميت.

وفيه طريقة مذهلة وبسيطة جداً وهي الليمون فقط بيفتح البشرة ويزيل الحبوب.
كمان بانصح أي بنت إنها تبعد عن "كريمات التفتيح" حتى ولو كان نوعها عالمي؛ لأنها بتضر البشرة وأحسن حاجة لتفتيح البشرة هي استخدام حاجات بسيطة زي الي قولنا عليها..
البشره الدهنيه بتقشر دايما وده بيكون سببه نقص مياه وما فيهاش ترطيب وعلاجها شرب مياه وعصائر واستخدام كريم ترطيب طبيعي مكون من (زيت زيتون + زيت لوز) والماسك ده كمان مناسب للبشرة الجافة؛ لأنها هي كمان محتاجة ترطيب.
إزاي أحط الماسكات بطريقة تستفيد منها البشرة؟!
لكل منطقة مسامات خاصة بها وعلشان كده لازم نحط الماسك بطريقة سليمة..
أولاً: منطقة الخدود بحركة دائرية لفوق.

ثانياً: منطقة القورة من بداية الحاجب وبحركة دائرية للخارج يعني من نصف الحواجب.

ثالثاً: بالنسبة للأنف من فوق لتحت بحركة دائرية.

رابعاً: بالنسبة للرقبة من تحت لفوق بحركة دائرية.

خامساً: بالنسبة للذقن من نصف الذقن لبره وكده أكون مشيت مع خطوط مسامات الوجه بطريقة سليمة