ليش انعاني..

ليش انعاني..خلاني نخلي كيف ماخلاني .. رخصني رخصته
رخصني رخصته غير مانبكيله ... ولانطيحله لحضه ولانشكيله
ولو ماوقف عالباب مانمشيله ... يكفي أمعاه سنين ماهناني
كيف ماسرح مني بلا تعليله ... ننسى حكايته في ظروف ثواني
يحسابني ماريت غير ازويله ... ويحساب قبله ماغلا شقاني
ونا اللي ماشي دروب طويله ... ونا اللي ظلم الزمن رباني
ونا اللي ناقل احمول ثقيله ... حمال وماحامل,حمل حملاني
ونا اللي ورا الظال سبيله ... ولا اللي هديته ردلي وهداني
ونا اللي داويت قلوب عليله ... ولا من انوده بالدواء داواني
لي نفس كيف الطير ماتوطيله ... حتى وهو غالي في وجداني
وانكان غلانا دايره بجميله ... عنا وعن صوبه الله غناني
وماني اللي نفسي تعيش ذليله ... وهذا كلامي للقريب الداني
ليش ماوفا مادامني وافيله ... ليش مامسح دمعي بعد بكاني
هو اللي خان ونا كلتله كيله ... واللي بدا بالظلم هو الجاني
~~~~~~~~~~~~~~~~~~~~~~~~~~~~~~

ان شاء الله خير يابو ادريس
كنها جايتك علي الاحزان

شكـــــــــــــــــــــــ ــــــــــــــــــــــــرآ وبــــــــــــارك الله فيــــــــك
مــــــــــــــــــره مــــــــــــــــــــــــره يابواللافي