حوار بين الشاعر علي يوسف ونعيم الزوي

حوااااااااااااار ما بين ((على يوسف **نعيم الزوى)) . ياااا نعيم .

قصيدة من الشاعر الانيق على يوسف قال فيها """


ياااا نعيم !!!
نبـِّــى جواب اليوم للتخميم !!!
شاور عليا وقول ...
((ياااا نعيم))


مش معقـــــول
شـــاور علـــــــــــيا يا ازوى وقــــــــــووول
نبى الصراحــــــــــه.انريد كـــــــوم احلول
ونبى السعـــــــــاده اليـــــــوم مالصميم
تميت ضـــــــــــــايع كـــــــيف من مهبول
عايش اوهــــــــــــام الها زمـــــــان قديم
من بو غثيث العــــــــقل نـا مشـــــــغول
نسانى جفـــــــانى جـــــــاب ليا الضيم
وديمه فمنـــــــامى والاحــــــــلام ايصول
وحتى منـــــــــــــامى حرمّــــــــه تحريم

قول وصاااااارح
حاير دليلى معـــــــــاه ديمــــــــه سارح
وليك السّوال اليـــــــــــــــوم رانى طارح
نبى جوابك ســـــــــــــــاد مالتلـــــــويم
خممت واجـــــــد فى منـــــامى امبارح
القيت الجواب معـــــــــــــاك وقت انهيم
مظلـــوم يا خـــــويا . هواهــــــــم جارح
ديمـــه ابكـــــــــــا مالصــــــــبح للتعتيم
نبيك انتــــــــه اتكــــــــــــــون ليا شارح
ونختم كــلامى امعـــــــــــاك بالتسليم


رد الشاعر نعيم الزوى


خوذ الشيره
انكنى مكانك كل شـــــــــــــىء انديره
نقــــــراء كتــــــــــــاب الله ديــا خيــــره
ونرسم علــــــى يوم الخميس انصيم
وندعى عقــــاب الليـــــــل فالتوخيــره
ونرفـــــــع ايديـــا للعـــــــــلى الرحيــم
يالله مـــــاتخفــــــــــى عليك بصيـــره
عبـــــــدك وبيـــــــــن ايديـــك يالكريـم
بلكى اتشــــــيل الهـــــــم والتكــديره
وتشيل ضيقه مــــــن جــــــفا القديم
وتنسى مواجـــــع فالزمـــــــان كثيره
واجـــــــــروح كانـــــــن دايرات جحيـم
وتمسح ادموعك مالبكـــــــاء والحيره
وهمك وغمــــــــك تردمـــــــــه ابرديم


رد الشاعر: على يوسف


خذيت الشــورى
وقريته اكتـــــــــــاب الله سوره سوره
دخلته دخلــــته فــــــى غريق ابحورا
القيته غــــــنى ايجُـــــــــود بالتفهيم
ايخليك صــــــــاح ودنيــــــتك ميسورا
وديمـــــــه ايزيحـــك من عذاب عظيم
واضــــــح موضّح . كل خـــــافى امورا
واضــــــح وباين فالطــــــــريق سقيم
نصيحه صحيحه القيــــــتها مشكوره
من خـُـو .. فاهم ..ـفالقـــــرار حكيم

ليك تحـــــــــيه
يا بو رفيــــــــــــــــق امصممه مالنيه
ولك عهد ديمـــــــــــه اندريها فوصيه
وتبقى حيـــــــــاتى امنضمه تنضيم
شُورَى عزيـــــزه يا رفيــــــــــق عليا
من شخص واعى فالكـــــلام حليم
تميت عـــايش دنيـــــــتى مسروره
لا ظلم . لا . تجــــــريح . لا . تفليم
بجاه النبى .هللى ســـــطع بـ نورا
اتعيش الحياه ديمــه صحيح سليم

م ن ق و ل