مراد البرعصى

يم العطار تفوح ...... خرّابت الغلا ساعة خروج الروح ..... يا ويلهم


يم العطار زكيه و يم الميامي الهلع شبّن فيا

ساعة غفل بوقه سحبت ايديّه و عودت كامي في الكنين جروح

و تميت ما عندي و لا مقضيه ألا ما حذاكم في الغواش انذوح

لا نريد زاد و لا نريد مويّه و لا نريد بسط و لا نريد فروح

ألا ما عليك بدمعتي السخيّه حذا كل قايس بالظروف انّوح



يم العطار اتروّق تدهّش الفاقد مالهوال أتفوّق

و يم الميامي كي أتشب اتعوّق و يم الشفاه تقول قير جبوح

خدك ان قابل في غثيث أمطوّق كما بارق مازق في أرجاع يلوح

ريحه يمين يسار فيه اتزوّق علي وطن كالح له ايام كلوح


من جالا الاّنا من غلا متعوّق منّه و قامح يا شقاي قموح



يم العطار نسايم بريح الجنان إيفوّحن للهايم

بقطر الندا في صبح جو ملايم ربيع لو شتا لا صيف للمريوح

اللي ع الغلا مازال يطوي صايم ألا غلاك في جرّت نباه إيسوح

و اهناك ميط ملّريا امغير ندايم و اهناك ميط ملّريا اوبار نقوح

و نا ارياي ديمه يا عزيز عدايم و ما في الغلا نمّيت لا مربوح



يم العطار دوانا فيهن و فيك أنتي سبايب دانا

خطاك هو اللي خرّب عمار اقرانا و أبقينه خلا لا وحي لا بسروح

أيدوجن و لانك يا عزيز معانا كي قبل ننصح في غلاك نصوح

خليته خلا تصهّد هاذيك الحانه و لا تقول كان فراشّه مطروح

للضيف ان لفا في نجع سمح ادّانا و كانت عليه تحوش ضان طحوح

خليته خلا مالك عليه حنانه و لا يا عزيز تنال باب سموح



يم العطار جميله مع هفوتك قوفل رحل بلّيله

ان فاحن مع هبّت انسام عليله بفوح روض متخابل بعطر فتوح

وان المسا و البدر مونس ليله و ساكن الجو و خاطرك مشروح

بفوح النابت في افواه كحيله بخور يسحرك تبرح معاه بروح

و عزّك بكوت اربد انسل تنسيله لجدين و أمه بنت كوت جموح

جيد من جوايد ما أطري بزطيله ساحب أمنبّا له ثلاث قروح

اركابه إيىمس الارض وان جفيله وراه مالحصا تحلف شبوب الطوح

ركوبة ولد يرزي عداه ثقيله ربّت بوادي مو أربات فلوح

يكرم الضيف و لا طلبت القيله يفزع معاك و قطب قاري اللوح

من جالا العقل و شيلته لرحيله وراهم وهم عنّه جباهم موح

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل