وصف البنت الليبية

السلام عليكم....
طبعا مشاركتى بهدا الموضوع المتواضع جدا هو لبنت بلادى بس يعنى البنت الليبية هو وصف لها وتستحق اكثر من ذالك بنت بلادى
وياريت اينال اعجابكم بهذه الكلمات المتواضعة
عيونها عيون مصراتيه وخشمها زوارية

ضحكتها ضحكة مسلاتية

وشفايفها شفايف غريانية

فصيحه في كلامها ورفلية

دلال في خصامها بنغازية

فيها الصفات البيضاوية

دلوعه في ترفها درناوية

صوتها أنغام سرتاوية

وهمسها ألحان ككلية

تفتخر في حلاها مرجاوية

تحب الورد يعني من اجدابيا

هي بيضا وسمرا يعنى سبهاوية

رموشها رموش قماطية

في غرورها كإنها زليطنية

وفي تواضعها كإنها طبرقية

حبة الخال فيها هونية

وتفاحة خدها جبالية

مدري طيبة قلبها غدامسية وإلا زنتانية وإلا تاجورية

كلمة جمال فيها شوية مانقدر نوصفها صعب عليا

ريحتها عطور آنية

لبسها موديلات طرابلسية

يعجبنى فيها انها دكية وكلمة الحنية

والله فيها شوية تنحب بكل خيال ومنطقية

تنحب وبمشاعر قوية تنحب لان عيشتها هنية

تنحب الشرقاوية والغرباوية

ما يهم أنها طرابلسية وإلا بنغازية

يكفي ان اخلاقها عالية إسلامية

أهم شي ماتكون برانية المهم انها ليبية