مازت نا هو نا (( الشاعر عبدالرحمن بومغيب))

من طرف عوض الشلمانى 2012-01-22, 10:34 pm

مازلت فاضي بالي .. ومازلت ننشد ع العزيز الغالي
ومازلت حالي لولي هو حالي .. لانذل نفسي لانريد اغنا
ومازلت متمسك ابوي وخالي .. ومازلت نشري ف الحبيب اشرا
ومازلت صابر مهما يجرالي .. حمال السوايا ما انرد اكفا
حد بورتي نقطع امدد واجالي.. ونا بعيد من قولة طرا وجرا
ومازلت ما نعّدل علي لوالي.. وعاد عاب ع البشر بعبا
انسيني انسيته تم بالي خالي.. عندي اغيابه والحضور سوا
خلك بعيد البعد فيه تسالي.. لاادير صاحب لاادير اعدا
وقليل العقيده مامعاه اتوالي .. وقليل الاصل ماتربط امعاه اعرا
النوع هاللي تلقا خشمه عالي.. لاطيب ماركه لو نضاف البا
وهناك نوع نفخ اشدوقها ع الخالي.. ونجوه العدا يبقى قليل عنا
مفطوم ع الخباثه من قديم وتالي.. مكار مكر مايمشي الا بعصا
وهناك نوع ما ننسا اللي في بالي.. حتى ف الجدب تلقى احذاه ضرا
احماية الخايف والغريب الجالي.. وبلسم العيله للجروح دوا
وهناك ناس مشهوره نباها عالي.. حتى والجيول منفضات خلا
تسمع عليه اتقول صيت اهلالي.. نظيف السريره مقدمه وبها
هالشي هو كله وقصد اقوالي.. اهناك زيت والباقي اركود اميا
و اخر المتمه ع الكريم اتكالي .. وصلاة النبي نختم القول ابها
اعداد ماخلق ربي اعداد اجمالي .. سوا م البشر والله اصيود خلا[i]