الشاعر ادريس الشليف البرعصي

من طرف محمد صالح 2010-10-23, 8:52 pm

ياما عليه جحدت .... اوهو فالخفا يجحد اونا ماصدت عقلي انخرفه

ياما عليه اخفيت .... اوما من علايل قست ماشكيت
نحسابه الغافل اوهو ثاريت مليان غيض يطافر اونا بجدت
ماوي علي عقلي العين عميت ... عما العينى ذهبني عليه جردت
فزعته او فزعني مريض تكيت.... سندته علي ميت الواه قندت
قاري علي لوحاً علية قريت .... حافظينه ناجح اونا ماعدت
لولي انسيه اولا عليه اسهيت ... اولا جاه نوم اولا احذاه رقدت

من طرف بوبكر بوشناف بوبكرالحمري 2010-10-24, 7:55 pm

مشكور اخي محمد على هذه القصيدة الرائعة

من طرف بوبكر بوشناف بوبكرالحمري 2010-10-24, 8:36 pm

أفكارفي مدار العقل تلعب في طـولْ
وأفكار حمّلن بحمول قصرن أقيودهـا

وأفكار يقربن للحـق حـادن عالزلـل
وأفكار موتن بأسرار خشن الحودهـا

وأفكار سارحات ضوال مازلن أغفـل
حتى وهن بنار الوسم طابن اجلودهـا

وأفكار غاصات بهم من مضغ العلـل
وأفكار غيلن بالزور شهدن أشهودهـا

وأفكار ذاهبات أعطاش واردهن أقتـل
سقطار الاقرب بالسم يبـس أكبودهـا

وأفكار وانسن مالخوف حطن عالغول
اللي من رديم أقبور ناضـن أرقودهـا

وأفكار مالهوايل هذب ماقيهـن أفتـل
وما عمر دمع خلـوج حايـا قعودهـا

بينهن ايموج العقل من غيضـه ادقـل
ايكص بالقيود انضره في راس رودها

حتى انكان له مدات مالطربـه اعـزل
وكل يوم لون ادراد ينشـل اجبودهـا

حتى انكـان طاويتـه الدنيـا بالعقـل
اللي من خيال الذيب خافن أصيودهـا

سوايا اخبات انفوس واعيوبهم أحمـل
اللي فوق ثوب الفتن لطـن أجرودهـا

يحسابوا ان جي النهار ضيـا ينختـل
وإيديروا شبك عالشمس تستر اهرودها

أنكانهم عليهن غير يرجـوا في السبـل
ايخونهم حليب اعروق واحد اجدودهـا

علي عين في ميعـاد يعمـر وينعـدل
ويفكـن وتـاق اللـي اتنـن اقيودهـا

يكرامن عيون اجـواد جتنـي تدخـل
ومسامح السن بالسو سلـن اغمودهـا

لاجـل ضنـا لجـواد قاديهـم اهبـل
لقلوب لضنا لجـواد تبيـاض سودهـا

ذبيحت اوجوه اكـرام فيـا مـا فعـل
وانقيله ولـو ستيـن مـرة ايعودهـا

مازال في سريب العقل قولي ما أكمل
ولا البعد عالمقراع يقطـع اجهودهـا

تشبا عالقزع واطيـر تسحـن فالنعـل
وما اتحمل لمس اركاب ساعة شرودها

انجيها وني امهموم فاطـر عالعلـل
خزاين غياضي دلـف قنّـد اسدودهـا

ندراها هدد لا لجمـت لاي بالعقـل
بي تندبس في نـار لهـلاب عودهـا

مازال من غوير البير عقلي ما نشـل
راك ما سمعت طفاح طافـح ركودهـا

ولانـي علـي ليـام لاوينـي زعـل
وعارف انها ماعمر وفـن اعهودهـا

دنيـا قديمـة شـوم طيّـاحـت أدول
علي مشنقة صـدام لعبـن أقرودهـا

من طرف فرج احميد 2010-10-24, 9:01 pm

تسلم اخى محمد كلام طيب ومشكور اخى بوبكر على الاضافة الرائعة

من طرف محمد صالح 2010-10-26, 9:12 pm

مشكور خوي بوبكر شن اخبار عيت بوشناف الحمري جميعاً

من طرف جلنار 2010-11-25, 12:02 pm

من طرف ابراهيم ادريس السنوسي 2012-10-11, 12:05 am

تحية لمن يحافظون علي تاريخنا(لان العرب منذ القدم لم يتركوا لنا شيئا ملموسا ألا نادرا ولكن تركوا لنا شعرا رائعا فنحن لا نؤرخ بالمسلات كالفراعنة ولا اقوس النصر الاغريق والرومان علي ما اعتقد)

من طرف ابراهيم ادريس السنوسي 2012-10-11, 12:26 am

حقيقة منتدي عيت ارفاد رائع وفيه شعر يبري مالكلب affraid

من طرف امبارك 2012-10-11, 10:42 am

شكرا على هذة القصيده الرايعه

الشاعر ادريس الشليف البرعصي

الشاعر ادريس الشليف البرعصي

رد: الشاعر ادريس الشليف البرعصي

أفكار

رد: الشاعر ادريس الشليف البرعصي

رد: الشاعر ادريس الشليف البرعصي

رد: الشاعر ادريس الشليف البرعصي

رد: الشاعر ادريس الشليف البرعصي

رد: الشاعر ادريس الشليف البرعصي

رد: الشاعر ادريس الشليف البرعصي