شاعر من بلادى للمحروم ابى الشاعر المبروك عبد العزيز الجري

من طرف على المبروك 2012-06-09, 12:37 am

أما بالنسبة للشعر الشعبي، فأهدي هذه القصيدة لمن يعرفون هذا الفن وينسجمون معه في قصيدة جميلة في وصف مدينة درنة أيام زمان حيث يقول فيها:

درنة أيام زمان
زها لوريت ايام زمان؛
الخاطر متريح مطمان .. الضحكة كل نهار تزيد
الكلمة حق الوطن امان .. الود صحيح العيش رغيد
زهرها زرَع ف السيسان .. اليسمين مغطي الجريد
الورد مظلل على البيبان .. تقول مع التقطيع يزيد
شجرها مشماش ورمَان .. ادقول اخدود عروس جديد
عنبها بأشكال وبألوان .. حدَر في ظلال عناقيد
عسل وتطرشق في لوبان .. الفم يستبطي في الليد
سواقيها في كل مكان .. بطالاجن من وطن بعيد
فراحا بالشلال وبان .. عليهن لابس جرد جديد
عريس امهيف بين أغصان .. ايهيم اويثاوب ويميد
اونيسي يشَمس وجران .. يزغرد وطيور مواعيد
مشن منه مشية بطلان .. اللي موعارف وين يريد
برم عالنسري والروبيان .. وع النوار عويد عويد
خذن في واديهن الامان .. أو شقنه علوه وهويد
وباتن في جرفه وجنان .. حذا نخلة في عش جريد
رطبها كيف عليك يبان .. أمغير تقول خشوم عبيد
أيسهف لو تبقى شبعان .. تمنيت البطن حماميد
صحابتا جنة رضوان .. وبيحتا سبعين شهيد
صقوره من جيش الرحمان .. فزع روَح من وطن بعيد
ابقاضيهم جوها ماهان .. عليهم ما راعت من كيد
تنابو شياب وشبان .. وقالو نحنا وين انريد
الموت ولا قولت لوكان .. ودارو عالموت مواريد
قروا فيها ختمة قرآن .. وخشوا طقرور مهاويد
إفدا عدَوا عدَة واحصان .. او سيف ومصحف وأجاويد
اوهي ادفنتم بين أجفان .. أمواقيها في كل وريد
اوتموَا تاريخ او ديوان .. او خرافه ومزار وعيد