بـوبـكــر القديري&&فـرحــات العبار ( ماننهاك بدمعة سوقي)

من طرف قمر الشعر 2012-07-16, 7:45 am

فـرحــات العـبـار
بــوبــكــر القديري

فـرحــات العــبـار
..
ماننهاك بدمعه سوقي ... ليش اتروقي ... زول عزيز مشا في شوقي

ماننهاك تماصه كبــي .. كيف اتجبـي .. عالوهام ابدمعه عبــي
كمك في بودور امهبـي .. فيه احقوقـي .. ضاعن ضيع نمى اوبوقي

ما ننهاك بدمعه ديمــة .. في التدويمـة .. سيلي في خلو امواهيمـه
دمعك سيل ترادف غيمة .. فيه ابروقــي .. شكع اسيوف نهار اقنوقي
شابه بيه امحوجب ميمة .. جاء يزروقـي .. مشية جر سفا عبروقـي

ما ننهى اولا ننهى عنه .. عقلي منــه .. تالف ماروقات عطنــه
جفواه او موحه والغنة .. ساق ابسوقي .. طال الباع صعيب اعلوقي
فيه اللي فدر شالنــه .. خش ارقوقـي .. باعد كيف ايسير الحوقي
بين ثنايا ريب طونــه .. زم احلوقــي .. دمعي فيه عزاه انوقـي
لايدنى ولاندنى منــه .. سمح الزوقي .. حيز اوحاز اريافي وشوقي

ما ننهاك وراهم نوضي .. ديمه لوذي .. عالوهام تلف منقوضـي
من ياسة مطاول موذي .. عاقك عوقي .. عائق عوق روق اخلوقي

ننهاك انهالـي نـوحـــي .. كان ابكاك امناك ايجيبـه
واللابيه سطير اجـروحــي .. يهمد ماعاد انشاكيبــة
والي لاتميـت ابلوحــــي .. نتقه دمــــــــــع اتذريبــــه
به صيفه ياعيـن مسوحــي .. شلتي غير انتي تبـكي به
ع الغايب وانا مستوحـــي .. يطاول يـاسه وسريبــه
فيه اخطاك اوبارنقـوحــي .. م الساعة جيـتي تشليبـة
سرك تكمي والا بوحـــي .. ع المجهول ابنـاه نصيبـه
نا ماني بالحيل طموحـي .. لاني لتقهـيرك تسبيبــه
م الساعة عارف مـربوحـي .. نسمرمن رايـات عطيـبة
درتيهن ماجن في طوحــي .. شلتيهن ترديـف صليـبه
فوق احمول امغير ابـروحي .. وانتـي في لشـوارذهيبه
طاريلك طب المريـــوحي .. بين مجاذيبـك تهذيبــه
خوذي مني فيه سمــوحي .. لوعمرك كلــه تقضيـبه
دمعك وابكي بيه نصـوحي .. كينـب ايواطيـه لهيبـه
هلي في المكنون اسروحـي .. تسرح وابكـاك انداويـبه
تنشر ياعيني اوركــوحي .. بشواش أومـاشي تسبيبه
كلي نا مطاول مـــوحي .. عارف وانتـي ماتدريـبه
كلى انتي خليك اتــذوحي .. بين اوهـام خلا وامريـبه
خلالك مـن شال اوسوحي
واخرى نـوقي
واللامـة شوقي ماتضـوقي

بــوبــكــر الـقــديري..

ماننهاك عليهم نوحي...سرك بوحي...ماينفع تكميد جروحي
متربس مافك سروحي...ياس اقنوقي...قال مرار فراقة ضوقي
اياما والغالي في طوحي...عامر سوقي...مانشال اقرب صندوقي

ماننهاك عليهم سيلي...صوتك شيلي...حاير في لوهام دليلي
انحاز ونا زايد تهويلي...سمح الزوقي...كم غصة في وسط احلوقي
ايش تخلي وايش تشيلي...واطي فوقي...طابق باب الياس اغلوقي

ماننهاك عليهم قجي...دمعك وجي...جولي شور اوهامة لجي
صاف جنان الصوب البجي...ايبس بعروقي...ثايب ثاني يوم الحوقي
بومشية تستيل اترجي...دار سروقي...في عقلي شخشاب خزوقي

ومـــا نـنــهــاك !!