عبد الرحمن بونخيلة: بعد ياس نويت الهجرة

من طرف **dude333** 2012-07-18, 10:07 pm

عبد الرحمن بونخيلة: بعد ياس نويت الهجرة
(آخر قصيدة للشاعر قبيل وفاته)

من حاش وطنك يا لعين جفانا
خلينا انفجّوا سدّنا ما جانا
نعيش ديما جالي واخد ع التشريد قبل وتالي
نفسي خويلة ما اطيع لوالي
والحر ما يرضى حياة الهانا
علي وطننا هبن رياح قبالي
معاهن ابقي صايف ربيع غلانا
نويت الهجرة
اللي كاتبه مولاي لازم يجرى
لا نريد مال، لا سبب، لا تجرة
الياس والجظر من وطننا جلّانا
البعد خير من قرب الحبيب وهجره
كنيب موح الدار يشفى دانا
جفل من جِدّه
العين ذارفة والعقل واصل حدّه
هلب موكره وبلاد بوه وجّده
سبحان اللي باعد وفات مكانه
علينا جيوش الياس جت منهدة
تهدم على غفلات ساس رجانا
نويت الغربة
علي خير يا غوش الحبيب ودربه
إمزاها للعقل واللا تربة
ما مللي هاجر وفات أوطانه
دال الجظر والياس عالن حربه
غزا حواشنا وبرم على مرعانا
نبي نودع برقة ..
بعد بينا كتب الله الفرقة
عندي النفس تشبا للمعالي ترقا
صامل وشاغلني نخل جليانة
لنظار في خفا يسربن بالدرقة
يجيبن نبا غالي بعيد مكانه
متخيلات ياس بعيد لنظار في عزيز يوادعن

الرد : 1
زعمه يا بو صاحب
وطنك اللي فنين عليه كراهب
جاه برليسكوني كان ماني ذاهب
يمرح ويسرح كيف ما يتمنا
جاك كازي روما
كازي الكوازي جت معاه حكومه
يبرم كما برمة اللي ف الحومه
خلا الطوارف من دمها ريانه
وين موسوليني
وين بنك روما شي مو غابيني
يبيع في أراضينا عينك عيني
واللي موش قادر كان فك رهانه
بلاش اعنادي
لا تبعد بعيد ولا تعدي غادي
ولا تجفل كما جفلة الطيرالصادي
واصبر كما أيوب نال الجنه
وينا نخل جليانه
ووين صاحبك تلقا مغير مكانه
ما من قريب اللي نسي عنوانه
الدنيا غروره دوم هي عريانه
وين بوي وبوك
وين جدك والعرب هاذوك
لا هنت يا وطني ولا هانوك
عليش تبقا راضيا بالهانه
هانوا بلا سيات او زادوا غلا ع العقل وصار ياس ما دونه رجا

الرد : 2
زعمك يا بونخيله
وطنك اللي ما هناك شي مثيله
ما ف السما يضوي سوا قنديله
ما ف الوطا شميت أطيب بنّا
وطنك دايخ
هبن قبالي واجده او طبايخ
وعاد يلعبن في ملعبه الدرايخ
منين الليالي السود جوك او جنا
وطنك فاضي
بيك او بلاك اليوم تما راضي
وتم خصيمك هو الحكم والقاضي
وتم الظلم هو شرعه او في ميزانه
وطنك غرب
ظم قشاشه وزاد فيه امغرب
وتم برليسكوني هو اللي متقرب
عدو الامس تما حبنا وغلانا
وطنك ذاهب
شرق او غرب شي ماهو كاسب
الليبي عزيز النفس ماهو حاسب
الأسود ولصفر صار أحسن منا
وخايف العقل ايجول يلقا الجرح وايغيب الدوا
ياسين ابوسيف ياسين