إعلانات المنتدي
المواضيع الأخيرة
بحـث
الفرق بين الزوجة الليبية, والزوجة السورية
+5
المرتجع حنتوش
Ahmed Saadi
أسد فبراير
Faisal M
bohdilla
9 مشترك
صفحة 1 من اصل 1
الفرق بين الزوجة الليبية, والزوجة السورية
السلام عليكم ،،،،،،،
هذا الموضوع وجدتة في احدى المنتديات عجبني وعدلت فية لانة كان مكتوب باللهجة الغرباوية بالاضافة الى الاخطاء الاملائية ونبي ردودكم علية وبالاخص بوفرقة
اذا وقع زوجها عن الدرج:
السوريه : ولي على آمتي، سلامتك حبيبي أنشاء الله ، انا ولا انتا ابن عمــي (ميته خوف عليه )
الليبيه : شنو خير مصيبتك .. طيح سعدك .. دخت ؟ تستـــــــاهل .. الله لا تربحك ( ترجافية يموت بش تفتك منه)
الزوج يعتزم السفر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه
الليبية : أسبوع خلقتها مبرومه قبل السفر، وكل شوي دموع، وأمتى تبي تروح؟ ومع منو ماشي ؟ مش تقعد تفنص عالبنات !! إحلفلي إنك ما تعفسش مكانات فيها بنات! ما تتأخرش ، ينقصنا شي وانت مسافرما نلقوش منو يجيبنا. وكل يوم بتتصل بالتلفون بش اتشوف أنت وين و تحكيلك العيل عنده حرارة، وبنتك قربت تموت، ( هوايتها نكد)
إذا الزوج تأخر بره فى شغل او مع صديق:
السورية : شو إبن عمي ! غلي قلبي عليك تؤبشني يا حق وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا
الليبية : شرّفت !! وين كنت لاوي راسك؟ مهو أنا خدامة في الحوش، طول نهاري نكنس و نمسح !! مع من أصحابك تصوع معه؟ شنو جبتلنا معاك ؟وإلا جاي تصفق في يديك !! ، باهي اللي عرفت أن ليك حوش وعيله وروحت (لا تعليق)
إذا طلبت شى منه :
السورية : إبن عمـــــــــي تؤبشني تؤبر قلبي ( كله تؤبــر) حبيب قلبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الليبية : إغلط مرة في حياتك وجيبلنا حاجه معاك .. بكلاوة وإلا عسالية نبي حاجه نحللي بيها ريقي اللي أمر من هالعيشة معاك ؟
إذا جابلها هدية :
السورية : يسلّملي إياك ابن عمي حبيب قلبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الليبية : والله غاب وجاب، وشوف شن جاب الغراب لأمه، من وين شريتها وكم حقها هاذي ؟، الله يقطع ذوقك مش لو جبتلي شلاكه نشلك بيها خير
اذا تبي شي منها :
السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب قلبي .
الليبيه : تي حرام عليك خلي ننخمد شوية، لازم حياتي تعب ونكد، هو ما فيش خرا فى الحوش إلا انا؟ مش فاضية، وإلا نقد علي وجهك شوفلك حاجه تلهى فيها ، مرارتي انفجرت اففففف اففففف.
لو طلبت منها فنجان قهوة :
السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب قلبي ( تخيل فنجان القهوة بس )
الليبية : تبي قهوة ؟ هوينهم خوتك فى المربوعه برا تمشرب معاهم، وإلا إمشي لإمك تديرلك قهوة، نسيب شغلي إللي في إيدي ونديرلك قهوة؟؟ هاذا اللى ناقص، ياااا رب نموت ونفتك من العيشة ( كل هذا على خاطر فنجان قهوة ياشيخة)
اذا قاللها تبي شي؟ وهو طالع :
السورية :- تسلملى حبيب قلبي ابن عمى، مابدي غير سلامتك مكفينى من كل شى مو ناقصنى شى تسلملى ياحق بس حبيب قلبي ما تتأخر كثير بشتاقلك انا ابن عمي، بدك اعملك شى لمن ترجع؟
الليبية : لأأأأ (طول شواربها شبرين)... ما نبي شي، وين ماشي؟ انشالله تبي اطول وبتخلّيني بروحي زي الهبله، .. جيب معاك حفاظات للولد وإنت جاي.
الذوق والتنويع فى الاكل:
السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى ؟ ذوق هاي من إيدي، طيب كمان هاي دوقها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على قلبك ابن عمي.
الليبية : لو عندها كل أنواع الخضراوات، والثلاجة مليانة بكل شئ، ما تطمعش بأكثر من كسكسي بالبصله ومكرونية معجنة ،وإذا شدت على نفسها طبيخة وشرمولة هي الوجبة الرئيسية هذا اذا كنت محظوظ.
طبعا .. وشواربها شبرين لا قدام ، وتبدأ تضرب بالبنت على خاطر ما تساعدش فيها، وإذا حاولت أن تتحدث إليك فسيكون الحديث كالتالي: اليوم جت فواتير الكهرباء والميه، لازم تدفعهم ؟ اليوم انكسرت إيد الشيشمة متع الكوجينه، بعد لا تكمل غداك عدي جيب السباك يصلحها ، ولدك يبي 200 جني يشري نقال زيه زي عويل الجيران.
وبعد ما تكمل غداك شيلني لحوش هلي جايه غادي مباركه وبناتها، طلعت روحي طول اليوم فى الكوجينه والعزومات.
متأسف على طول الموضوع
bohdilla- رئيس عرفاء
-
عدد المشاركات : 138
العمر : 43
رقم العضوية : 151
قوة التقييم : 3
تاريخ التسجيل : 20/04/2009
رد: الفرق بين الزوجة الليبية, والزوجة السورية
مشكور علي النكت الرائعه
أسد فبراير- فريق اول
-
عدد المشاركات : 4248
رقم العضوية : 206
قوة التقييم : 11
تاريخ التسجيل : 13/05/2009
رد: الفرق بين الزوجة الليبية, والزوجة السورية
ههههههههههههههههههههه
يعطيك الصحة يا أعميمة على هالنكت الروعة
لكن و الله ما كلهن هكي
يعطيك الصحة يا أعميمة على هالنكت الروعة
لكن و الله ما كلهن هكي
Ahmed Saadi- مقدم
-
عدد المشاركات : 689
العمر : 36
رقم العضوية : 25
قوة التقييم : 26
تاريخ التسجيل : 19/02/2009
رد: الفرق بين الزوجة الليبية, والزوجة السورية
مشكور علي النكت الرائعه
المرتجع حنتوش- مشرف قسم المنتدي العام
-
عدد المشاركات : 21264
العمر : 32
رقم العضوية : 121
قوة التقييم : 41
تاريخ التسجيل : 10/04/2009
رد: الفرق بين الزوجة الليبية, والزوجة السورية
هههه بس انا مع فيصل
الامبراطور- فريق اول
-
عدد المشاركات : 4935
العمر : 37
رقم العضوية : 94
قوة التقييم : 65
تاريخ التسجيل : 01/04/2009
رد: الفرق بين الزوجة الليبية, والزوجة السورية
مشكور بوهديله على العرض الرائع....والليبيات لوكان موش خلقت ربى انقولك مصنوعات فى مصر....ههههه....رديت عالخاص يابوهديله
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
بوفرقه- مراقب
-
عدد المشاركات : 34697
العمر : 57
رقم العضوية : 179
قوة التقييم : 76
تاريخ التسجيل : 30/04/2009
رد: الفرق بين الزوجة الليبية, والزوجة السورية
هههههههههههههههههه
(الهزايب في طبعهن من غادي ) صح موش كلهن
بس يا جماعة الموضوع من باب النكته بس
شكراً يا بوهديله
(الهزايب في طبعهن من غادي ) صح موش كلهن
بس يا جماعة الموضوع من باب النكته بس
شكراً يا بوهديله
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
الكلمة الطيبة صدقة
A good word is charity
الكابتن- المشرف العام للمنتدي
-
عدد المشاركات : 14594
العمر : 56
رقم العضوية : 1
قوة التقييم : 423
تاريخ التسجيل : 15/08/2008
رد: الفرق بين الزوجة الليبية, والزوجة السورية
شكرا على الردود والموضوع فكاهى لاغير ولاكن فية اقوى حتى من هذة الشخصية وفية الزوجة اللي معاملتها وحكمتها تفوق احيانا اى شخص تعرفة .
bohdilla- رئيس عرفاء
-
عدد المشاركات : 138
العمر : 43
رقم العضوية : 151
قوة التقييم : 3
تاريخ التسجيل : 20/04/2009
رد: الفرق بين الزوجة الليبية, والزوجة السورية
بارك الله فيك على هذة المشاركة
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
مواضيع مماثلة
» ما الفرق بين الزوجة العربية والزوجة الغربية؟
» الفرق بين الزوجة الليبية والسورية
» الفرق بين الفتاة والزوجة
» ما هو الفرق بين الزوجة والسكرتيرة
» الفرق بين الزوجة و المرأة في القرآن الكريم
» الفرق بين الزوجة الليبية والسورية
» الفرق بين الفتاة والزوجة
» ما هو الفرق بين الزوجة والسكرتيرة
» الفرق بين الزوجة و المرأة في القرآن الكريم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
اليوم في 9:28 am من طرف STAR
» شفروليه تستعد للكشف عن ZR1: وحش أميركي بقوة 900 حصان
اليوم في 9:27 am من طرف STAR
» وجهات عربية ساحلية جديرة بالزيارة مع العائلة في الصيف
اليوم في 9:27 am من طرف STAR
» هل ينتقل إيدرسون حارس السيتي للدوري السعودي؟
اليوم في 9:24 am من طرف STAR
» الكشف عن قيمة مكافأة توقيع مبابي
اليوم في 9:24 am من طرف STAR
» حقبة جديدة لمنتخب مصر بقيادة حسن وصلاح
اليوم في 9:23 am من طرف STAR
» كرات الروبيان المقلية لمقبلات شهية
اليوم في 9:23 am من طرف STAR
» "تحررت وارتحت تماما".. مبابي يكشف "المستور" بعد مغادرته باريس سان جرمان
أمس في 8:44 am من طرف STAR
» اليوم بسماء الدول العربية.. حدث فلكي نادر يرى مرة في العمر
أمس في 8:43 am من طرف STAR
» قبل زيادة البنزين.. هل منظف دورة الوقود بالسيارة يقلل من الاستهلاك؟
أمس في 8:42 am من طرف STAR
» كوه ساموي وجهة تايلاندية ترحب بالسائحين مهما كانت ميزانياتهم
أمس في 8:42 am من طرف STAR
» أسهل طريقة لعمل البامية باللحم
أمس في 8:41 am من طرف STAR
» جدول مباريات يورو 2024.. المجموعات والأدوار الإقصائية
2024-06-04, 9:29 am من طرف STAR
» رحلة سياحية ممتعة إلى بيرات أروع مدن ألبانيا التاريخية
2024-06-04, 9:28 am من طرف STAR
» الكشف عن أقوى سيارة جولف ذات دفع رباعي
2024-06-04, 9:27 am من طرف STAR