قصيدة البيـــــــــــــــــــــــــــــــر

قصيدة البيـــــــــــــــــــــــــــــــر الشهيرة

محاورة بين الشاعر وبير راس اجعيدة الكائن غرب مدينة طبرق للشاعر المرحوم هاشم بوالخطابية

الشـــــــــــــــــــــــــــاعر :

ســـــــوال النبي يا بير ما ورداتك ** ودلت ســــــــــوالفها علي جالاتك

ســــــــوال النبي يا بير ما وردنك ** بناويت مـــــــــن لون الغزلة جنك

ونا صغير ومعاهن وهن يســــقنك ** ومجّن ايديهن في شــــــراب قناتك

يرقن غراضــــــي وين ما يرعنك ** ويخطر عليهن صوب فـــي جياتك

البيـــــــــــــــــــــــــــــــر :

واجد جانــــــــــــــــــــــــــــــــي ** بناويت وقرونهن طوال مثانـــــي

عللهن مردع كيف حيـــــــط الباني ** وفيهن اللي غرا بنار شـــــــواتك

ياك تنتصح وتســــــــيب هالمعاني ** وتخفف علـــــي ذنبك نهار اماتك

الشـــــــــــــــــــــــــــاعر :

سوال النبي يابيــــــــــــر تنهى فيا ** ما ريتهن بيدك اشـــــــــغال الغية

نا وبو خجل فوق الكتوف وســــية ** ميعادنا ديمه علــــــــــي خرزاتك

واليوم وين هو صاحب عزيز عليا ** ودونه اكوام الياس كــــي نزواتك

البيـــــــــــــــــــــــــــــــر :

نلقانها جتنــــــــــــــــــــــــــــــي ** البنت اللي بقرونها غطتنـــــــــــي

ذرعانها وزنودها ورتنـــــــــــــي ** وعلـــــــــت حجايج ماثلن ولعاتك

وما من اللي غيرها وردتنــــــــي ** وزال وقتـــــها وتزول زاد حياتك

الشـــــــــــــــــــــــــــاعر :

ســـــوال النبي يا بير وين مرادي ** اللـي قرونها فوق الكتوف نضادي

يعيرن دموعي كيف ســيل الوادي ** ويخطر عليهن صوب وان سقاتك

واليوم منكشف يانك صباح العادي ** كاره مواهيــــــــــــمك بعد فاتاتك





.



البيـــــــــــــــــــــــــــــــر :

خطانـــــــــــــــــــــــــــــــــــــي ** كلامك امعايا راه علل لقانــــــــــــي

مولى السـوالف كي الغرس الباني ** عدن ايامه كيف تعـــــــــــــــــداياتك

ونا بير في طاقة قديم زمانـــــــــي ** تروق كي اتعوز الشـرب في سقواتك

كل يوم ناصبهن علي عنانــــــــي ** ياما نظرنا غيـــــــــــــــــــر دماكاتك

سكر ابواب القول يا شـــــــــيباني ** والقط مراه وشــــــــــــــوفهن ليقاتك

الشـــــــــــــــــــــــــــاعر :

ســـــوال النبي يا بير عيبك زارب ** ونا زاد عنـــــــــدي فالزمان تجارب

ما عاد يصدر زول منك شـــــارب ** علـــــــي طول عمرك حددن هماتك

يا طول ما جنك ســـــماح شوارب ** ومدن قربهن فـــــــــي اوقات زهاتك

وعدن ايفــــــيحن نا معاهن طارب ** قاصدات غوش ارجالها جــــــهراتك

واليوم راك باهـي له البوم الهارب ** جملة البـــــــــــــــومة كلها سكناتك

وكيف ننشـــدك نلقى كلامك خارب ** راهي حرام منظرتك مع ســـوحاتك

البيـــــــــــــــــــــــــــــــر :

نلقانك خـــــــــــــــــــــــــــــــايب ** وغيبة عقول الشــــــــايبين مصايب

تنشد علي شــــــــــــياً قديم وغايب ** يا الهبل وين امك اللــــــــي جاباتك

ويــــــــن الصحابة هم كبار النايب ** وين الرســــــــــول اللي فتح سناتك

وشوف القرى كانن قصور عجايب ** وريت صـــغر واجد وانتظر حالاتك

عينك علــــــي خدك طخرها ذايب ** بكاي عالمقابر نعــــــــرفوا صنعاتك

لانك شريكــــــــي لا قريب حبايب ** لا تزورنــــــي كان الطريق ارماتك

خليني حذا نزوة امبوي ســـــــايب ** وان كان جيتني تشـهد عليك وطاتك

الشـــــــــــــــــــــــــــاعر :

يابيــــــــــــــــــــــــــر فرقة حالك ** قاعد اتصهد نيــــــــن خارب جالك

نشدتك علـــي غالي وحال احوالك ** عايرتني بالكبر ما ســــــــــــــداتك

واخرى تقول لـي بالعيب في موالك ** ان كان جيتني تشهد عليك وطاتك

وهذي ليش فرســــنتك وضيقة بالك ** ما تحارب الدولة اللـــــــي هداتك

وانت راك من غادي قديم اشـــكالك ** باين على الرومان كـــي صنعاتك




البيـــــــــــــــــــــــــــــــر :

ليش اتجونـــــــــــــــــــــــــــــــــــي ** نا كنت باهــــي غير خامد عوني

لو كان ترتجع وين هم اللي جهرونـي ** يا شـــــــــــايباً تبكي علي ولعاتك

دايل عليهم حيط لو ياتونــــــــــــــــي ** فراســــــين كسّر يمسحوا دمعاتك

الشـــــــــــــــــــــــــــاعر :

ســــــــــــــوال النبي يابير وين الطوقة ** اللي حبها ســــــابق معانا شوقه

تخطر علينا صــــــــــــوب كامل زوقه ** كيف ننـظروا حيطات من قرياتك

واليوم الغلا خربن مواقف ســــــــــوقه ** وزولة الماشــــي طيحت قيماتك

البيـــــــــــــــــــــــــــــــر :

عــــــــــــــــــــــــــــــــــــــدي غادي ** يا شــــــــــايباً تحكي بعيبك بادي

انظر قشاقيشــــــــــــــــي وكبر فسادي ** مانــــــــــي المتبوّب علي غياتك

ما كنت تعرفهن طـــــــــــــرق ميرادي ** وديمه اتطارح فالرويض عصاتك

وين هن اللي كانن بنات ســــــــــعادي ** ايعزيك في صغرك شعر شــيباتك

الشـــــــــــــــــــــــــــاعر :

ســــــــــوال النبي يا بير ماني راضي ** نريد نطلبك بحقوق عند القاضــي

ما كنت شي تترع شـــــــــرابك فاضي ** ويردوا عليك اجواد فـــي نزهاتك

شـــــــــــــــايب كبير وراقات غراضي ** ولايعاتنـــــــــي ليام كي لوعاتك

ننشـــــــــد علي مولى القرون عراضي ** تقول لــــي كلام العيب بحكاياتك

البيـــــــــــــــــــــــــــــــر :

احرســـــــــــــــــــــــــــــــــــــــــــهن ** حكاياً قديم وفالعلل متلسّــــــــــن

نلقانك زهيت ايام في مجلســــــــــــــهن ** وهن يفرحن كي اتوق بفراشـاتك

اوقات الغلا والعشق يا مكوســــــــــهن ** وعيّل صـــــــغير ويعجبن ليقاتك

واليوم يجفلن منك بعد تحرســــــــــــهن ** علاثر اسنين الشيب طمعت ذاتك

الشـــــــــــــــــــــــــــاعر :

ســــــــــــــــوال النبي يا بير عايب فيّا ** لوكان ترتجع مالك حقـــوق عليا

عيون من ترسّــــــــــــم طايب الكوهية ** اوقات الغلا والعشــق ياما جاتك

شــــــــــــــــــــايب كبير ولايعتني غية ** وناظر زهاة ايام فـــــي صحاتك

جيتك انزوروا فيك شــــــــــــــينك جية ** القيتك اتبوي منكشـــــف جالاتك

لانك عمار ولا اتشــــــــــــــــــيل اميّة ** ميلة الدنيا بالفســــــــــاد طواتك

بارك الله فيك ومشكور

راااااااااااائع .....

مشكـــــــــــــــــور اخــــــــــــــي ,,,

مشكــــــــــــــــــورين ع المرور

شكرا لك جميل جداً