الى mirtaha

من طرف **dude333** 2012-08-02, 4:12 am

لا شيء محير كالتاريخ او بمعنى ادق جغرافية التاريخ انا من بنغازى ولست منها ....... اليس هذا منتهى التناقض هنا تكمن جغرافية التاريخ عندما تحركت الارض افتراضيا من ورفلة او مصراته او الزاوية او تاجوراء او سبها او ودان او زليطن الى بنغازى . قالتاريخ مثل جذور الشجرة لا نراها ولكن نرى الشجرة العملاقة , ناكل من ثمارها ونتفيأ بظلها و لا نمانع ان قطع بعض من اغاصانها لنوقد بها نارا نطبخ عليها ما شئنا او نحرق بها من شئنا .
انا من بنغازى ولكنني عرفت بنغازى فى عيون اهلها المصراتيه والفزازنه والتواجير و ورفلة وغيرهم من الجذور الليبية تصاهرنا معهم وتزوجنا منهم وتزوجوا منا وتناسلنا وانبتنا شجرة كبيرة الهامة تحلق اولادنا حولها ولكن اصل الشجرة جذور ونبت الجذور وكبرت معها جذور اخرى وتحلق اطفالنا حول الشجرة وتناسوا ان هناك جذور مغروسة فى الارض ارتوت من دماء الورفلى والتاجورى والفزانى والطرابلسى والزاوى والزليطنى على مشارف جليانه والبركة دفاعا عن الشجرة
كلنا نحب ليبيا ( الشجرة الكبيرة)وكلنا نعشقها ولكن بمذاق جذورنا الاصلية فانا احب الرز المبوخ البنغازى بقدر عشقى للرشدة الطرابلسية او البازين المصراتى او الرز المرجًع الطبرقى
راجعى جذورك واعرفي اين تفرعت فكلنا في الهم تاريخ صنعته الجغرافيا
نحب بن وليد قدر كرهنا لمن جاء من الرصيفة ليدمر بنغازى يوم 19/3/2011 ونحب بنغازى بقدر كرهنا لعتاة اللجان الثورية البنغازيه يوم موقعة جسر جليانة فى 15/2/2011 بقيادة الفاشل عبد الله السنوسى فالاثنان اهانهم الطاغية بمالة فهل نلومهم ام نلوم الطاغية ام نلوم الاثنين معا

من طرف المزكمت 2012-08-02, 8:31 am

dude333 كتب:

ل
انا من بنغازى ولكنني عرفت بنغازى فى عيون اهلها المصراتيه والفزازنه والتواجير و ورفلة وغيرهم

كلام قوى يادودى ... صار هم هضوم هل بنغازى ...

عجب .... أمتى جو إلى تحكى عليهم إلى بنغازى ... بيش تقول عليهم هل بنغازى ... شكلك واحد منهم ....
ومنبيش ... نقولك على هل بنغازى .. بلكى تعاود تقراء التاريخ من جديد ...

من طرف mirtaha 2012-08-02, 10:22 am

احب ليبيا واحب بني وليد ذات الخلطة السحرية التي من لا يعرفها يجهلها -

صفقوا وزغردوا لحلف الناتو في الساحات والميادين الى جانب الكفار واعلام الكفار عندما كانت عروس البحر طرابلس يدقها حلف الناتو بصواريخه وقنابله وكتب عنا هؤلاء الكفار الكثير الكثير وكتبوا كذلك عن الابطال من لم يطأطأوا رؤوسهم ويملئوا جيوبهم بالدينار على كتوف الثورة والثوار الذين جلبوا العار.

هل هذه بنغازي !!!!!!!!!!!!!

طبعا لا !!! بنغازي تاريخ اجدادها مسطر بدماء مجاهديها الابرار من كان يجاهد ويقاتل الطليان في الجبل الاخضر وسرت وفي سوسة وفي درنة وفي فزان وفي القرضابية ووووووووو هل اتخيل ان طرف من اطراف ليبيا الحبيبة خان طرفه الاخر.

من احرق بالامس اعلام قطر هم شرفاء بنغازي - هم احرارها وحرائرها - هم احفاد عمر المختار الذي زج باسم هذا البطل حتى تم تدنيس مكانه الطاهر باقدامهم النجسة بحجة الديمقراطية والحرية والعدالة والامن والامان ...... هل تصدق هذا يا دودي!!!!!!

هكذا تم تحريف تاريخ ليبيا وتاريخ احفادها وحرائرها -- اتظن حرائر بنغازي هن انفسهن من صافح اليهودي برنارد ليفي وعانق رفائيل اليهودي واستقبل ساركوزي وغيرهم وغيرهم في منازلهن وصالاتهن ---لالالالالا --- حرائر بنغازي استنجدن واستنجدن --- ولا من مغيث ولا من مجيب-فهل تظن طرفا من اطراف الجسد الواحد يخون بقية اطراقه....

لا لالالا هذه اكذوبة صنعها لنا محبوا الغرب صنعها لنا من حرفوا التاريخ صنعها لنا محبو برنارد ليفي ورفائل وغيرهم كثر -- اتظن ان قلوبهم على ليييا - لا أصدق

هؤلاء هم من زوروا الحقائق وهناك في جعبتي الكثير- اجدد دعوتي الى كل من يريد الاستفهام على شيء عليه الحضور الي بني وليد وسؤال شهود العصر على ما حدث وسيتم شرح الكثير الكثير....

من طرف **dude333** 2012-08-02, 5:19 pm

المزكمت كتب:
dude333 كتب:

ل
انا من بنغازى ولكنني عرفت بنغازى فى عيون اهلها المصراتيه والفزازنه والتواجير و ورفلة وغيرهم

كلام قوى يادودى ... صار هم هضوم هل بنغازى ...

عجب .... أمتى جو إلى تحكى عليهم إلى بنغازى ... بيش تقول عليهم هل بنغازى ... شكلك واحد منهم ....
ومنبيش ... نقولك على هل بنغازى .. بلكى تعاود تقراء التاريخ من جديد ...

ناس تقرا فى السطور وناس تقرا ما بين السطور
***************************************
هناك نوعان من القراء
نوع يقرا فى السطور فقط ونوع يقرا فيما كتب بين السطور
ناس تقرا فى المكتوب وناس تقرا فى المضمون
من انكر سكان بنغازى ومن يستطيع ان ينكرهم
انا قلت تصاهرنا معهم اى ان سكان بنغازى تصاهروا مع من اتاهم من ارجاء ليبيا
اتنكر يا ((المتزكمت)) ان 50% من سكان بنغازى من العائلات العريقة يرجعوا الى اوصول من الغرب الليبي او من جنوبة لا اريد ان اهاجم احدا ولكننى اعتقد جازما انك باشد الحاجة الى قراءة تاريخ بنغازى وانساب العائلات البنغازية
قلت
عندما تتحرك الارض افتراضيا فهذا يعنى تحرك افراد بثقافتهم و فنونهم ومعتقداتهم من مكان الى اخر

عزيزى ان لم تجد او لم تستطيع ان تحصل على اى معلومة عن تاريخ بنغازى ونوعية من سكنها وانسابهم الاصلية ... فقط عليك الالتجاء الى سجل الوفيات بمدينة بنغازى لتعرف القاب المتوفين لتعرف الى اى من العائلات هم
او عليك بالتفركيس فى الانترنت مستعملا الكلمات الدلالية سكا ن -- بنغازى -- تركيبة --اوصول -- فربما تقع فى معلومة تدهشك بعض الشى .
وان عجزت فاعرج على اى مجموعة من الشياب واسالهم عن انساب العائلات فى بنغازى و ستسمع حكايات وكلام ايخليك متنح ...... بس الشياب لازم ايكونو من 60 سنة فما فوق
على فكرة
ما تفسيرك لاسماء عائلات بنغازية عريقة جذورها ضاربة بقوة فى ارض بنغازى مثل
عيت الزليطن . او عيت الغريانى . او عيت الزاوى .
او عيت الطرابلسى .او عيت الفزانى , او عيت الترهونى .
او عيت الفيتورى ,او عيت المنقوش , او عيت الكوافى .
او عيت ادغيم , او عيت الورفلى , او عيت باله . او عيت بلها ,