إنتشار مكاتب للزواج من فتيات سوريات في ليبيا

إنتشار مكاتب للزواج من فتيات سوريات في ليبيا


انتشرت في بعض المدن ظاهرة جديدة بدأت من مدينة بنغازي لتسهيل زواج عدد من السيدات والفتيات من الأسر والعائلات السورية النازحة لليبيا بسبب القتال الدائر في سورية بين الثوار السوريين وقوات النظام هناك.
وذكرت منظمات حقوقية ليبية اليوم الجمعة أن عمليات الزواج من سوريات أصبحت تتم بطريقة شبه منظمة عن طريق مكاتب في مدينة بنغازي لتقوم بهذه المهمة بين الليبي والفتاة السورية نظير مبلغ مالي معين كرسوم وأتعاب هذه المكاتب ، بالإضافة إلى طرق أخرى للزواج عن طريق بعض الوسطاء من الأفراد العاديين وبأسعار منافسة جدا عن مكاتب الزواج .
وتم كشف النقاب أنه سيتم قريبا افتتاح فروع لمكاتب الزواج تلك فى طرابلس ومصراته والزاوية ومدن وحتى قرى جبل نفوسه.

الف مبروك للجميع

الف مبروك على شنو...على قلة الكراامة منهن..والا على اشباه الرجال الي يستغلوه في هالوضع
عمرك سمعت عن ليبية في اياام الثورة دارن هكي في عز الموووت
والي يبي يحكي على الليبيات زي الي صاير في الفيس من شن هجوم وقلة ادب على الليبية ومش عجبتهم انقوللهم الليبية هي الي جابت عمر المختار
وهي الي دزت عيالها للجبهة وزغردت على كل مامات لها ولد او زوج او خال او عم.......هي الي انجبت التريس,,,,,
ومازالت هي العز والفخر..مهما حكى عليها ولد بلادها

أختي الكريمة هذا لمز وطعن في أعراض المسلمات فانتبهي
ليس كل بنت سوريا فاسقة أو عاهرة أو على قلة من الخلق
ربما الحرب شتت أسر اليتيمات فمن يكفلهن هل تظمني لهن العيش الوافر والسكن
ولقمة العيش هذا نوع من السترة ولهذا جعل تعدد الزواج للرجل لمثل هذه الحالات
خاصة وأنتي تعلمي مدى صعوبة الفتاة الليبية الكريمة والشروط الصعبة عند الغالبية
فأنا مع البنت الليبية العفيفة وكذلك مع كل الفتيات المسلمات ذوات الخلق الحسن
ولايجوز لنا أن نتكلم في أعراض الناس مالم نعرف عنهم شيئا بارك الله فيك
على غيرتك على البنات الليبيات ...
وفق الله الجميع

خوي ماتقولي شئ ماقلته ولا ذنب بمزاجك
انا نحكي انه زواج زي هكي لا سترة ولا حقوق فيه للمراءة السورية
بعدين لو ترجع بالزمن للورااء وتذكروه شنو صاار في حرب البوسنة وازوجوهن على اسااس سترة..وبعدها كملن هنا وعيالهن في الملاجئ ..
في من يخااف ربي..بس في واااجد من معاد يخاف ربي...
العملية مش شرااء جواري..للتسلية..
وهذا ماصار في نسااء البوسنة زماان لما تزوجوه بيهن اليبية
الي مالها سند توا وراجل ورااءها معاد يسال عليها حد

أحسنت الرد
شكرا لك على التوضيح الكلام كان بشكل عام
أكرر أسفي أختي الكريمة

نعم اختي سنى اليبيات الحرائير هن من انجب الابطال الى خلو الي يفتحو في امكاتب ايتكلمو كنهم ما ايسهلو زواج اليبيين و اليبيات عن طريق عرس الزواج الجماعي او عمل جمعيات خيرية لهدا المجال فية ليبيات قاعدات في بيوتهن و مستعدات يصرفن عى اشباة الرجال الدين يستغلون ضرووف اخواتنا في سوريا لكي يمررو افكارهم الدنيئة او رغباتهم المريضة
ادا كان معروفا فالاقربون اولا بالمعروف
و كنهم ما دارو مكاتب للزواج من الصوماليات الي مش لقيات ما ياكلن
و هن مسلمات هدا استغلال مواقف من ضعاف النفوس مستغلين الفرص لتحقيق مكاسب مادية
اصلح اللة حالهم

يا ناس اصحو البنات الليبيات عنسو ياحكومة سوف تصبح مشكلة كبيرة حلو مشكلة السكن وتسهيل الزواج للليبيين الشباب خير ما تصبح كارثة

مرات الواحد عمرة 47 سنة وموش متزوج ,, من الفقر
هذه فرصة له خصوصاً في ظل غلاء مهر الليبيات .
يا جماعة الناس تختلف ظروفها ..

بكل تأكيد ما فيش كيف الوطني في كل شئ ..

كويس التغيير خلى حتى صبايانا ايبجدن فى الزلمات اللى قاعدين فى ليبيا ان كان جو عليهن لكن ياودى ماضنيش

ههههههههههههه
توا الي يسمعكم يقول انتم ياشباب ورجال ليبيا جمال يوسف فيكم
حتى الليبية ترضى بيكم كووووووويس..
خلي المستور مستور خير...
الليبية ماتسااوي ظفر اي بنت من برا ..والي عجبته بنات برا يتزوج ماقلنا شئ
لكن ماينكر جميل الليبية..
وكله شوية البويات والستوك والنفخ ميغركم مع الاياام يفشششش

الليبيات ينقصهن شئ وهو الوشم وخاصة العذارى