> سالمة مشت سالمة وباسي خفت لشاعر احمد ارميله

من طرف **العاشق الصغير** 2012-09-29, 10:23 am

>

أحمد ارميلة

>

سالمة مشت سالمة وباسي خفت ..علي خطمت جبّت ونا أنتلفت
سالمة عليا غارت وعدت سالمة ..الشوعه اللي بكل الوجوه أموالمه
جرتني علي تربان ماني عالمه ..ونقطة مشاكل بالمخاطر حفت
عيونها غدارة في يد قوا ظالمة..مجموعة أنفار أمسلّمين تكفت
علي نهار جاري ظاهرات معالمه ..غثيثها كما دكت نخيل أسفت
سالمة مشت سالمة ونا أحكمني ..عيون سود في عز النهارخذني
ولا قصرن دوني ولا أهلبني ..مجتن أمعاي وما علي أشفت
وأحذاي ماتجي حدفه صنب هي مني ..ونقول بينا فجوة خلا أستدفت
سالمة مشت سالمة وردت حالي ..بساق سمح يشاكع نظيف ومالي
تقول بارقة ليلة خمود أتشالي ..ضوا ضيها في مزن كان أمجفت
مع أرض المحارث والبساط الخالي ..أرقي نوها مامن عقاير سفت
حدود المني مربا جناح الجالي ..عذاهن علي روس المعالي دفت
سالمة مشت سالمة وعقلي شالت ..باللي له وهي باللي الها مازالت
ونقدر أنزيد أنكان شوري مالت ..ونقدر أنرد أنكان غادي حفت
عندي عيون مامللي عليه أنهالت ..وكيف أغتني حملت بلاه وكفت
سالمة مشت سالمة ومن يومتها ..راجن أثقال العقل في جرتها
حزام الشلوق اللي علي عدتها ..أديار النقيشة دور داير لفت
تخضيب الربيع أمخضبة بدلتها ..بسلوك الحرير مع الطوارف كفت
خطرها سريب اللي تجي صورتها ..خيال وين ما باتت العين وغفت
سالمة مشت سالمة وحاس مداري ..من سوقة قوافلها وهي بجواري
وعدت ونا مالي أمفيت الطاري ..مع درب حازنه أوعار التفت
وزرعت وماردت أحساب أبذاري ..مطاير الغلا تمت فصيل أنهفت
سالمة مشت سالمة وصرحي لطت ..بضابح ومامني نهار أنشطت
حزام من أعقال سامر النار تخطت ..وجبت علي عقدة نواجع ضفت
ومنين الاربعة شالت أبغيظ وحطت ..قصّت أمفاتيح النعال تحفت
سالمة مشت سالمة بعقلي طارت ..علي خطمت صبيت نين توارت
ولابشكل واضح في طريقي سارت ..ولايوم قالتي كلام أمزفت
وضحكت وهي هالبة ولي أختارت ..أخماسي رهيب وغيرها ماتفت
سالمة علم عالي شهير نباها ..غليت ولكن ما زبط مدعاها
قدام فتح ديوان الكلام أمعاها ..أقلام برم قانون التوافق جفت
ليلة شتاء عايب عياب سماها ..كيف من علي بهره بعيد أدفت
سالمة علي أثر أسلوبها وحشمها ..قطعة ذهب من راسها لقدمها
تقول بنت باشا وأجدات خدمها ..مصيونة وراء مية حجاب تخفت
أحجر ع الجليد وع الوميد لحمها ..ما عمرها بين العطوف تهفت
جميع الشرائع بالجزأ تحكمها ..أتقول لك أن مالوعة رفيقك طفت
سالمة مشت سالمة ونا متعوق ..بمضحك نظيف أيلج في أتشوق
وزول وغثيث وهدب تاق أمروق ..تقول عنق ربده ع الخدود أمهفت
ورا منقرشة تركيبها متفوق ..هنيا لها نفسي أنكان توفت
سالمه مشت سالمه ..وباسي خفّت..علي خطّمت جبّت ونا انتلفت

م ن ق و ل