الله الله يا بنغازي بقايا كتيبة شاكير يحرقون اول قناة للثورة

خلايا ازلام بني وليد المتسترين وراء غطاء الجهوية واثارة حقد الشرق على الغرب يهجمون على قناة ليبيا الحرة ويحرقونها احتجاجا على تحرير بني وليد من الازلام
هل تذكرتم كتيبة نداء ليبيا التي شكلها عبد المقبور يوسف شاكير
فاين ثوار بنغازي ؟

قتلوا عمران ثأرا للقردافي وقتلوا الهمالي ثأرا لسيف
والان يحرقون ليبيا الحرة اول قناة للثورة
الله يرحمك يا محمد نبوس
دمك مشى هباء

...............

(عن صفحة عبد الحميد الكبيتي)
ع القيلولة .. ذهبت اليوم لمقر قناة ليبيا الحرة، وسلمت على الشباب وحمدت على سلامتهم، وتجولت في المبنى برفقة الأخ الرائع: هاني مجدلاوي .. ورأيت الهمجية والتخلف بل والإنحطاط! لم يتركوا شيئا إلا وكسروه، كل الأجهزة والشاشات كل شيء!! أظنها تقدر بقيمة عالية جدا!

• رأيت على الجدار الداخلي للقناة أول ما تدخل مكتوب " ورفلة "!

• أخبرني أحمد خليفة أن الهتاف كان " والله والله والله عن ورفلة ما نتخلى ".

• أخبرني أحد الشباب العاملين في القناة وهو ورفلي قال: " ضابط الشرطة الذي جاء أمس هنا لمساعدتنا كان سكران " !

• قال لي أحد الشباب: قلنا للشرطة والجيش امنعوهم من تدمير القناة، فقال لنا أحدهم: " هضوما من الشعب ما نقدرش نمنعهم يكسروا "!

أنا عجبني الشرطي السكران صراحة، يدل على مهنية عالية جدا، ورائعين الذين يطالبون بعودة الجيش والشرطة على هذه الشاكلة! نجيهم ياربي ، ودم الشهداء ما يمشيش هبـــــــاء.

وأعجبني جدا الشاب الشجاع الذي نقل لي خبر هذا السكير، فلم يداهن الغوغائيين من قبيلته، بل كان مع الحق.

شن حيديروا أهل بنغازي توا؟ ما هي ردة الفعل؟ هل سيسكتون وتتوقف القناة من جديد لأشهر ربما؟ أم يتحركون لعودتها وبقوة في أسرع وقت ممكن!

وذاك الشرطي السكير لا يبعد في سكره عمن يقول إن قناة ليبيا الحرة ذات توجه معين وتستاهلها، هما في السكر سواء.

والحمد لله عندنا شاهي منعنع ع القيلولة بلكي يمسح شوية من آثار أهل السكر الأخلاقي والنفسي والقبلي والجهوي!!

إلى كل ذى بصيره عدا الذين أسودت قلوبهم ويسعون فى تدمير ليبيا . أقول لهم ....
بسم الله الرحمن الرحيم ((وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42) مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء (43) .. )) صدق الله العظيم

المزرط كتب:الذين أسودت قلوبهم ويسعون فى تدمير ليبيا أَ

لاحول ولا قوة إلآ بالله العلي العظيم......شن رأيكم هذه فعلة أزلام مندسين وممكن بعض المغررين... مافيهاش كلام

الجرائم لا تسقط بالتقادم . . اتمنى ان يتم الاحتفاظ بالفيديوهات و الادلة التي تثبت تورط هؤلاء المجرمين و يقدموا للمحاكمة في الوقت المناسب و ينالوا عقابهم هم و امثالهم الذين عاثوا في ليبيا فسادا خصوصا اشباه الثوار الذين استغلوا ثورة 17 فبراير لتبرير جرائمهم و نذالتهم .

دليل علي معلوماتك الناقصة فقد افاد العقيد المكلف بالدفاع المدني بأنه لم يتلقي اي بلاغ بخصوص حريق في اذاعة ليبيا الحرة لانه لم يكن هناك حريق أصلا وإنما الذي حدث شي آخر والغريب انك تكذب نفسك بنفسك فرواية عبدالحميد التي نقلتها لم يرد فيها فعل حرق يحرق فهو محروق بل العكس في شهادته انه وجد الاذاعة تعج بالسكاري ((ان الذين يفترون الكذب لا يفلحون ))

رغم ان مجلة قورينا في بنغازي قالت انه تم حرق العديد من المكاتب بالكامل

لكن
صح اني غلطان

مش حرق
فقط اتلاف كل الاجهزة والمحتويات وايقاف بث القناة

ههههههه نكتة هذي

زي الايام الاولى للثورة يقولوا لا نحن لم نقصف مظاهرات طرابلس بالطائرات الحربية لكن قتلنا بالاربعطاش ونص 200 او 300 مدني متظاهر في الشارع

حالة وخلاص

انتوا تحكوا واتناقشوا علي اعلام بائس
فكل قناه تدعي الوطنيه وماهي بوطنيه ومهمتها اثارة ونشر وزرع الفتن
ايام ازمة بني وليد ..نسمعوا وانصدقوا فيهم
وكل مره مسكوا فلان وانقولوا الله اكبر وامسكوا فلان وانكبروا
وف الاخير طلع كذب ماهو الا ترويج معلومات مغلوطه وكاذبه ولاصحة لها
شــــــــــ ـــــــــــــكرآ وبــــــــــــــارك الله فيـــــــــــــــــك

اين الحرس المكلف

يا اسماعيل يعني انت يهمك ان الخبر صح او لا اكثر من اهتمامك بقناة ليبيا الحرة قناة شهيدنا نبوس اللي حطموا صورته في وسط نقر القناة واتلفوا ارشيف الثورة لاول قناة تنطق بالثورة ؟؟؟

مش بعيد يا جماعة غدا يديروا انقلاب كامل علينا ونحنا نحكوا عن صدق الاخبار او كذبها هل قتلوا منا 100 او 10000


وخليني نقول لك حاجة نريحك بيها
قبل العيد بيوم كنت في مصراتة وسالت المعنيين اللي نعرفهم وسالت البعض اللي نعرفهم وسالت ورفلة اللي نعرفهم بالهاتف
الجميع اكد لي ان
خميس القردافي قاعد في ثلاجة في مصراتة شن رايك ؟
والايام بيننا

متفقين انه الشهيد نبوس اسسها
بس بعدها ياسيد استفادوا منها جماعه معينه لتمرير كذبهم وفتنهم
انت عارف توا انها تتبع جماعة الاخوان
وانه اللي يدعم فيها توا علي الصلابي ياسيد ..وللا موش عارفها
ومع احترامي لشخصك ..حرب بني وليد قبليه ثأريه
والدليل تعليق صور السويحلي وشعبان علي مبنى مجمع الامانات
انا حكيت ونحكي مع مصاريت عارف شن ايقولوا..هضوم اعداء الجد..قصدهم ورفله.....
وبعدين هضوم مصراته ولله العظيم لوعندهم خميس جابوه ف التلفزيون وفي قنواتهم القنفوديه
نسيت شن داروا لما اقتلوا المردوم وولده ..مصراته كلها خشت عليه وبعدين 10 دقايق وكان معروض ف التلفزيون...
ليش سالم جحا وهو راجل معروف بوطنيته وشجاعته ماشاركش في غزوة مصراته علي بن وليد...
نحن موش هضا موضوعنا ..
نحن اعلامنا صفر وفاشل بمعنى ماتعني كلمة فاشل في نقل الحقائق والمعلومات