الطائرات الأمريكية تحوم فوق مدينة بنغازي منذ شهر

لا تزال الطائرات الأمريكية منذ شهر وحتي تاريخ كتابة هذا المقال تحوم فوق مدينة بنغازي علي شكل دائري مستمر طيلة 24 ساعة صباحا ومساء وعشية وضحاها وفي كل قيلولة ومساء بمعدل كل 4 دقائق تمر مرة وكل ساعة15 مرة وكل يوم 360 مرة وهي مع ذلك تحدث صوتا مزعجا خاصة في الليل لدرجة أن سليمان دوغة تلقي 11 رسالة من أهل بنغازي يستفسرون عن هذه الطائرات التي تزن علي رؤسهم ليلا ونهارا وقال لهم نرجوا من وزير الدفاع أن يجيبنا علي هذه الاسئلة للمشاهدين الذين ما عاش رقدوا لا ليل ولا نهار وهل هذا انتهاك لسيادة البلد أم لا وأما عن مهمة هذه الطائرات فهي مجهولة البعض يقول أنها تصور مواقع والبعض يقول معسكرات لاحتمال ضربها ولماذا؟ لا ندري والبعض يقول تاخذ في إحداثيات والبعض يقول إنها تصور وتراقب أشخاص والبعض يقول أنها تبحث عن معدلات النفط الموجود في الاراضي الليبية وأماكن وجود بعض المعادن والبعض انها تبحث عن قناطير سبائك الذهب التي قيل أن المقبور دفنها في الصحراء والغريب أن خوتك الليبيين لا يزالون مشغولين بخلافاتهم ،وتحليلاتهم ، من النشطاء السياسيين،أومعارك مصراتة مع ورفلة ،والمؤتمر الوطني مشغولين بتعديل قرار رواتبهم من اثنا عشر الف دينار شهريا لكل عضو الي المطالبة بخمسة عشر الف لكل عضو لأن بعضهم شكا من قلة الرواتب وقال انه لم يستطع أن يشتري حتي حولي العيد وأما البقية الباقية فهم ثلاث فرق الفريق الاول حزب يسب الحزب الآخر الأخوان يسبو السلفية والسلفية يلعنون الاخوان والتيار الديني يكفر العلماني والعلماني يشكك في الديني والفريق الثالث قبلي واحد يسب في قبيلة الاخر ويذكره بالمعركة التي جرت معهم سنة345 قبل الميلاد والاخر يسب جدود القبيلة الاخري لانهم قتلو جده الذي كان حيا في القرن السادس الهجري ويريد ان يثأر له الان والفريق الثالث لا هم له الا أن يشارك في تسكير الشوارع او المستشفيات اوالمطارات اوالشركات النفطية بحجة ان لديه مشكلة يريد من المؤتمر الوطني ان يحلها والاجانب يصورون ويضحكون علينا ولا حول ولا قوة الا بالله العلي العظيم

في المقاله تم دس السم في العسل
هي ليست معارك مصراتة مع ورفلة
بل هي ضربة قاصمة
لكلاب المُجيف في بني وليد الطاهرة
من الجيش الوطني

مقال فارغ وكله كذب في كذب
امثلة

الطائرات تحوم كل يوم 360 مرة !!!
المشاهدين ما رقدوا ليل لا نهار !!!
معارك مصراتة مع بني وليد !!!

ليبيا حرة
ليبيا واحدة
مهما زورتم وكذبتم

ياحبيبي امريكا صصصصصصقع

ياليبيا خمسطاش اذا كان كلامي كذب الحمد لله ما فيش واحد ماعنده هاتف اتصل باي واحد عندك في بنغازي واسأله

طائرات الاستطلاع تعمل بموجب اتفاقية أمنية بين ليبيا وأميركا

انتم وين اتشوفوا فيه الصدق في ليبيا
ليبيا توا مصدركذب وفتن واشاعات وهضا بسبب من وليناهم امورنا

ليبيا واحدة كتب:مقال فارغ وكله كذب في كذب
امثلة

الطائرات تحوم كل يوم 360 مرة !!!
المشاهدين ما رقدوا ليل لا نهار !!!

مهما زورتم وكذبتم

صدقت ... كذب فى كذب ... أملا ... شن يديرين الدوشكا و ال 14.5ملم و إل 23 ملم ..... يقدرو يحومو الأمريكان ....قعدينلهم بالمرصاد ..... صدقت ... ياليبيا واحده ... يأبن الجنوب البار ....

الطائرات هذين قاعده تتبع في المخربين واصحاب التفجيرات واللي مخزنين اسلحه وهذا بأتفاق مع السلطات الليبيه والله فيه بيوت عباره عن مخازن اسلحه

فداليبيا كتب:الطائرات هذين قاعده تتبع في المخربين واصحاب التفجيرات واللي مخزنين اسلحه وهذا بأتفاق مع السلطات الليبيه والله فيه بيوت عباره عن مخازن اسلحه

ولو مافيش أتفاق .... شن يبى يصير .... لكن أقسمتى بالله أن هناك حياش عباره عن مخازن أسلحه ... أذن أنتى ... عرفتهم .... تقدرى دلينا عليهن ؟؟؟؟؟

ليبيا هي ليبيا و لن يتغير اسمها وهي الان حرة
و بعدين انكان لها شهر و هي اتزن و رايدة شر بلبيبيا فيش اتراجي و من الي ضرباتا او تضرر منها او شافها او قال امريكية ايقولنا بالك نحنا عمي
تاكدو قبل ما تدووا الي خارج بنغازي
هي طائرة صغيرة غير مقاتلة و سرعتها ليست عالية لهدا يسمع صوتها
ممكن اتكون اتراقب في اتصالت خارج نطاق شركات الاتصالات اليبية
الثريا او اجهزه اتصال متطورة لبعض المخربين او ما شابههم انا قلت ممكن هدا تخميين
و انتو مش عاجبكم شيء

ابراهيم المغربي كتب:ليبيا هي ليبيا و لن يتغير اسمها وهي الان حرة
و بعدين انكان لها شهر و هي اتزن و رايدة شر بلبيبيا فيش اتراجي و من الي ضرباتا او تضرر منها او شافها او قال امريكية ايقولنا بالك نحنا عمي
تاكدو قبل ما تدووا الي خارج بنغازي
هي طائرة صغيرة غير مقاتلة و سرعتها ليست عالية لهدا يسمع صوتها
ممكن اتكون اتراقب في اتصالت خارج نطاق شركات الاتصالات اليبية
الثريا او اجهزه اتصال متطورة لبعض المخربين او ما شابههم انا قلت ممكن هدا تخميين
و انتو مش عاجبكم شيء

الله أكبر عليك يا برهوم
هذا الكلام الصح
هذه الطائرة تكتشف في مكالمات الجيف وسعيدة وعيشة
وهذا ما يبوشي الجماعة

هه هه هه هه هه هه هه هه هه قالك فيه اتفاقية امنية هه هه هه وزعم من وقعها وفي اي تاريخ وما هي نصوصها و هه ستبدي لك الايام ما كنت جاهلا ويأتيك بالأخبار من لم تزود

علي الطرابلسي كتب:هه هه هه هه هه هه هه هه هه قالك فيه اتفاقية امنية هه هه هه وزعم من وقعها وفي اي تاريخ وما هي نصوصها و هه ستبدي لك الايام ما كنت جاهلا ويأتيك بالأخبار من لم تزود

الاخ علي ارجو ان كانك عارف حاجة نورنا بالك نستفيدو من معلوماتك كلنا اتهمنا ليبيا كيفك بالك نحنا غافلين
علي اللي ايصير في بنغازي فنتصدى لة شكرا

ابراهيم المغربي كتب:

علي الطرابلسي كتب:هه هه هه هه هه هه هه هه هه قالك فيه اتفاقية امنية هه هه هه وزعم من وقعها وفي اي تاريخ وما هي نصوصها و هه ستبدي لك الايام ما كنت جاهلا ويأتيك بالأخبار من لم تزود

الاخ علي ارجو ان كانك عارف حاجة نورنا بالك نستفيدو من معلوماتك كلنا اتهمنا ليبيا كيفك بالك نحنا غافلين
علي اللي ايصير في بنغازي فنتصدى لة شكرا

مشكور يامغربى ... لكن معلش كيف تصدى ؟؟؟؟ وبارك الله فيك ... بصدق مانيش هازى نبى نعرف بس ....مع الشكر الجزيل ....

كل عود ابدخانة يا مزكمت
لكن نبي المعلومة من الاخ علي الطرابسي و بعدين انقولك لازم نعرف شنو هل الطائرة و بعدين نحن في بنغازي لو ايكون فية ضرر على الناس
نعرفو شنو انديرو
وبعدين يا المزكمت انكانك عارف ضرر انت قولنا شنو انديرو و نحن قدها و اقدود

والله يا اخي ابراهيم هذه المعلومات التي عندي كتبتها ولكن هناك الكثير كتبوا قبلي عن هذا الموضوع فبالأمكان الرجوع الي مقا لاتهمواليك بعضها

طائرة تجسس في الاجواء الليبية
https://tamimi.own0.com/t115457-topic?highlight=%D8%C7%C6%D1%C9


طائرة مجهولة تحلق في سماء بنغازي
https://tamimi.own0.com/t115452-topic?highlight=%D8%C7%C6%D1%C9

https://tamimi.own0.com/t118772-topic?highlight=%D8%C7%C6%D1%C9

https://tamimi.own0.com/t55107-topic?highlight=%C7%E1%D8%C7%C6%D1%C7%CA


طائرة بدون طيار فوق درنة https://tamimi.own0.com/t99180-topic?highlight=%D8%C7%C6%D1%C9




https://tamimi.own0.com/t65380-topic?highlight=%C7%E1%D8%C7%C6%D1%C7%CA



https://tamimi.own0.com/t65375-topic?highlight=%C7%E1%D8%C7%C6%D1%C7%CA

شكرا اخي علي على الاهتمام