ملحمة ياشباب اوداعا

من طرف **العاشق الصغير** 2013-04-19, 4:53 pm

السلام عليكم ورحمة الله وبركاته
حدثني بعض الاصدقاء علي قصة شاعر من شعراء ليبيا الحبيبه
وهو الشاعر الصديق الصاوي بوعريقيب العوامي
الذي أجرا عمليه في احدي الدول لبتر رجله
عفاكم الله وعندما خرج من العمليه احضرت احدي المومرضات رجله في صندوق زجاجي
فصعب عليه الموقف
وقال

إن فارقــــــت تربح يا شبـــــــاب وداعاً
يا شبــــــــــاب تهـــــــــــــــايـــــــــــا
أيَّاماً وعنــــــــدي بالعنـــــــــــاد هْوايا
واليوم ليــــــــــد ما تقدر على الكبَّايه
يا شـــــــبـــــــاب نسيتـــــــــــــــــه
كم وطن جوبـــــــه ع الكــراع مشيته
ويا ما رفيقي بالعــــــلل سَلِّــيـــــــته
ولاشي عمري بالنظر راعيتــــــــــــه
يا شبـــــــــــــــــــاب غريبـــــــــــــه
خصوصاً بعد ودَّع تكــــــــــامـل شيبه
نخاف مِ العلل مرــــَّات فــــــيه الغيبه
يا شبـــــــــــــاب تعـــــــــــــــــــــدِّي
ونا معاك نسعى فِي الرفق من جدِّي
وفي ظنّ بالي كان ما حدّ ضــــــــدِّي
وبعزم وشجـــــاعه كان طايل مـــــدِّي
يا شبــــــــــــــــــــاب مفـــــــــــــارق
خفيف قفزتي تشبـــــــه مثيل البارق
واليوم منخجل ما عاد نسمــع طارق

منحــاشن أطروف الجسم ما ينباعن
أيَّام عْـــــــــروانك في زهاء في غايه
معاند بنات القـــــــــــــود جبر وطاعن
وكافَّة المفاصل كلّهــــــــــن يوجاعن
في شي واجد صــــــــــار ما عدِّيته
يا ما زهن لنظار يا ما راعــــــــــــــن
وباتن أيام اسماح ما يقداعـــــــــــن
ولا تقول كانن لا شرن لا باعــــــــن
فوت الحبيب مْنين فات حبيبـــــــــه
وتمَّ بالمســـــــامع دوبهن يسماعن
يجدَّن حجايج يرعبــــــــن يفجـــاعن
تفوتني ونا تعبان واصل حــــــــــدِّي
وبينَّا وسايل رحم ما يقطــــــــــاعن
نخاطر علي جوبة فجوج اوســـاعن
ونديِّرعلي الجــــــــارات وين اجياعن
أيَّاماً وكنت مْعَـــــــــــاي باتع مارق
بعدل ولباقه والِخطا يســـــــــراعن
حتى النظر زولين فيه يراعـــــــــن

وبعدها قال انريد من أيعزيني
ومرت القصيده علي عدد من الشعراء وأنشاء الله أنحاول انجيب جميع الردود مع العلم ان عمر القصيده أثر من 15 سنه

تحياتي
العاشق الصغير
بوريا