ابيات اعجبتني عن لجواد

وصلتني الابيات التاليه في رسالة من احد الأصدقاء ، أعجبتني فرأيت تدوينها هنا، ولكنني لا اعرف القائل ، نأمل الافاده باسم صاحبها ، ولكم الشكر مسبقا :

لجواد عرقهم حتى أن صارت جفـه ....أيطول فالثرا يصمد زمان طويل
والسيل جرته في لرض مـا اتخفـه ... اوخلفـة ضنا لجواد جـرة سيل
لـكن ابـها بلـكل اللـي نعـرفـه ... الراس راس ما يخلف مكانه ذيل
اوحتى لو اضعف لشقر امدورم خفـه ... اوطاح مالجفا فوق الوطاه هزيل
هشيمـة اعظـامه مـا اتجي فالقفـه .... والشاه لو تقوت ما الحمل اتشيل

مشكور

شكرا اخي ابنالباديه فعلا قصيده تعتبر من معلاقات الشعر الشعبي والابيات التي ضمنتها في المنتدي من ضمن ابيات القصيده .
انا في تقدري.لجواد حاليا .مثل الذي يتحدث .علي العنقاء.اوالغوله.لاوجود لهم بوجد الحياه المدنيه ...ليت ذاك الزمان يعود باخلاقه لكوته هوالذي خلق الرجال والذي منهم ..ضناء لجواد..

مثلي ومثلك اخي التمساح نبحث عن ضنا لجواد بمفهوم خمسينات وستينات القرن الماضي ، وهو يكاد يكون ضربا من الخيال بالمفاهيم التي في ذهني وذهنك ، ولكن بكل صدق الان فيه اجواد ولكن بمفهوم ومعطيات وبيئه مختلفه وهي بيئة وثقافة القرن 21 ، وعلينا ان ننقل خبرتنا وتجربتنا وثقافتنا الى من هم بعدنا لكي لا تندثر برحيلنا .

السلام عليكم ابن البادية والتمساح
(تفائلوا خيراً)
الشريف الشارف الحرنة :
هيف وذرا مازالت * حتى وين دنياهم عليهم مالت * لجواد دارهم
(وهذ رأيي)

لجواد ينطروا مازالوا *** وفي الزين وفي العطيب سوا من قبل وللا توا وتفاءلوا خيرتلقوه والدنيا مازالت بخيرولجواد مازالوا بخير وفيهم البركه كلهم اشاءلله مشكورين عالطرح البناء

مشاركة مميزة تشكر عليها

شكرا لك على هده الأبيات الرائعه وهي فعلا لعبدالسلام بوجلاوي والدنيا مازالت بخير والدليل تفاعلكم مع مثل هده الأبيات الرائعه ياضنا الجواد

لجواد اجواد طول عمرهم تسلم اخى وكل عام وانت بالف خير

لجواد صيتهم ذيّاع علي رأي الشاعر فرج الطيب الجبالي
مشكور ابن البادية ..
انا معك انا الاجواد قلّ عددهم وصَعُب وجودهم وهم في اندثار الا ما رحم ربي ولكن لا استطيع ان اقول انهم غير موجودين كرأي قطعي .. فم قله فقط في العصر الحديث وهذه الايام بالذات .

معش في أجواد ولي يقول في اجواد أيطمن في روحا لجواد اللي ماتردا مات.وأنا مع راي فحل ليبيا الاول في الشعر الشعبي مراد البرعصي الذي يقول في مطلع صرحه له.لجواد حيلهم فالجبابين.قليل وين ياطرالهم نبا.مشكور أبن الباديه على ماطرحت وتمساح على المشاكاةالذي احسست بها بالحنين وعدم الرضا على الوضع الراهن بينك وبين أبن الباديه وسلام عليكم ورحمه الله وبركاته.

أخي الهيلع وأخي التمساح ... أنا أوافقكما إلى حد كبير، وأوافق ما ذهب إليه مراد البرعصي في قصيدته ، وما قاله مراد ذكرني بأبيات يصف فيها احد الشعراء ما يعانيه من مشاق بحثا عن "لجواد" حيث يقول:

نرقد عقاب الليل وانوض بالغطا ....ونبقى امقمعز نين يظهر نهارها
اونمشي علي كرعي واندور فالخلا ... ونبقى انبهت ايمينها وايسارها
ونرقا معا لشعاب وانجي امعا العلا...ونحدر امعا الوديان حامل اوعارها
وانقند امعا لجبال ما انحس بالخطا...اوننشد علي لجواد انقطعن اخباره

تصحيح:
وانقند امعا لجبال ما انحس بالخطا...اوننشد علي لجواد انقطعن اخباره

"اخبارها" بدلا من "اخباره"

هذه القصيده للشاعر بوجلاوى ويقول فى مطلعها
زين لصل زين اصله انزال ايهفه....الجار والرفيق اختار بالتاصيل
امواير ولد لجواد لك نوصفه...ان كان خالطك تلقا عليه دليل
انحدث صدق وان كان عاهد وفا....ويشيل الصلايب فوق حمل ثقيل
وانفيها برم بسياسته تصفا...انخاضت وحاست حوسة البنتيل
لجواد فى لكروب اتبان بمواقفا...منين المعلق فى نهار الشيل
معلاقه رقيق ايطيح وين تهفا..انتمت الريح امصادرا الرحيل

اللى مو موالف عصلوب تحفا..تغلب وبات امبات قبل الليل
ولاخر مصولب لاتعب لاغفا..عنده المية ميل كيف الميل
انقتلك اجوادى راه مرادفا ...انسان شهم صالح قول ومفاعيل
من عيله تهون العمر دون شرفا...وفيه غيرهم فرط بشى قليل
طريق الطمع ياصاحبى محرفا...انجاك الزمان الصبر راه جميل
اخيار ماعطا عبده عطاه العفه...توكل على مولاك خير وكيل
نصيب كل حى مسجله بملفا ...الخالق اللى بالرزق هو الكفيل
وتبين عيوب الناس وتنظفا...ايقولو العازه للرجال غسيل
فيهم جميع الخافيا تكشفا....انصار كرب مايصمد الا لاصيل
وان كان دال لايحقد ولايشفا ...ويرحم انجاه عزيز قوم ذليل
ليام كفتين ان كان زادت كفه...على وزن كفه عندهن تمييل
وان كان استون فى ثقل والله خفا....تقادن وصار لوضعهن تعديل
الدنيا غروره مايدوم ترفا....لاترتبط بالفانيه بالحيل
لانجت عليك تحزن وتقارفا...ولا معاك ضحكتا عليك تخيل
*****************************
وللبقيه تتمه ان شاالله ومشكور اخى ابن الباديه على هذا الطرح الاكثر من الرائع وكل عام وانت جميع امة محمد بخير بمناسبة عيد الفطر المبارك وغفر الله لنا جميغا وتقبل صيامنا وجعلنا ممن يدخلون من باب الريان اللهم امين

اشكركم لاثراء هذا الموضوع
فتعجبني المواضيع المتعددة الردود الحية المشاركة

(لجواد هم ضنا لجواد)للشاعر ابريك ابريدان
لجواد هم ضنا لجواد ساعة اخطارهم؛؛؛؛؛؛؛؛؛ولجواد هم ضنا لجواد واحد جفيلهم
لجواد هم ضنا لجواد ريح مســــارهم؛؛؛؛؛؛؛؛؛ولجواد يفرقوا ع الناس بمفاعيلهم
لجواد هم ضنا لجواد وافى اعيــارهم؛؛؛؛؛؛؛؛؛لجواد هم ضنا لجواد واجد قليــلهم
لجواد هم ضنا لجواد واعر احقارهم؛؛؛؛؛؛؛؛؛لجواد هم ضنا لجواد مايل عديـلهم
ان كان جيتم بالشر حامى احجارهم ؛؛؛؛؛؛؛؛؛وان كان جيتم بالخير بيدك اتشيلهم
لجواد هم ضنا لجواد تشرب ابيارهم؛؛؛؛؛؛؛؛؛ولجواد هم ضنا لجواد زايط نزيلهم
ولا يسكروا بالحرث فى مصدارهم ؛؛؛؛؛؛؛؛؛ولا بالحديد يسكروه سـبيلهم
لجواد هم ضنا لجواد مامن جارهم ؛؛؛؛؛؛؛؛؛ولا ينهلب فى الدار ساعة رحيلهم
ولا يغيروا وقت الكلال اصبارهم؛؛؛؛؛؛؛؛؛؛يلبوا اطلابك قبل ما تشتكـيلهم
لجواد هم ضنا لجواد يندوا كبارهم؛؛؛؛؛؛؛؛لجواد هم ضنا لجواد يسخوا عويلهم
وخير من اخيار الناس دوم خيارهم؛؛؛؛؛؛؛وخير من هبل الناس حتى هبيلهم
لجواد هم ضنا لجواد ساعة ابكارهم.......بفاتحة كتاب الله يبدوه قيلهم
بذارهم خصب فى لرض كثر بذارهم؛؛؛؛؛؛؛نين فى اطراف الوطن تلقى فصيلهم
ويا الله لا تطفى زهاء نوارهم؛؛؛؛؛؛؛؛؛ويا الله وصل بالثبات وصيلهم]ختام الكلام الطيبين اسرارهم؛؛؛؛؛؛؛؛؛الصلاة ع الرسول الطيبين دليلهم

شكرا على هذا الطرح الرائع

مشكورين وتسلموا

في وقتنا هذا التحدث علي لجواد مثل من يبحث عن العنقا الطئر الخرافي او التحدث عن الغوله حيث لا وجود لهم مع العولمه

لجواد هم لجواد قبل وتالي .. ولجواد هم خلفة اولاد اهلال
ولجواد نزّالة الفاو الخالي .. وكسابين للطوقة و لأم ابهال
مسّاحة ادموع اللي قصدهم جالي .. ايحاموه بالتراس والخيّال
وركّابة الشلوق اللي ثمنها غالي .. وانكان لمته فاجت اتقول غزال
الجيده اللي مسع كسبها والي .. وانكان ديرت لازم اترد المال
جيده وفارسّا اتقول اهلالي .. ايرد النهيبه والدما شلال
ولجواد هل الزينة ما يديرو شنه .. صيتم تعلاّ فوق ما ينطال
ولجواد ايْتنابوا ع الفخر يزّابو .. لا فيهم بخيل اولا بهم ذلال
ولجواد ايْتندّو ع التريس ايهدو .. دون الكرامة والشرف والمال
ولجواد هل الروفه هل مقام ونوفه .. هني بال من منهم ايدير خوال
ولجواد اتندي في الرخا والشدة .. طقاقه الفواهق كان فك اخلال
ولجواد هم اريادي امرابطين وسعادي .. ابهم ف الشهامة تنضر لمْثال
ولجواد كي ما اترود ع الربيع اتهود .. تلقى النجع في الدير العفا نزّال
ولجواد ما يتوانو ان صار ضيق ايبانو .. لجواد يفزعو للي زمانه مال
ونلقانهم ضنا لجواد جو في بالي .. يا بوسليم كان جيت اتسال
ولجواد تمتم اتبان اقبالي .. من حد البحر ويقبلو مقبال
وهاذول هم لجواد قبل وتالي .. عللهم إيْزهي جبده موّال
اخْطِي من يقول منهم خالي .. ابخيط الجبل تاثيرهم ما زال

أشكركم اخوتي جميعا غلى إثراء هذا الموضوع

رافق ضنا لجواد وأبقـَى كيفهم *** راهم ضنا لجواد ناس أملاح 
[ltr]
لاجل ضنا لجواد بارد صيفهم *** وحتى إن جنهم يخمدن لرياح

وديما مطرهم في هبوب خريفهم *** ومبذور وطنهم في كل عام فلاح 

أوَّان الشتاء يسفوْا عليك شليفهم *** وديما ربيع أورودهم فوَّاح 

ثقيلهم ضناء لجواد كيف خفيفهم *** بعيد بوعهم ع الهبل والتيناح 

وأنشد عليهم يْخبّرك عرِّيفهم *** ذراء دوم للخايف وللمنذاح 

من قبل العرق ينشف حقوق وصيفهم *** يدُّوهن ويمشي خاطره مرتاح 

وديما إيْديهم من وراه ضعيفهم *** وديما عللهم موعظه وصلاح 

وديما أكرام ويكرموْا في ضيفـَّهم *** حتى وْهم فقاره والسّنين أشْحاح 

وأن كان جيتـَّهم تطرب مْعَ تخريفهم *** مْعَاهْ ينعسك نوم الهناء ترتاح 

وأن خالطتـَّهم في بيع تربح كيفـَّهم *** أنعاناتَّهم ديما أوْجوْه أرباح 

وأن جاورتـَّهم تبقـَى حْساب وليفـَّهم *** ويْشاركوك في حزنك وْ في لفـْراح

وأن جاك العدوْ عنـَّك وإيذودوا بْسيفهم *** ويفادوك بدماهم بالأرواح

وأن حالفتهم ما يسيبوش حليفهم *** وأن عاديتـَّهم راهم أقوَا وأكْساح

خير م الذهب لجواد في تصريفهم *** عملة ْ دهرْ ما تْبيْد في مطراح 

وروس العرب من واجبي تشريفهم *** وانميعد بْهم ديما مساء وصباح 

كلاَّ ضنا لنذال في توصيفـَّهم *** اغلاض النفوس أمْخشنين اكلاح 

لا يْغرّ بيك أن كان ريت لصيفهم *** لا كلام طيَّب لا أفعال أسماح

وتكرهَّم جميع الناس من تسويفـَّهم *** وهم عْقول ما فيهم أمْغير أشباح 

وخراب دوم للميعاد بتختريفهم *** ولا ينهضوْا واحد أحذاهم طاح 

ولا يْتبّعوْ لك راي بتبقريفهم *** ولا يثمّروْا ولا يْميعدوْا بْركاح 

ولا إيْد نقروْا كانـَّك تريد اتْخيفـَّهم *** ولا يقدعوْا عن رايهم وأقباح 

يبعدهم الله لنذال هم وحليفهم *** أنعاناتَّهم ديما أبيار نزاح 

نلقاها أنـِّي نكرهْ ايْجيني طيفـَّهم *** دوارة ْ العطيبه هلْ أوْجوهْ صواح 

ونكرهْ مناقض ديّهم وانعيفـَّهم *** تبَّاعتْ المصالح خمخمه وأطْياح 

ونلقاها أنـِّي نكرهْ المشي لْريْفـَّهم *** الخالي اللِّي خالي خلاَ لمْراح 

ونلقاها أنـِّي ملِّيت من تقطيفـَّهم *** عليهم قفلتْ وكاسر المفتاح[/ltr]

وصل بيت شعر للشاعر المرحوم  ادريس الشيخي ، يقول :
لجواد انتهوا واللا الوطا ابلعتم @ واللا نا ذاهب غلي جرتم ..  ؟

فرد قائلا :

لجواد لا تواروا لا وطا ابلعتم @ في كل وطن اقعود في تمتم @ ....
لجواد ما ايتواروا *** ولا عمرهم في شان طمعه صاروا *** لنذال هم اللي عالماده يجاروا *** نين توجعك تندم علي عرفتم @ اولجواد فالوجاب السمح ما يحتاروا *** وثقة اعقول اواثقه كلمتهم @

لجواد فيهم عاده *** اكرام الوجوه الضيفهم وداده *** ايجيك فالوعا طعامهم بزياده *** وتشعر براحة نفس في نظرتم @ ولنذال تلقاهم اتقول اجراده *** ما يلعبوش بعيد عن قطرتم @ ما عمرهم تموا الحي اسناده *** ولا يشبعوا جيعان من قصعتم @  .....