سلامى على ام اشناف

من طرف **dude333** 2014-09-17, 12:20 am

سلامى على ام اشناف

قصيدة الشاعر عبدالهادى بو نصرالله الدرسى

عن حرب الشهيبات والعواقير معزيا مرسلا سلاما خاصا وتقديرا لأم شناف بنت بو كيشاط

سلامى على ام اشناف والجار جارها ** سلاما اوردها تناسب اجدودها

عداد نقط صبنن سخايا امطارها ** واعداد رمل فاجنا عوالى اغرودها

وعداد ما خلق مولاى جملة اسفارها ** تحت السما فوق الوطا من احدودها

ولجملة اللى بالدار دانا اديارها ** وجملة ضنا مرقب وزود زودها

اثقال النزالى والنواجع اصطارها ** اسماح المبنى فى جلادى اجدودها

ها الطفل متبنى بقولة ايسارها ** الميه احساب اثنين عنده عدودها

وزوجة هنا مى من توالى اديارها ** لا يقول ديرى لا تنابى ابجودها

الها من خدم ثنتين فى طوع مارها ** امغير ويش تامر حاضراتا وجودها

خفى زولها ما يصل لابيت جارها ** ارباوت عرب جاويد مى من قرودها

والناموس نيسه والحيا هو ابزارها ** ولا عمر به للناس حايت اوشودها

والناس المقادم ما تجى فى افخارها ** حق فى المضايق ما يرقن اجلودها

يومنا كحيله جا العقرم وجارها ** وجبت مع صلبا حافيكن اكبودها

اووصلت لغاشى هلا باتراب دارها ** بجملة بكاريها اوجملة قعودها

من مال الحلال اللى مزكاه دارها ** وفقهر هلاله فوق نورة اخدودها

ودزو الها وجاه طيب اسرارها ** اللى فى مسوس عمر ماسك اردودها

عبد الله بنى لاشهب تعب فى جرارها ** اجنعنها معاكم بركته يا قعودها

حامل اكتاب الله قارى اسوارها ** وعاتب بباب الخير طالب اردودها

ضحكوا عليه بضحك شيع اكبارها ** وهزيو عليه بشيخ شافع اجدودها

تفسد ادبارتها ويضعن اشوارها ** ناسا على المعروف يقسن اكبودها

واللى ما تلين ايصير صف انكسارها** وديمه ارجال الله واضح حسودها

منهم قدع حرجان كاره امكارها ** والصالح اليا غوض اينادى اجدودها

وركبن ثنايا فوق ضمر اوكارها **حماتا الها من قبل من راس عودها

عليهن شرار النور طالق ابهارها** وركبهن كما نيران ظلمه وقودها

على كل كوكبه حامل جضارها ** اتشاغل احتى والدير ساعة الهودها

عواويل يزابوا على قول دارها ** ايعدوا منام اللى رغيبات سودها

عبدالسلام اللى مسمى اخيارها ** وراه جربت بات الشبك فى قصودها

فوق من ازرق ينضاف سامر بنارها ** زنيف ايسمر من هنايا ارقودها

ا نجا حادره ما ابى يماصى خبارها ** طولة لجالى قال تبعد احدودها

ركبن منايا غير راقن اصدارها ** امعاهن خبير ايقيم صور اجنودها

حملن صهيد الشمس ساعة احرارها ** اوحملن جليد الليل ساعة برودها

وداعن على حلاب جملة غرارها **عجرم اللى قومه عطاتا جنودها

هنى بات مطامن التوى حدارها ** رفيقا الها بالجنب ساعة مدودها

جاب الله للقوم جا فى اصدارها ** من قبلن غروب الشمس يطلق عمودها

خلن دقايل كلها فى غبارها ** وبات فى الخلاا مرسى لعادى اصيودها

وعليها اوهى فى النجع حقن اضوارها ** وجنها مثيل الصيد غايب شدودها

وعليها وهن فى النجع فى نهارها**تحلف اصقوره يضربن فى خمودها

وعيشه ومبروكه ونزهه نهارها** مصابى على ما صرهن من اشهودها

نزل سيدها منزل ونور اقسارها ** وقطع لهم نقطه وطلق اقيودها

ونوت اموتيرها ومدت اشبارها ** وباتت كما الكوره على راس رودها

ولا عنوتى ع البل ولا عن اشرارها ** البل اسماها على البلا من اجدودها

نازله هى والملك ديمه اجرارها ** شومهن على ركاب فاضى ابدودها

على شانهن مالبغض يسكن اقبارها** ويبات فى المظلم تحت سافى الحودها

والدنيا عزيزه مال ماكثر انفارها **عليك لو تفتش تنفجع من اجبودها

ان دارت عليك ابخير ماسمح مدارها ** تورى العجايب وين يجرن اسعودها

وثانى مثيل القرم يردى غيارها ** افعال الشدايد وين يلفن انكودها

اتبطل حلاوتها و يعقد امرارها ** وتقول المعسك ما بقوه يقودها

وين ما مها ممسوق ياما غرارها ** امقيد جميع اللى خلق فى اسنودها

رانا رعايا نتبعوا فى اقطارها **عنتر ابن شداد ما لان جودها

نجبها عليه ايفوت ضامن انظارها ** والقمره انها ظلمه تولى ندودها

علمى على امشناف ثبت اجارها ** بصبر واطى النار ساعة وجودها

راح سوها وعنهم فداها اميارها ** وجعن الله يمنحها سلامة العودها

خذو طنت الدنيا او جابوا فخارها ** والدنيا تعيبه من ايحودد احدودها

اللى مولاى من لامر دارها ** واللى مى لوجه الله لازم اردودها

بحرمة رسول الله شايع انوارها ** شفيع امته يوما ايرقن اجهودها

اجعنهم هنايا فى مخاير ديارها ** وايجير الله من النار ساعة وقودها

من طرف الفاروق 2014-09-17, 2:49 am

من طرف **STAR** 2014-09-17, 8:57 am

صحيت

سلامى على ام اشناف

سلامى على ام اشناف

رد: سلامى على ام اشناف

رد: سلامى على ام اشناف