اتريدى زرْدة

اتريدى زردة . .
وتريدى هديا يوم عيدك وردة . .وتريدى بحر ديما مصقع بردة . .
مطالب عليه صاعبة وكثيرة ونا حوشى مبنى بلوح وخردة . .
حذا حوشكم راهو اتقول حظيرة . .
اتريدى غرام وبيرة وبرمت أزرار ودنص واتحوكيرة ونا امنيْنْ لِى
وهى قصيدة للشاعر عبدالله بالروين من شعراء أجدابيا قالها مخاطباً فتاة أجنبية وهو فى بعثة خارج البلاد ربما فى أمريكا . وردَّ عليه الشعراء وأصبحت ملحمة شعرية وكل شاعر ردَّ بأن الفتاة الأجنبية تريد غرام شاب من شباب قبيلته والذى يتصف بصفات ينفرد بها عن غيره من شباب
القبائل الأخرى . والموضوع كله الغرض منه الترفيه والإنبساط وكان رد الشاعر المرحوم روفه الدعبوب كالآتى :
اتريدى غرام ارفادى . . لو وجه نزهة لو امتاع زرادى
احطازى تربَّـى فى انجوع ابوادى . .
غشيم صرفْ مايعرف ايدير بصيرة . .
امكمل حياته فى الدبيب إيفادى
لفاعى الخرمه اتبات تحت حصيرة . .
وانكان هو تعلَّمْ نين خذْ الأعدادى
فرْقَتْ امعاه أللى ابماجستيره . .
وامعاه ف الاعنـاد اتقول جنس اتشـادى
لاينقدع لايعرف التعذيرة . .

مشكور يا غالى على ما طرحت بارك الله فيك

تريدي غرام احضور الشايب امكسد والعزوز اتدور تبيع في دبش من لولي مطمور الدربق اللي ماينطرا تاثيره يباري الخياطه ويبرة البابور وراس الكلوب وستفتين حريره والعيل تخلف وين جاه الدور يداعك على عدالة ستيل كبيره وان دار باطاقة احطا بالزور يشلش ويكثر عالعباد شخيره وان دار هوندا ماعد يحس مرور ولايحترم للعسكري تيشيره
لين خش في بطاح في الباكور حديده مظلم والطريق خطيره رفيقه يموت وهو يجي مكسور تلقيه في الجلا مربوط فوق سريره
والبقية تأتي

تريدي غلا كاديكي خطيتي طريقك ربنا يهديكي تبيعي لهاك معا شباب امريكي بقعده مع بلقوق في طميره ولا عاد نيه في الطعام تجيكي ان حرك الراس تصيرله تقشيره أقرع وخايف بالقرع يعديكي تريح جمتك هاللي تقول حريره

تريدي غرام صبح يام الشوارب كيف قير الجبح هل شاعرا شايب كبير وقبح امدره كبود الناس بتدرديره صوب بوك يدعيلك بقل الربح لين كسرك بدعاه هالتكسيره لوكنت منه لوذبحتك ذبح وماتسقطي للدامرين دميره....

تريـــــــــــــــــــــــــــدي زردة .. وتريدي هدية يـوم عيدك وردة

وتريدي بحــر ديما امصقع برده .. مطالب عليا صاعبة وعســيرة

وحتى مسكني مبني بلوح وخردة .. تصميم جيل توا منتهـي تاثيره

زمان خططه شايب ايدور بجردة .. احذا مسكنك يبقى اتقول حظيرة

غرام وبيرة .. وهزة ازرار ورقص وتحوكيرة .. ونا منين لي تبي

تريدي غرام ملاهي .. ونا نقول نفسي عالمتاعة ناهي

ابقيتي سبب في جيتي هاناهي .. من يوم هزتك للراس والتشييرة

جبتيني البار وقلت بسم اللهِ .. طلبتي امعايا رقص بتمسخيرة

لبيت رغبتك والعقل تما لاهي .. حتى ونا بطي فالبرم والتوخيرة

مما اسعفتني به الذاكرة

تريدي غلا كاديكي خطيتي طريقك ربنا يهديكي تبيعي لهاك معا شباب امريكي بقعده مع بلقوق في طميره ولا عاد نيه في الطعام تجيكي ان حرك الراس تصيرله تقشيره أقرع وخايف بالقرع يعديكي تريح جمتك هاللي تقول حريره

تريدي غرام ازويه مع تمر مصرم يااللي مسميه ان جيتي يخشو بك اطراف خطيه مفيت هذي ماتلقي السع بصيره ولايفلحوا لاهم عرب فنيه ولا مالحضاره طايلين بصيره

تريدي غلا ونخيخ وسهره يحيطو بك أولاد الشيخ
اعياط وصريخ وبنة افواسيخ منين كل حد منهم مسك بنديره
ويملوا جبينك راه غير بخيخ خصاك كان داروا ياجميله ديره..

تريدي غلا حرباوي سكير ماهناك ويبسطوك غناوي
ان صار المعيط يفزعوا بهراوي تريس حرش من نوع السداس الخيره
ومعاه طفل في جبد الطمير اسطاوي الجبح الموثق تشبعي من قيره...

وهكي مازال عندنا...(الدرسه والعريبات والمشيطات والعمايم والعبار والقذاذفه والمرابطين)
نسردها لكم مرة ثانيه
وأرجو من الجميع تقبل الشعر بروح رياضيه لأني لا أقصد به إلا المرح والترويح وليس لي محمل على أي قبيلة ذكرت..كما أنه ليس شعري..فأرجو المسامحه وشكرا

نسيت؟؟؟؟؟؟؟؟؟؟ مازال كذلك العوامه والفحامه والصيعان والنوايل..

أيه والحاسه وأولاد بوسيف..وكان تذكرت حد آخر نقول لكم..

اتريدي غرام مجابرة ... من ابعد محيط اتجي بيدك عابرة
وسهرة مع شوشان سود كعابرة ...عصير النخل سكران من تقطيرة
اوغربي او سرير او جو نارة كابرة ... نين من العطش يرمي عليك اطويرة
امظلمات كيف المدن كيف مقابرة ... ما ضي فيهن تلحظي تنويرة
امفيت ما عقارب سود وارضه غابرة ... اللي ليطنة ما عطاه تخبيرة
ولا صاحبك عنده مكان ايخابرة ... لا مواصلات ولا هناك بسيرة

اتريدي غلاء بوسيف ... ايحوزوك ويطقوا عليك شليف
ولا تلبسي في العيد لبس نظيف ... ولا تفرحي في يوم بدهويرة
اويومك عطيب كان جاكم ضيف ... قدام البيوت اتوض فيه ذخيرة

اتريدي غرام عريبي ... نين من اهبالة تزعلي وتخيبي
ولا عمر قالتلة مفتاح حبيبي... ولا طمع ابغمزة عين لا تشييرة
وانكانك لبن تبي فلوسك جيبي ... تلقيه واقف عالطريق بزيرة

تريدي غرام امشيطي ... وبين العريبي تنزلي واسعيطي
تين والعنب فالصيف فيه اتزيطي ... وعندك نهار السوق به تحديرة
وتبقي على المقرون خيطي ميطي ... اتبيعيه وتردي اتجيبي غيرة.

تريدي غلاء فحامة ... معاشي موكب عاكسات ايامة
جدع راس مالة شيتة واعمامة ... كمين حلق يجاوب مع تسطيرة
لاضان يكسب لا غلم قدامة ... امفيت ديس ما عينك اتشوف بسيرة
بالك ايحصل في غلاك زعامة .. علي راي بالروين في تقذيرة

اتريدي بار ... ورقصة مع جيلك شباب اصغار
لا من ضنا سعدة ولا عقار ... اسحي تاخذي فيهم قرام شكيرة
عرب يكذبوا في كذب شين اكبار ... اوين تبحث الواحد ايبان غويرة
خليك من كلام الهبل بوهدوار ... امعاها اوتارك نن زمان مصيرة

اتريدي غرام امرابط ... عقاب ذيل في صف السعادي شابط
وحتى في المعارك مستواهم هابط ... ما دافعوا عالوطن يوم سعيرة
ولا كلموا جندي عدو لا ضابط ... الا بقول سنيوري وبنسيرة

اتريدي غرام أدرسة ... قوم ربنا فيهم الجهل اغرسة
الواحد اتقول امدرعات امدسة ... الشوك القوي شطار في نكسيرة
وما من رباع في جنب المراح اعلسة... اظلمبه الذيب او هو سبب توديرة
اينوض بالغطاء وقتا النوم نعسه ... يخطر عليه الصيد ومواكيرة
ايلاقي الكلب وبلقطة بمرسه ... خبير في لقطر عنده لهن تمويرة

مشكور على المساهمة الرائعة