تحدي العشاق (العاشق الصغير يتحدي )

من طرف **العاشق الصغير** 2012-02-20, 11:44 am

امابعد قد يستغرب الكثير من عناون الصفحه

هذا الموضوع هو حوار بين الاعضاء بشعر او غناوي علم او خاطره اللي في بالك

تسئل علي حد اتهني حد تبي رد من حد

العاشق الصغير أيقول

أمرايف علي بنت بيش تشروها؟؟

مانعرفوها أمغير ع النت لنا طروها

أمرايف علي زول عين الهميلا ومالي دليلا

بعيد غوش ولا اقريب نزيلا

ومن اي وطن هي ومن اي عيله

وكي نسبوها أيش اسمها هي وايش اسم بوها

...............................................

لكن اللي نبوها من الاعضاء الكرام

انهم ايحاولو انهم اتكون من تاليفهم

من طرف **زهرة اللوتس** 2012-02-20, 11:55 am

زهرة اللوتس اتقول:
بس نسمع صوتك.... حتـى لوبعدهـا ياعزيـز أنفوتك
امسامح ولكن ..؟
ماتظلمنى .... تـواضـع وانـســا ماجراكلـمـنـي
امرايف عليك أرياف ماتحرمني .... أرجوك يكفني خـلاص أسكوتك
مانى طامع .... ولا خاطيك ماني سامـع
ولاعــاد فالدنـيـا أنريد مطـامـع .... واللي طالبه بينك وبين امروتك
نسمع كلمة...حتى كان مقسومة وفيها شلمة
خيال راود خاطري في حلمة...أرجوك ماتحرق معاى كروتك
نسمع حسك...هذا شعور القلب كانهو مسك
حافظ عليه الحب بيه تمسك...ماحوتنا درنا غلا ماحوتك
بس نسمع صوتك .... حتـى لوبعدهـا ياعزيـز أنفوتك
امسامح ولكن.......

من طرف **العاشق الصغير** 2012-02-20, 12:05 pm

مشكوره يازهرتنا علي التفاعل والعقبا للخرين

من طرف **العاشق الصغير** 2012-02-20, 12:14 pm

من العاشق الصغير الي زهرة اللوتس

ضنك يازهرة اندير جديد وضنك الماضي ماعد ايتهايا

وضنك ايغلا فالوريد وضنك ننسوا بوغثيث ملايا

وضنك نسمعو تراجيب وضنك ننسو هاضيك لحكيا

وضنك وضنك وضنك

من طرف **زهرة اللوتس** 2012-02-20, 12:33 pm

اكيد:وانقولك:يالعاشق:
اندير جديد ................ ونعلن استقلالي ويبقي عيد
به نحتفل شمعة الفرح انقيد .... ننسي الشقا اتعاود ايام دلالي
ولا عاد ذكري م القديم انعيد .... نعيش في زها ايبدل الله احوالي
نجفاه لولي ما عد غلاه انريد .... ننسي طيش درته في ايام ضلالي

من طرف **العاشق الصغير** 2012-02-20, 12:36 pm

من العاشق الصغير الي محمد اللافي

يابو اللافي ناسامر الليل وغابو علي اولافي

ايش الراي يابواللافي

كملتا ابكاء لاني غوالي ولانومي جاء

ولالي رفيق ولالي امنا نشكيلا ويبقي جوابا صافي

يابواللافي نشكيلك غابو علي اولافي والليل طايل يابو اللافي

من طرف **زهرة اللوتس** 2012-02-20, 12:39 pm

مش شوري راجي اللافي Very Happy

من طرف **العاشق الصغير** 2012-02-20, 12:44 pm

من العاشق الصغير الي زهرة اللوتس

يازهرتنا لنا اسنين هاذي حالتنا

من يوم مازفو عزيز من حومتنا

ونحن واخذينها اطوبيس وتغونينا

وماتقول يوم سهرايتنا تحاكوبها

اوحود منقهرين وتمت لشماتا دوتنا

وتما الوقت مو مابي امعاي ايعني

من يوم مازفوها وجاني الجواب

بقولت عرب خذوها ونا منقهر يازهرتنا

يازهرتنا لنا اسنين هذي هي حالتنا

من طرف **العاشق الصغير** 2012-02-20, 1:02 pm

من العاشق الصغير الي جمال المروج

يابو الزربي شالت امعاي اعيون كيف السلاح الحربي

ضنك نجاتي وين يابو الزربي

ضنك ننجا وهي شالتن اعيون سود اتقول ريش اغرنبا

(ريش أغرنبا..سود مثل ريش الغراب)

يابو الزربي شالت امعاي اعيون كيف السلاح الحربي

ضنك نجاتي وين يابو الزربي

شالتن وماماوت اتقول مكر لي ونا عزمي كي الي بلهون اشوي

وهالكبد رقيقا وهي مطريا الهاسبحان ربنا جميع الجمال تفاوت

ضنك نجاتي وين يابو الزربي

من طرف محمد اللافي 2012-02-20, 1:07 pm

ما ترجاهم ولاعاد تذكرهن اسنين غلاهم ** ولا تضلمهم واعذرهم مرات السبب مو منهم
خلهم عنك واشقي بالي اقريب منك ** وارعا بداك فيهم ولا تخسرهم

من طرف pure heart 2012-02-20, 1:10 pm

ما شاء الله عليكم.. أجواء رائعة من الشعر..

من طرف **العاشق الصغير** 2012-02-20, 1:19 pm

من العاشق الصغير الي محمد اللافي

يابو اللافي علي ماحايلت قالت انريد اولافي عيني ضاله يابواللافي

هي ضليله وناتباع الها منقبل مانمشيلا

وتو بعد مازفو اخيارت جيلا اتقول لوهام ولا غطو علي السافي

يابو اللافي علي ماحايلت قالت انريد اولافي

عيني ضليله يابو اللافي

من طرف **العاشق الصغير** 2012-02-20, 1:23 pm

pure heart كتب:ما شاء الله عليكم.. أجواء رائعة من الشعر..

مشكوره وبارك الله فيك اختي الكريمه علي المرور الطيب

من طرف **العاشق الصغير** 2012-02-20, 1:47 pm

من العاشق الصغير الي فداليبيا

يافداليبيا والوطن والحريه الطاغي مات ونحلت هاالقضيه

يافداليبيا تاريخنا امعروف كسابت اكحيلة ومحاربين اجيوش

امغير مانريد نحكو

مانريدو احكياه ونبقو نجيبو في حديث سوايا

وانتي الباديه في جبد هاسهريا

بقولت شهتو الراجل علينا زور

يافدا ليبيا والوطن والحريه راني ولد بوريا

وكي قتلك كي خوك يامدعيه

قلتي هذا اجليلن مزرور

ونا انقولت تاريخنا محفور وسط جبلنا وفي البلط والبحرو

يافدا ليبيا والوطن والحريه الطاغي مات وانحلت القضيه

من طرف meme almansory 2012-02-20, 1:52 pm

عجبتني الفكر يا خوي العاشق

بس مشكلتي مانعرفش انألف اساع انحاول انألف ونشارك امعاكم

من طرف **العاشق الصغير** 2012-02-20, 1:58 pm

من العاشق الصغير الي ميمي المنصوري

يابنت بو المنصوري عزيز انغنا وماجاء في طوري

ايش الراي يابنت بو المنصوري

ايش الحل عزيز سبحان اللي بلاي احمل

واليوم مايريدلي شي سريب وزرط في ناسا وفي اوحل

ايش الحل يابنت بوالمنصوري

مشكوره ياميمي علي المرور والمتابعه ونحن بانتضارك

من طرف **جمال المروج** 2012-02-20, 1:59 pm

أنسوا جمال وسريبة
جمال ما في حد شاقيبه
خلوه لليام ....
يالله هظا حالي أنت اللي داريبه
بين القهر والمواجع انعانيبه
وسموروهموم وااااجده انزازيبه
لافرس ولا بيت ولاأخ
في الحياة انداجيبه
ونا جمل ....
انحمل كل شي وانمشيبه
يالله لك حالي انشاكيبه
واحوال الدنيا اثنين ...
أوقات تقعد فى تطريبه
واقات تنقلب تسمعله نديبه
والرفق ثلاث ...
لولي أرياح
والثاني عطيب للتراب
ولا الميعاد ادانيبه
والثاث امسوقرتعجبك
فعايله وتهاتيبه
أنسوا جمال وسريبه
جمال مافى حد شاقيبه
خلوه لليام ...
وياالعاشق الزربي منك سيبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحمد لله على كل حال بس عشان خاطرك ياشاعرنا

من طرف محمد اللافي 2012-02-20, 2:03 pm

العاشق قال :
يابو اللافي علي ماحايلت قالت انريد اولافي
عيني ضليله يابو اللافي

وانا انقولك

عينك ياما راعت ** وياما علي ازويل العزيز اداعت
ولاهي الي شرت ولاهي باعت امغير قسمك من الكريم الشافي

من طرف **العاشق الصغير** 2012-02-20, 2:07 pm

ياهـــــــــــــــــــــــــــــــــــــــــــــــــوه

تحدي العشاق (العاشق الصغير يتحدي ) 158999

قلم جمال بدا يبكيلي في منتدي الشعر

مشكــــــــــــــــــــــــــور وبارك الله فيك ياخوي جمال

انت الخير والبركه

ماعليك تو انرودلك ايش رايك ؟؟؟؟

من طرف محمد اللافي 2012-02-20, 2:10 pm

ما تحرك شي راها كلها بكايا امغير ماسكين ارواحنا بالوشق Very Happy

من طرف pure heart 2012-02-20, 2:13 pm

تحدي العشاق (العاشق الصغير يتحدي ) 342300

مشاركات رائعة من الجميع

من طرف **العاشق الصغير** 2012-02-20, 2:29 pm

من العاشق الصغير الي محمد اللافي

يابو للافي عيني ونا اللي عارفا

من يومن مشو الغوالي من اجلوتا وهي حايسا

حايسا وتشالي اتتطلب في الكريم العالي

وتقول بالك ايعود دلالي وماعمر صاحبن جا ساولها

ولا عمرها ورت الناس قبالي البكيه ولاالتنهيته غير انكسر خاطرها

يابو اللافي عيني ونا اللي عارفه ضليله دوم

من طرف **جمال المروج** 2012-02-20, 2:31 pm

يالعاشق راني امعبى
انريد الخلا فيه انكبه
امعبى وحاير ايداجي
امداجاه في الحياة ويساير
من دنيته زامط
نصيب قهاير
وهموم واااجده
تحت الجواجي خبى
يالعاشق رانى امعبى
انريد الخلا فيه انكبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حاجه قدام الشاى هههههه

من طرف **العاشق الصغير** 2012-02-20, 2:44 pm

من العاشق الصغير الي جمال المروج

ياجمال تعال عندي وفي منتدي الشعر كل الخواطر فضي

ونكان مازال عندك نخذوك للبلط والكبي

نلعبو وبعدها اتقول ماتبي ونا زاد نحكيلك علي مطراي

امغير يابوالزربي تعال وفي منتدي الشعر والخواطر فضي

من طرف **جمال المروج** 2012-02-20, 2:59 pm

العاشق راجل من عين عينه
تتريس امسوقر ماايدير غير الزينه
العاشق عارف دينه
وصاين عرينه
ومن خيرة الطينة
حتى لوعسكن عليه ليام
مايدير الشينه
يبيع عباته
ويستر قرينه
العاشق راجل من عين عينه

..........................................................................

تستاهل كل خير خوى العاشق الكبير ههههه

من طرف **العاشق الصغير** 2012-02-20, 6:02 pm

من العاشق الصغير الي جمال المروج

انت هو اللي دبار وانت هواللي ديما للخبرفسار

وانت هو اللي جياب الفخر يومتن انصار احقار

وانت عز المخول والاصل وانت هو طعام الجار

وانت هواللي ديما قلمك دوار للعصر ومنهن جملت اسرار

وانت عز الرفيق وانت اللي يلتقي انضاقت طريق

من طرف **العاشق الصغير** 2012-02-20, 6:19 pm

من العاشق الصغير الي الكابتن

يامنتدانا بكيني احذا الكابتن وماشغلا ابكانا

ايش الراي يامنتدانا

نا وياك خذينا علي التكسيده ويامحلاك

منتدي الغناوي في اسنين ضراك

وزاد العاشق مسمح كلاما

الا الكابتن مايوم جا واساك

ولا يوم سمعنا لذيذ كلاما

انلومو عليه ناوياك باك اسع ايجني بلذيذ كلاما

وكان ماجاك نقدرو ضروفا ناوياك

ونكملو اعمارنا حزانا

يامنتدانا بكينا احذا الكابتن وماشغلا ابكانا

ايش الراي

(نفتقد الكابتن في منتدي الشعر والغناوي )

مع العلم ان مشاغله اهم لكن هذا ماحصل عقلي

من طرف **زهرة اللوتس** 2012-02-20, 6:22 pm

ماشاءالله طلعت الابداعات Very Happy

من طرف **العاشق الصغير** 2012-02-20, 6:25 pm

مشكــــــــــــــــــــوره يازهرتنا

انراجو فيك تحدي العشاق (العاشق الصغير يتحدي ) 196635

من طرف **بوفرقه** 2012-02-20, 6:27 pm

ياكابتن غيابك طول.. ....راه ايطربق فيك شى محمول

ولنا عوده نين انفكر

من طرف **العاشق الصغير** 2012-02-20, 6:37 pm

من العاشق الصغير الي الاستاذ سيف التميمي

كان يوم جيت للمدينه وريت الرسول والصحابه

وصليت في مسجد نبينا ادعيلي امعاك بالك ادعاك ربنا يستجابه

ننسو الغني ويتوب خاطري من تجرنينه

وقول يارب اهناك مظلوم اوتخذ منه قرينه

وهو عليه دوم مشغول كي شغلت عجوز ولدها واخذينه

وقول يارب راه قاعد في شوق اما موت ولا جيبله قرينه

كان يوم جيت للمدينه وريت الرسول والصحابه

من طرف **جمال المروج** 2012-02-20, 6:37 pm

ننا طالبك تعذرني ...

كثر المشاغل والزمان قهرني

موحال نسيتك ...

لا ما نسيتك...

ولا يوم عمري فى الحياة جافيتك

أنت ونيس الروح بيتى بيتك

امعا النبض عايش يارفيق

اعذرني...

إنكان طال غيابي

أنت بس عز أصحابي

ومازلت نقسم مونتي وشرابي

ومازال ياغالي مكانك عالي

سامحني عاالتقصير..

ناطالبك تعذرنى ...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حاجة عاالطاير هههه

من طرف **العاشق الصغير** 2012-02-20, 6:50 pm

من العاشق الصغير الي بوفرقه

يابوفرقه انشاكيك انت زاد باللوعه والفراق وهموم الحرقه لوكان تسمعني

يابوفرقه شاكينا ناس وكبودنا منحرقه

شاكيناهم وبفراقنا زاد زهاهم

ونحن من طيبنا امعاهم وشي ماجاهم

الا البخت ماساعد علي دنواهم

وقولت خذا سوك نهار الحرقه اسمعت نين اكرهت جباهم

يابوفرقه انشاكيك انت زاد بالوعه ولفراق وهموم الحرقه لوكان تسمعني يابوفرقه

من طرف **عبدالحفيظ عوض ربيع** 2012-02-20, 7:07 pm

مشاركه رائعه والاروع التواصل من قبل الاعضاء
اما موضوع الشعراسال بوفرقه انا داهيه هذا الزمان

من طرف meme almansory 2012-02-20, 7:15 pm

من ميمي المنصوري الى العاشق الصغير
مع قديم طالق عنان أشعاري ولغير قديم مانقول شعر نشيت
غلا قديم في وريدي ساري ومعا قديم كل الامان إلقيت
وعن قديم لا مايحيد مساري وكيف قديم مازول قابل ريت
ومع قديم تطرب جمع افكاري ويلا قديم ميت ان عمرك ريت
مع قديم طالق عنان أشعاري ولغير قديم مانقول شعر نشيت

انشاءالله تعجبك لاكن نبيك تعرف اني حاولت لاكن بي مساعدة شعر اخر
ونشاءالله مع ليام انتعلم

تحدي العشاق (العاشق الصغير يتحدي )

تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )

رد: تحدي العشاق (العاشق الصغير يتحدي )