أحد الناجين فى فاجعة زليتن

من طرف فرح البلاد 2016-01-08, 6:55 pm

أحد الناجين في فاجعة #‏زليتن
اول ماشفت الشاحنه خاشه بسرعه سمعت اللي في البوابه يقول تفجير انا هربت بسرعه وخديت وضع الإنبطاح خلف مبنى دورات المياه وحطيت اصباعي في وذاني وبعدها بووووووم معاش قعدت نسمع الا في صوت الشظايه لما تم التفجير انا طلعت وكنت مرعوب من وهلة المنظر وبشاعته وفي ذلك الوقت فقدت السمع ممكن لمدة 30 ثانيه وبعدها تذكرت ابناء عمي هما كانو معي قعدت ندور لقيت ولد عمي شهيد الواجب عماد محمد الفطيسي ميت وذلك اثر دخول شظيه في صدره مما ادت الي تمزيق الجهاز التنفسي كنت نشوف في عظام ودم ولحم فبدئت بالبكاء وبعدها سمعت واحد ينادي فيا وكان يعيط ياعماد حتا انا اسمي عماد لما شفت لقيته ابن عمي التاني اسمه محمد عبدالسلام الفطيسي وكان عنده اصابه في فخذه بشظيه فاسعفته والله كارثه لم أرى مثلها ابدا , عندما تنظر من حولك ماتشوف الا رجل مقطوعه يد مقطوعه رأس مقطوع ولاتسمع الا أنين الجرحا وبكاؤهم اولاد عمي حال محمد حاله جيده لآن كيف طلع من العمليه , انا نقول في خونه معانا في معسكر اللي نتدربو فيه , لأن اللي هجم علينا عارف وقت لما نكونو متجمعين في الساحه ليش مانفذش العمليه لما كنا متفرقين , ونحن فات موعد تخرجنا ليش ماخرجونا يقولولنا الأسبوع الجاي الأسبوع الجاي ونحن اول مادخلنا في الدوره كان متفيقين ع مدة التدريب 45 يوم ليش خلوهم 67 يوم وعندي صاحبي وجعه حال الوضع فكتب شعر التالي:-
ماخرجونا
لين فجرونا
زينة شبابنا
ماتو بالخونا
بالمفخخات استقبلونا
الى القبور سقدونا
وضع البروك نزلونا
وبالدحرجه شقلبونا
وين جد الجد ماحمونا
خيرهم ماخرجونا
وفي عملنا ريحونا
هدية للدواعش قدمونا
لا شاورو ولاراجونا
حسبي الله ونعم الوكيل في اللي باعونا

من طرف فرح البلاد 2016-01-08, 6:59 pm

حسبنا الله ونعم الوكيل

من طرف **جمال المروج** 2016-01-09, 1:25 am

ياما حكيت عليهم الخوارج والدواعش وحذرت منهم والناس الطيبة تتعاطف معاهم
ويقولوا عليهم ناس تقدم في مساعدات وتحبب فيهم الدين الإسلامي
والله كلهم خوارج عملة وحدة يضعون السم في العسل
يقولون قال الله قال الرسول ثم يضعون شبهتهم في عقول المرضى والجهلة
انظروا ما فعلوا في درنة وفي بنغازي وفي سرت والآن في زليتن
اللهم عليك بالخوارج فإنهم لا يعجزونك اللهم دمرهم تدميرا وأهلكهم واحصهم عددااا

من طرف فرح البلاد 2016-01-09, 6:45 pm

إن شاءالله ربي يهلك كل الظالمين.. الدواعش طلعولنا توا ومن أقل من سنة أخرى..أهالي سرت يقولون بإن من لم يبايعهم من أنصار الشريعة"سرت" قتلوه وأغلب الدواعش توانسة وهم من يفجرون أنفسهم فى البوابات و المعسكرات أظن إن لهم خلايا فى أغلب المدن..وثوار درنه يقولون إن حفتر هو داعش والآن جضران يقول إن حفتر وداعش وجهان لعملة واحدة....ربي يحفظنا ويخلص بلادنا منهم..مازال ياما حيظهر ويبان كان عينك حية...نسأل الله العفو والعافية

من طرف **جمال المروج** 2016-01-10, 2:59 am

ربي ينصر حفتر ع الأقل يحارب في في الخوارج والدواعش اللي يذبحوا ويكفروا في عباد الله
اللهم أمين ..

من طرف فرح البلاد 2016-01-10, 7:34 am

جمال المروج كتب:ربي ينصر حفتر ع الأقل يحارب في في الخوارج والدواعش اللي يذبحوا ويكفروا في عباد الله
اللهم أمين ..

أنت حر فى دعواتك...بالنسبة لي أصبحت لا أثق فى أحد و دعواتي دائما إلى الله أن يهلك المجرمين وإن يظهر الحق وينصره وعاجلا

من طرف مجروحة ولي جارحني غالي 2016-01-10, 3:44 pm

😢😢😢😢لا حول ولا قوة الا بالله العلي العظيم
والله المفروض يسموها فاجعة ليبيا مش زليطن بس ربي يحقن دماء اليبين والله وجعوني الله
يرحمهم الشباب الي عدو زينة لبلاد ربي يجيب الحق هوا اعلم بينا وبحالنا
(اللهم اضرب الظالمين بالظالمين واخرجنا من بينهم سالمين ) Crying or Very sad

من طرف فرح البلاد 2016-01-10, 4:32 pm

إن شاءالله ياأختي وشن ودنا نحنا...قد نختلف ولكن هدفنا واحد هو ليببا وهلاك المجرمين واستتباب الامن فى ربوعها.ويارب عجل بذلك

من طرف مجروحة ولي جارحني غالي 2016-01-10, 8:37 pm

ان شاء الله😢😢😢😢😢

من طرف **جمال المروج** 2016-01-10, 10:57 pm

ليس بعد الحق إلا الباطل
العاقل من يدرك الأمور حين وقوعها لا بعد فواتها
والحق أحق أن يتبع
فأما أن يهديهم أو يقسم ظهور كل خارجي وداعشي ومن تابعهم أو رضيهم أو ناصرهم
هم سبب الدمار والخراب
اللهم خذهم بما شئت واصرفهم عنا بقدرتك ياالله

من طرف **جمال المروج** 2016-01-10, 11:00 pm

مجروحة ولي جارحني غالي كتب:😢😢😢😢لا حول ولا قوة الا بالله العلي العظيم
والله المفروض يسموها فاجعة ليبيا مش زليطن بس ربي يحقن دماء اليبين والله وجعوني الله
يرحمهم الشباب الي عدو زينة لبلاد ربي يجيب الحق هوا اعلم بينا وبحالنا
(اللهم اضرب الظالمين بالظالمين واخرجنا من بينهم سالمين )

بارك الله فيك مجروحة كلنا آلمتنا الفجيعة .. ربي ينتقم من كل الخوارج والدواعش ومن ناصرهم

من طرف مجروحة ولي جارحني غالي 2016-01-11, 2:35 pm

وفيك بارك الله خوي اللهم امين

من طرف فرح البلاد 2016-01-11, 8:00 pm

بارك الله فيكما وكثر الله من أمثالكما..للأسف بعض الليبيين متشمت ولايدري إن ليبيا شرقها وغربها وجنوبها مضروبين بعصا وحدة..الله يصلح حالنا وحال بلادنا من هذا الحال إلى أحسن الأحوال..بس أجمل ماقرأت بعد هذه الفاجعة..لاتعلنوا الحداد بل أعلنوا الإتحاد

من طرف مجروحة ولي جارحني غالي 2016-01-11, 8:13 pm

لا تعلنو الحداد .....بل اعلنو الاتحاد

من طرف **جمال المروج** 2016-01-12, 12:18 am

الاتحاد ضد الخوارج والدواعش ومن والاهم .. نعم فليكن الاتحاد

أحد الناجين فى فاجعة زليتن

أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن

رد: أحد الناجين فى فاجعة زليتن