فقيد ....ليبيانا

هاتفنا ... بيتنا ... بلدنا ... ليبيانا ليبيانا ديما معانا ليبيانا أكثر من ستة ملايين مغفل آسف أقصد مشترك و........ إلخ

سئمت هذه الشعارات التي ما إن أسمعها حتى يصيبني بوشراح " القداد بالطرابلسي" لأن تغطية ليبيانا في منطقتي سيئة للغاية ما إن تدخل البيت حتى تذهب التغطية بدون رجعة يبدو أن ليبيانا مهتمة براحتنا لدرجة أنني داخل البيت ما نسمعش من يحكيلي نضطر نطلع للشارع جري ونوقف في وسط الشارع ويسمعو الجيران كلهم مكالمتي هههههههههههههه وهذا من الأسباب اللي مخليتني ما نديرش علاقة حب ليبيانيه هههههههه
لكن بعد ما قمعزت ونظرت ماوراء الكلمة لشعاراتهم تريحت نفسيتي فمعنى

هاتفنا صح هو تلفوني ملكي يعني مافيهش خلاف هذي

بيتنا صح بيتنا اللي ماطلنش فيه نحن الشباب قاعدين من غير بيوت لنا قالو في الغد مش عارف

بلدنا هههههههههه حتى هيا مزبوطة لأن في بلدنا مافيش بنية تحتية ولا فوقية في غير دراه الكبد والكلام العايم ماتطلعش بفايدة يعني كيف ليبيانا كيف ليبيا

وبالنسبة لليبيانا ديما معانا صح لأنها ديما في جيوبنا وخوتنا المقلصين مالهم غير ليبيانا يعني حتى هيا مزبوطة يعني خلاصة الكلام ليبيانا ديما معانا هم ونكد وغم.

وبعدين حكاية 6 مليون مشترك هذي كيف جت نحن خمسة مليون حسب أحصائيات الحرس لبلدي الأخيرة عام 10000 ل م " ليبيا محلي "
كيف جو ستة ملايين وهما قريب مليون ردو خذوهن من الناس وسكروهن وباعوهن من جديد عموما قصص واجدة وخبر يدوخ توا أنا نحكي من الصبح ونسيت قصة العنوان اللي هيا فقيد ليبيانا
مش قلتلكم في منطقتي التغطية تعبانة مرات وانا في الدور الثاني نطلع للبلكوني وأخرى نطلع نصي برا في الشارع بيش نستقبل مكالمة بس الحمد لله سور البلكوني عالي ولو كان قصير أول واحد يلمسني نجي من فوق والسبب شنو ليبيانا هههه قالك الأولى في ليبيا توا هوا في غيرها حالة وخلاص أطلقو الميه على البطيخ وعيش بالمنى ياكمون ومن ليبيا يأتي الجديد .........وتصبحو على خير

عندك حق يازعيم 97....احسن حاجه هى حسب تعداد الحرس البلدى..ههههههههههه

مشكور على هذا الموضوع الرائع