"حسن لقطع " لص الكوز عليهم " بلها "

من طرف النجم الثاقب 2016-08-09, 10:08 am

برقة والخشة وجبلها .. جملة هلها .. لص الكوز عليهم بلها
علي بلها طرقي عديت                  سببها قولة عيت فلان
لذكراهم وين تراشيت                   ونا حوتك ناسي نسيان
اسكت قالوا لي وين طريت             الطوحه تلقاهم جيران
امكذّب في الطاري تميت               نقول وقولي في لظنان
ولكن ف اخر قول رسيت               بقول ايمتّى بختي زان
علي ما بايعت وشاريت                         ونا نسبب لي زمان
وثاني م الفرحه فزيت                   بطاري لبّاس الرنان
امراضي زالن واشافيت                 طربت وزهت ونا زعلان
بلا ريش مهاوي فريت                         مثيل الطاير بوجنحان
سببها جاني وين لفيت                  تقول مهاوي شرهابان
يْساره قالت لي خشيت                  اصليتي قاصدها قصدان
تقول علي حاكم مسيت                 كبير الصوله بونيشان
شكع ضيه نين التطيت                 عضاها صوّاره سبحان
اللي خايف منّه تميت                   حسبته هو بارق لمزان
عيوني منها وين مليت                 شهقت الا ماني معيان
رميت الخطّاف ورسّيت                حذا خزرة عين الشيهان
نمقّل في وصفه تميت                  نصوّر في مجلي النيبان
علي تمثيله ما بديت           جمال وعقل وصغر اسنان
عمر كردوسي واسهّريت      مع خو بلها والجيران
مْداعاة السيل ادّاعيت          مع قض حلوق الوديان
تحتحيت جرابي حتيت        نطقت وما نحمل مليان
عسل قير بذاني مصيت       ثماير وتصرهيد لسان
موفّن كيف اني حجيت        بخزرة مول الدور كنون
شهيد ختامي واستوفيت        حتامي في الجنة مضمون
لا عمري لسرار عطيت       ولا حتى ان عاهدت نخون
ولا عمري باطل عليت        ولا نسكر لاني مسكون
الواحات ومرزق خشيت       اقصى مصر وتونس من دون
اجمل من بلها مسّْع ريت      علم كان ولاعاد يكون
وْساع وذبّال مفاليت           تحوجيب وتطويق عيون
هدايا م الخير ادلّيت           خذينا من شيخ وماذون
عليها ورَْد الصوب خذيت     عطش كيف بمضغه وطرون
اسقاني بنديري زفيت          حكاكي فجره بوبزون
مدحت وقذّرت وهاجيت       قْدم صادني فيّ غْبون
حْواشي اللي كله لميت        خذاته وخذ اطلاب ديون
النسوان معاها زمعيت         لهن شان وحظ وقانون
شراب وبلها فوقه زيت        بطيب اطباع وعقل ولون
قسامي جابني للبيت / وجيت لهلها / سود خجلها / روّحت نزازي واكلها

من طرف labraq 2016-09-11, 11:11 pm

شكرا لك على المشاركة القيمة

"حسن لقطع " لص الكوز عليهم " بلها "

"حسن لقطع " لص الكوز عليهم " بلها "

رد: "حسن لقطع " لص الكوز عليهم " بلها "