إعلانات المنتدي
المواضيع الأخيرة
بحـث
بلآ سلطآنـــه >> مراد البرعصـــي
2 مشترك
صفحة 1 من اصل 1
بلآ سلطآنـــه >> مراد البرعصـــي
بلا سلْطانة .. لا يطِيب نَوم ولا العقل معانا .. ولا نرُوق في قعْدة
امْغَير انْذَرِّي .. الواجِب اجْحُود ونا تقُول انْــوَرِّي
ومَيط م الخلايِق مَوش عارِف سرِّي .. يحْسابه تْولْهن بالغَـلا وافْتانــــة
ولا يحسب الشّاعر فقِيه يقَــرِّي .. ورَا العلم فقْه وكلّ شِي فـي وانـه
ولَيش يا الدّنيا نامنَوْك اتْغـــرِّي .. بْنا .. تزَخرفيه وتهدْمِيه بْنانـــــا
وفيه من اللي له ع الزّها تطَّــرِّي .. بعِيد م التّكدِّر تَضْمنَيه ضمانــــة
من دُون العَرَب تَبْقَي ابْزَود اتْبـرِّي .. فيه بالمنافِع .. تَرفعَي من شانــــه
وفيه من اللي فيه ابْعَذاب اتمــرِّي .. عَلَي كلّ صايِف مبْتلي بَحْزانـــه
نَلْقَى انِّك غَرُورَة.. للهلاك اتْجرِّي .. صَيُّورك فناء .. لَكن عَلَل واتانـــا
من جالا الاَّ مَدْعَى غَلاء في حـِرِّي .. امْضَيِّق اخْلُوق العَين .. جار طنانــا
حياتي مرَّة .. ورافِع اِيْدَيّ وم الغَلا انْتبَــــرَّى
الاَّ غَلاك كَي خَيره سوا كَي شَـرَّه .. اَسْباب المرَض منّه .. وفيه دوانـــا
والعارِف يوَرِّي النّاس ما يتـوَرَّى .. واحْنا دهرْنا عَين العَجَب وَرّانـــا
يا العَين نا وانْتِي اقْلال مسَـــرَّة .. ودِيمة زماقَة فاقْدِين زهانــــــا
على اللي وسِيعة عَينها منْقَـــرَّة .. يحُوزِك المَوح وتَيّسِي الحنانـــــة
اعْزُوم نْدِير .. نقُول ع الجفا نصْبر .. وصبري خَيـر
من قَيْتّن معازِي كلّ يَوم اتْسِـيـر .. عليهم.. وما فيهم عَـزاء عَزّانـــا
والمَوت ع الخلايِق كلّ يَوم اتْغِيـر .. وتَاخذ اوْخاذ .. تشِيل للجبّانــــة
ويدِيرُوا عَزاء واحَد.. وبالتّصْبِيـر .. ينْدارَن اعْزُوم بْفَضل من مَولانـــا
وفي شْهادْتَك مَوشِي عَدَم تدْبِـيـر .. حَيِّيْن يَرْزقَوا قَولي عليهم: يَانَــــا
يضِيق البال .. يضَّايَق سما عقلي يجَن شَــــلاّل
ونَبْقَى نْسَكِّب كَي رقِيق الحــال .. اللي م الكوايِن غَايْبات اَذْهانــــه
اللي الوَقت غَيَّب له نصِيب رْجـال .. وفاقِد العزّ ومنْزوِي ع الحانــــة
امْغَير انْكابي .. سواء اوْحَدِي والاّ بَين عَزّ اَصْحابـي
على امّ المْيام انْهن تقُول خَوابِــي .. لُولا رمِيش الهدب في اشْيلانـــه
كما بَرق ساسي من بعِيد ينابــي .. ان سَفَّى الغَثِيث وقابْلَن ذرْعانـــه
انعْكاس بهرْته فَوق السّحاب الدّابِي .. ابْعَكس الشّفاق ابْهرَن في قفْطانــه
يا امّ الخَجَل مَيّاع ماح مهابـــي .. فَوق م العَواتِق مرْتوِي بدْهانـــه
اِرْقا معَ السّنَد شَورك ايْمِيح شرَابي .. ان غَيرِك اذْكِر لِي نا نقُول: فلانــة
عليك بالرّجا ياني كلَيْت شبابــي .. ومازلت نَرْجَى .. كان جاب رجانـا
يزِيد حَياري .. بعِيد غَوْشَّا .. واَنا بعِيد ادْيـــارِي
منْشابْها قوِي في الجَّوف غير انْذارِي .. انْسايِس معاه .. انْخاف من دخّانــه
ايْثَعْبِن.. ويَبْقَن يا عَزِيز مطــارِي .. واللي ما نظَر يَسْمَع يجِيه نبانــــا
اَرْعَي بداك يا عَيني اَصْحَي تنْهارِي .. بلَوْعة عَزِيز .. ويَسْحرِك دِيوانـــه
البال يضِيق .. ان جبْدَن مدَاعِي .. والعْزَيم رقِيْـــق
لْجَور الغَلا والخَوف م التّفْرِيــق .. ونارك اللي عَيني لها بَرْدانـــــة
وشاطَت معاك الاّ ابْيبْس الرِّيْــق .. ونْخافَوا تْضِيع .. يضِيع فيك شقانــا
ونَبْقَوا هَتايا والرجا تلْفِيــــق .. وترْقِيعَك البايِد مَوش كَي نْشيَانـــه
ارْقاق عَزامِي .. ولايِل عَلَي شَيْلة الصَّوت انْمامِـــي
وها العقل عنْدَك رَاه يا مَو كامِـي .. لا يغِرّ بَك لَوْنه ورخْص اَثْمانـــه
من ثقْل الظّرُوف وكَيْد جَرْحَاً دامِي .. مَوش م الغَلا .. من جَوْر مَيْل زمانـه
وحَتَّى اَن ع الغَوالِي خاطرِي متْعامِي .. عليهم ينَوِّح في الخَفا وبيانـــــه
ومْعاي جَرحّم تحْلِف طعُون كمَامِي .. ارْوِي بالسّمُوم .. وبالسّمُوم اَسْقَانــا
وان كان الغَلا بُوزِع ابْلَطّ قسَامِـي .. وان كان مَو شرِيف القَصد هِي لِيْهانة
وان كان الغَلا قَصْده شرِيف يْسَامِي .. الله يْسَامْحه .. طَيِّب ثرَاك امْدانَـا
عَزَامِي رَقَّن .. وتَمَّن دمُوعِي فِ الْيباس اِيْسَقَّـــن
كما سحاب متْكَتِّل عقارِب شَقَّـن .. ادَّاوَن ارْعُوده في هْمُود عَوانـــه
وتَمَّن معَ لَرْكان فِيه يزقَّــــن .. ارْياحه بخفِّة نَين جا لْمكانـــــه
وجَا لْغَوْش نَزْلاته ابْخَير اِيْبَقَّــن .. عليه م الجّفاف وزامْقِين هَوانـــا
وباتَن هَواده ع الصّفُوح يلقَّــن .. اصَّبَّح صيام ينَهّتَن غِيْطانــــــه
وفَاية اَطْناشَر يَوم فيه ينقَّــــن .. حَسَاس الرّعُود .. وهُو قوِيّ هْطلانـه
وعاد البْوارِق دُوبْهن ينْحَقَّـــن .. امْقَبِّل ابْغَرب وشَرق في صَحْرانـــا
وحايا الوطْن الْكِلْ .. اعْرُوقَه دَقَّـن .. وعاد النّما .. واَرْوَى اللي عَطْشانـة
وكَيْما اَوْطان لْرَحمْته يعْتَقَّـــن .. وفَرَّجْ عليهم رَبّنا سبْحانـــــه
لَنْظار يطلْبَن فَضْلَه .. وبه يتَّقَّــن .. ما نخْتشِي م الناس في اشْحتانـه
انْعَن له قسامِي في عَزِيز اِيْطقَّــن .. اللي كَيفْنا ذايِح ورا حبّانـــــه
بلا سلْطانة .. لا يطِيب نَوم ولا العقل معانا .. ولا نرُوق في قعده
امْغَير انْذَرِّي .. الواجِب اجْحُود ونا تقُول انْــوَرِّي
ومَيط م الخلايِق مَوش عارِف سرِّي .. يحْسابه تْولْهن بالغَـلا وافْتانــــة
ولا يحسب الشّاعر فقِيه يقَــرِّي .. ورَا العلم فقْه وكلّ شِي فـي وانـه
ولَيش يا الدّنيا نامنَوْك اتْغـــرِّي .. بْنا .. تزَخرفيه وتهدْمِيه بْنانـــــا
وفيه من اللي له ع الزّها تطَّــرِّي .. بعِيد م التّكدِّر تَضْمنَيه ضمانــــة
من دُون العَرَب تَبْقَي ابْزَود اتْبـرِّي .. فيه بالمنافِع .. تَرفعَي من شانــــه
وفيه من اللي فيه ابْعَذاب اتمــرِّي .. عَلَي كلّ صايِف مبْتلي بَحْزانـــه
نَلْقَى انِّك غَرُورَة.. للهلاك اتْجرِّي .. صَيُّورك فناء .. لَكن عَلَل واتانـــا
من جالا الاَّ مَدْعَى غَلاء في حـِرِّي .. امْضَيِّق اخْلُوق العَين .. جار طنانــا
حياتي مرَّة .. ورافِع اِيْدَيّ وم الغَلا انْتبَــــرَّى
الاَّ غَلاك كَي خَيره سوا كَي شَـرَّه .. اَسْباب المرَض منّه .. وفيه دوانـــا
والعارِف يوَرِّي النّاس ما يتـوَرَّى .. واحْنا دهرْنا عَين العَجَب وَرّانـــا
يا العَين نا وانْتِي اقْلال مسَـــرَّة .. ودِيمة زماقَة فاقْدِين زهانــــــا
على اللي وسِيعة عَينها منْقَـــرَّة .. يحُوزِك المَوح وتَيّسِي الحنانـــــة
اعْزُوم نْدِير .. نقُول ع الجفا نصْبر .. وصبري خَيـر
من قَيْتّن معازِي كلّ يَوم اتْسِـيـر .. عليهم.. وما فيهم عَـزاء عَزّانـــا
والمَوت ع الخلايِق كلّ يَوم اتْغِيـر .. وتَاخذ اوْخاذ .. تشِيل للجبّانــــة
ويدِيرُوا عَزاء واحَد.. وبالتّصْبِيـر .. ينْدارَن اعْزُوم بْفَضل من مَولانـــا
وفي شْهادْتَك مَوشِي عَدَم تدْبِـيـر .. حَيِّيْن يَرْزقَوا قَولي عليهم: يَانَــــا
يضِيق البال .. يضَّايَق سما عقلي يجَن شَــــلاّل
ونَبْقَى نْسَكِّب كَي رقِيق الحــال .. اللي م الكوايِن غَايْبات اَذْهانــــه
اللي الوَقت غَيَّب له نصِيب رْجـال .. وفاقِد العزّ ومنْزوِي ع الحانــــة
امْغَير انْكابي .. سواء اوْحَدِي والاّ بَين عَزّ اَصْحابـي
على امّ المْيام انْهن تقُول خَوابِــي .. لُولا رمِيش الهدب في اشْيلانـــه
كما بَرق ساسي من بعِيد ينابــي .. ان سَفَّى الغَثِيث وقابْلَن ذرْعانـــه
انعْكاس بهرْته فَوق السّحاب الدّابِي .. ابْعَكس الشّفاق ابْهرَن في قفْطانــه
يا امّ الخَجَل مَيّاع ماح مهابـــي .. فَوق م العَواتِق مرْتوِي بدْهانـــه
اِرْقا معَ السّنَد شَورك ايْمِيح شرَابي .. ان غَيرِك اذْكِر لِي نا نقُول: فلانــة
عليك بالرّجا ياني كلَيْت شبابــي .. ومازلت نَرْجَى .. كان جاب رجانـا
يزِيد حَياري .. بعِيد غَوْشَّا .. واَنا بعِيد ادْيـــارِي
منْشابْها قوِي في الجَّوف غير انْذارِي .. انْسايِس معاه .. انْخاف من دخّانــه
ايْثَعْبِن.. ويَبْقَن يا عَزِيز مطــارِي .. واللي ما نظَر يَسْمَع يجِيه نبانــــا
اَرْعَي بداك يا عَيني اَصْحَي تنْهارِي .. بلَوْعة عَزِيز .. ويَسْحرِك دِيوانـــه
البال يضِيق .. ان جبْدَن مدَاعِي .. والعْزَيم رقِيْـــق
لْجَور الغَلا والخَوف م التّفْرِيــق .. ونارك اللي عَيني لها بَرْدانـــــة
وشاطَت معاك الاّ ابْيبْس الرِّيْــق .. ونْخافَوا تْضِيع .. يضِيع فيك شقانــا
ونَبْقَوا هَتايا والرجا تلْفِيــــق .. وترْقِيعَك البايِد مَوش كَي نْشيَانـــه
ارْقاق عَزامِي .. ولايِل عَلَي شَيْلة الصَّوت انْمامِـــي
وها العقل عنْدَك رَاه يا مَو كامِـي .. لا يغِرّ بَك لَوْنه ورخْص اَثْمانـــه
من ثقْل الظّرُوف وكَيْد جَرْحَاً دامِي .. مَوش م الغَلا .. من جَوْر مَيْل زمانـه
وحَتَّى اَن ع الغَوالِي خاطرِي متْعامِي .. عليهم ينَوِّح في الخَفا وبيانـــــه
ومْعاي جَرحّم تحْلِف طعُون كمَامِي .. ارْوِي بالسّمُوم .. وبالسّمُوم اَسْقَانــا
وان كان الغَلا بُوزِع ابْلَطّ قسَامِـي .. وان كان مَو شرِيف القَصد هِي لِيْهانة
وان كان الغَلا قَصْده شرِيف يْسَامِي .. الله يْسَامْحه .. طَيِّب ثرَاك امْدانَـا
عَزَامِي رَقَّن .. وتَمَّن دمُوعِي فِ الْيباس اِيْسَقَّـــن
كما سحاب متْكَتِّل عقارِب شَقَّـن .. ادَّاوَن ارْعُوده في هْمُود عَوانـــه
وتَمَّن معَ لَرْكان فِيه يزقَّــــن .. ارْياحه بخفِّة نَين جا لْمكانـــــه
وجَا لْغَوْش نَزْلاته ابْخَير اِيْبَقَّــن .. عليه م الجّفاف وزامْقِين هَوانـــا
وباتَن هَواده ع الصّفُوح يلقَّــن .. اصَّبَّح صيام ينَهّتَن غِيْطانــــــه
وفَاية اَطْناشَر يَوم فيه ينقَّــــن .. حَسَاس الرّعُود .. وهُو قوِيّ هْطلانـه
وعاد البْوارِق دُوبْهن ينْحَقَّـــن .. امْقَبِّل ابْغَرب وشَرق في صَحْرانـــا
وحايا الوطْن الْكِلْ .. اعْرُوقَه دَقَّـن .. وعاد النّما .. واَرْوَى اللي عَطْشانـة
وكَيْما اَوْطان لْرَحمْته يعْتَقَّـــن .. وفَرَّجْ عليهم رَبّنا سبْحانـــــه
لَنْظار يطلْبَن فَضْلَه .. وبه يتَّقَّــن .. ما نخْتشِي م الناس في اشْحتانـه
انْعَن له قسامِي في عَزِيز اِيْطقَّــن .. اللي كَيفْنا ذايِح ورا حبّانـــــه
بلا سلْطانة .. لا يطِيب نَوم ولا العقل معانا .. ولا نرُوق في قعده
عبدالله الشندي- فريق اول
-
عدد المشاركات : 3986
العمر : 41
قوة التقييم : 3
تاريخ التسجيل : 17/05/2016
رد: بلآ سلطآنـــه >> مراد البرعصـــي
بلا سلطانه لايطيب نوم ولا العقل معانا
احسنت النشر
احسنت النشر
عبدالكريم الشاعث- عقيد
-
عدد المشاركات : 756
العمر : 24
قوة التقييم : 7
تاريخ التسجيل : 16/12/2012
رد: بلآ سلطآنـــه >> مراد البرعصـــي
عبدالكريم الشاعث كتب:بلا سلطانه لايطيب نوم ولا العقل معانا
احسنت النشر
عبدالله الشندي- فريق اول
-
عدد المشاركات : 3986
العمر : 41
قوة التقييم : 3
تاريخ التسجيل : 17/05/2016
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
أمس في 10:39 am من طرف STAR
» واتساب تختبر ميزة جديدة لنقل الملفات ومشاركتها دون اتصال بالإنترنت
أمس في 10:36 am من طرف STAR
» تشافي يتراجع عن قراره!
أمس في 10:36 am من طرف STAR
» ماسك الأفوكادو والموز للشعر.. كنز غني بالفيتامينات والعناصر الغذائية
أمس في 10:35 am من طرف STAR
» شرائح اللحم مع صوص المستردة
أمس في 10:34 am من طرف STAR
» مباريات اليوم الاربعاء 24/4/2024 وقنوات الناقلة
2024-04-24, 10:16 am من طرف STAR
» قائمة بأغلى الدول للإقامة في أوروبا... تعرفوا إليها
2024-04-24, 10:13 am من طرف STAR
» عصر جديد .. بتقنية QPower شيري تتواجد في معرض بكين الدولي للسيارات
2024-04-24, 10:13 am من طرف STAR
» يحارب البكتيريا والحساسية والسرطان.. بالأبحاث العلمية زيت مذهل يحميك من الأمراض
2024-04-24, 10:12 am من طرف STAR
» دون اتصال بالإنترنت | واتساب تختبر ميزة جديدة.. فما هي؟
2024-04-24, 10:11 am من طرف STAR
» نصف العدد بالقاهرة .. مصر الثانية إفريقيًا في عدد الأثرياء
2024-04-24, 10:11 am من طرف STAR
» دجاج بالبطاطس والصلصة
2024-04-24, 10:09 am من طرف STAR
» مباريات اليوم الثلاثاء 23/4/2024 وقنوات الناقلة
2024-04-23, 6:28 pm من طرف STAR
» سيدة روسية تثير دهشة الأطباء بعدما أنجبت للمرة الثالثة طفلا بـ12 إصبعا في قدميه
2024-04-23, 6:26 pm من طرف STAR
» أربعة أخطاء رئيسية منك تتسبب في تعطل سيارتك.. كن حذراً ولا تهملها
2024-04-23, 6:25 pm من طرف STAR