زين الاصل

اهديكم هذه القصيدة التي ذكر شاعرها مكارم الاخلاق والصفاتت الحميدة وهي للشاعر الكبير عبدالسلام بوجلاوي الفاخري وهو احد فحول الشعر الشعبي في ليبيا
زين الاصل زيْن اصله ان زال ايهفه* الجار و الرفيــــق اختار بالتاصــــيل
مواير ولد لجــــواد لـــك نــــوصفـــا* إن كـان رافقك تلقـــــــا عليـــــه دليـل
إن حدث صدق وان كان عاهــد وفــا* وايشيـل الصـليبة فوق حمــــــل ثقيـل
وان فيها بـــــــرم بسيـاسته تصفـــــا *إن خاضت او حاست حوســت البنتيل
وأيديّر عليك إن كــــان حـــالك شفـــا *وان كان عانـدك تنظر امعـــاه الويـل
اعداه صفهم خاســـر ورابـــح صفــــا *ان صار سوق مقبوضــة فـراسة خيـل
لجواد فالكروب تبــــان بمـــــواقفـــــا *امنين المعــلق في نهــــار الشيــــــــل
معلاقة رقيـق ايطيح ويــــن اتـهفــــــا *ان تمت الريح مصـادره الـــــــرحيــل
واللي مو موالف عالصلـــوب تحفــــا *تغلب اوبـات امبــــــات قبــــــل الليـل
ولا خر امصولب لاتعــــب لا غفـــــا *وعنده المية ميــــــــل كيـــــف الميــل
من عيله اتهون العمر دون شــــرفــــا *وفيه غيــرهم فــــــــرط بشـــي قليــل
طريق الطمع ياصاحبي محـــــرفـــــا *ان جـاك الزمان الصـبر راه جميـــــل
نصيـب كل حـي امسجـلــــة ابملفــــة* توكـل علي مـولاك خـيـــــــر وكيــــل
اخيار ما عطا عبده عطــــــاه العفــــا *الخالــق اللي بالرزق هو الكفيــــــــــل
اتبين عيـــوب النـــــــاس وتنظفـــــــا *يقولــوا العازة للرجــــــال غســـــــيل
فيهم جميــــــع الخــــــــافيــة تكشفـــا* ان صار كرب مايصمــد الا لاصيــــل
شديد عـزم لا يضعــــف ولا يتهـفــــا *يصمـــد أمام الدايليـــــــن أن ديــــــــل
وان كان دال لا يحقــــــــد ولا يشفـــا *ويرحــم ان جاه عزيز قـــــــوم ذليــل
ليام كفتين ان كـــــان زادت كفـــــــــا *علــــى وزن كفا عندهــــــن تمييـــــل
وان كان استوت في ثقـل والا خفـــــا* تقادن وصــار لو ضعهن تعــــــديــــل
الدنيا غرورة مــــأيــــــدوم تـرفــــــا *ولا ترتبـــط بـــــالفانيــــــة بـــالحيـــل
أحيانن هناها بالشقـــــا اتــــكفـــــــــا *واوقــات النكد بالفرح فيه اتــــزيـــــل
ولا ان جت عليك تحـــزن واتقارفـــا *ولا امعــاك ضحكته عليـــــك اتخيــــل
وهاذي نصيحة في علل متعفـــــــــــا *خــذتني بعيد ومانــــــريــــــد انطيــــل
تعاود على مضمونها وهــــــدفــــــــا* فضـــايل ضنا لجــــــواد بـــالتفصـــل
لجواد عرقهم حتى ان صــارت جفــا* ايطول في الثراء يصمد زمان طويـــل
وخير من بعض مالتمــر طيب حشفـا *لجــــواد انخلتهم غالبـــــة النخيــــــــل
لجواد للغريب اللــــي اصــدارة دفـــة *من غيـــر دفع مال بيوتهـــــم هــوتيـل
وابيارهم منافز مالعطــــش فــــالنفـــا* العـابر السبيـل مشـــــــرعــــات سبيـل
وكلمة اجوادي راه مـــــورادفـــــــــ ـا انسـان شهم صادق قول ومفـــــــاعــيل
وان صار نقص مالخلفة اللــــي خلّفــا* لحـــوال اتغير بين جيــــــــل وجيـــــل
احيانن ابزين اتفوت زيــــــن سلفـــــا* تردع بطبعة لـــولــــــــي وتميــــــــــل
ومرات تحدث للعقابــــــي شفـــــــــــا* حتى لــرض صــار لنبته تبـــــــديــــل
لكن بها بلكل اللـــــي نعـــــــــرفّهـــــ ا *الراس راس مايخـلف مكــــــــانه ذيـل
والسيل جرتة فـــــي لرض ما اتخفـــا *وخلفة اخيـار الناس جـــــــــرت سيــل
ومارة الربيع اللــــي قعــــــد فالرفــــا *مع فـم البيـت يشـاهـــــــد الــــزغليـــل
ومهما الزمان تسيرله مــــــن لفــــــــا *الزين زين ديمـــا والنذيـــــــل نـــذيــل
وحتى لوضعف لشقر امــــدورم خفــة* وطاح مالجفا فوق الوطـاه هــــــزيــــل
هشيمة اعظامة ما اتجـــــي فـــالقفــــة* والشاة لوتقوت مــــــا الحمـــــل تشيــل
مواير ولد لجواد لـــك نــــــوصفــــــا *إن كــــــان رافقـــــك تلقـا عليه دليـــل

مشكور اخى على المشاركه القيمه

مشكور على ما طرحت بارك الله فيك

مشكور على ما طرحت بارك الله فيك