38 غناوة علم وشتاوات فكاهية صقع ، " تنفع كمسجات

_يؤبرني غلا عزيز دخل ع القلب من غير ما يقول يا الله يا الله

2_غلا عزيز كيف النمل
يرقى معاك لين يقرصك

3_غلا عزيز كيف القرد
عذاب موز وطياح ع الشجر

4_غلا عزيز كيف الفيل
قعمز على قلبي دقدقه

5_غلا عزيز كيف التمر
مرصوص في شكاير نايلو

6_غلا عزيز كيف البينسة
تمسك في التل لين ينقطع

7_غلا عزيز فوق السحاب
والأرض ليست ملكا لأحد

8_غلا عزيز كيف الكاغط
مرهون في عنز تاكله

9_غلاكم ياسمح الصفات
كي نملات
يكرن في زقرلو مات

10_طير غلاي دخل للجامع
في غفران المولى طامع

11_طير غلايا في الطابور
يداعك ضربوه بساطور

12_شخبط شخابيط
لخبط لخابيط
لا معقب لوحة لا حيط
غلاك في بيت خاطري

13_زمان لما نشوفو الكلب نحذفوه برشادة
وتوا لما يخطر علينا ندزوله رسالة

14_درت غلاك ف test tube
طلع راسخ ما باش يذوب

15_حتى كان قصير بكل
طوله طول شوال السكر

16_حتى كان سمين شوية
كله م الراحة النفسية

17_تزهى عيني وين تشوفه
سوداني داير شفشوفه

18_بعد غيبة جاني فرحني
حول كندرته دوخني

19_بعد غيبة عامين طوال
رجع لابس نفس السروال

20_العين جرت ورا عزيز
لأن الرياضة نشاط عام ينبغي أن يمارس لا أن يتفرج عليه

21_العين بكاها بالريموت
تعلي وتواطي في الصوت

22_يا أم عيون بلاك براون
كم هير بجنبي سداون

23_ثري قيرلز وردن ع البير
بلو آيز والهير طويل

24_وين عزيز قال ألو
الياس قال‎

25_مفتاحين وكاشافيته
ما حلن دادو قسميته

26_كان بكاي يجيب الغايب
نبكي أنا وأمي والشايب

27_قاعد غالي
قاشط غلاك كي قشطتي لسروالي
لا يرتخي لا يطيح

28_في ميال غلاك اغرقنا
دور طرطوري والحقنا

29_عزوزي طاحت في الخزان
نعيط وقليبي فرحان

30_عزوزي طاحت في الفاسكية
ان شا الله يلحقها شيبانيا

31_عزوزي يا مكبر شقمتها
شربت م الطاسة شلمتها

32_ذبانة غلانا ماعاد ليها إحساس
تمت اليوم دايخة من فليت الياس

33_حتى كان رصيدي اصفار
على شانك نخنب دينار

34_أيام ونا شاقي بغلاك
قعدت معاك
كلينا صونيتين براك

35_انعد الغلا وجروحه
سنفور حازه شرشبيل بروحه
وانتقم منه

36_ان شالله ياخوان العشرة
يقعد راسك كله قشرة

37_نار غلاك قوية برشا
شاطت في الديسة والفرشة

38_ليك الواوا بوس الواوا
اريافك يا العزيز تقاوى

18_بعد غيبة جاني فرحني
حول كندرته دوخني


قويه منك يا بو امهدي
هههههههههههههههههههههههههههههههههههههههه

19_بعد غيبة عامين طوال
رجع لابس نفس السروال

مشكور على المتابعه

مشكور على هذا الطرح الرائع جداً

20_العين جرت ورا عزيز
لأن الرياضة نشاط عام ينبغي أن يمارس لا أن يتفرج عليه
مشكور على المتابعه
***********************************

[quote]_ليك الواوا بوس الواوا
اريافك يا العزيز تقاوى[/quote
هههههههههههه سمحه ومشكور علمشاركه الرائعه ياولد التمساح

نار عزيز كلاته كله ما خلت غير الفانلة

مشكورين على المتباعه
غلطان يا بوفرقه موش تمساح بتي ههههههههههههههههههه

مشكورين على المرور

]ان طلتى طال معاك الشوق ........دروجك نرقاهن لا فوق
نبكي من جمعه للجمعه.....كان عزيز اتجيبه دمعه.
مانحساب الحوت يوالف ....يمشط ويدير سوالف.
حتى كان عزيز تواره.....مقطوعه السره في داره.
حتى كان عزيز اتموح....حتى من الابعاد مروح.
مانقعد في الدار اتنفظ....وين رحيل الاولافي يقفز.
الدار بقت كي ملك الجد....نغايب مده ونعاود
خرابين اصحاب عفانه..... يكفاهم يقدر مولانا
طير غلاى اقتل من همه .....قبل ايراف بوه على امه
طير غلاى اقتل فى محه .....قبل ما يطلع للياس اينحه
طير غلاى اقتل فى روما..... حدفوله دوده مسمومه
الطير اللى قلتولى مات ......بناء عش ودار ادحيات
دلوعه من الجيل الصاعد .....هى تقرب وانا انتباعد
بو حزم فى نصه خايل........ داير عركه بين قبايل
قواطر عشه ليلت نو .......ادموعى على الفياب اللتو
حاسا فى خلو اموكياره...... حواسة جبح اموادر مياره
يوم افراق اللى غاليته .......سابع جار اللى باكياته
طير غلاى اقتل بكلاشن .......عشره فيه وعشره طاشن
طير غلاي اقل فى الورشه ...... ضربوه بكناسه حرشه
طير غلاي اقتل فى الدحية....... لايعرف موسى لا يحي
يا خوان اجعن خاتمتك ...........تشحت فى قفطان البنتك
ادعايا يا خوان عليك ...........أنت تشحت ونا نعطيك
خان غلاى ودار السودة ........واللى مزروعة محصودة
لاترفع خشمك لا تواطى ........دايرتك غير احتياطى
عله فى عله فى عله ..........ياخاينا منك لله
الجمرا من نار المرهون .......تولع سطاشر كانون
يانار المرهون ادقلى ...........ودك نشوى ودك نقلى
يامرهون ابرم ساولنى .........يانبرابك يا تقتلنى
يامرهون بلا ظليمة ............تبينا نبكولك ديما
بالك ياالغالى ظليمة ...........واخذ قرعة نومى ديمة
ياغالى ويش ايرضيك .........عيونى منعميات عليك
دمعى يوم خطاه ازابا ..........ماصدنا جهوة حطابا
مو ساهل لولاف ارضاهم .........كان قعدنا يوم بلاهم
طول الليل انخط ونمحة ........... نرسم في بولحية سمحة
زيد النار وزيد حطبها .............. انت يا منجوه سببها
نظراتك ضربات كلاشن ........... دارن في المكنون رواشن
عيونك تحت استار البيت........... كلاشن من صنع السوفيت
ندبات اقدم جيبو لى .................راح عزيز قعدت بطول
ع لوهام انجى نطايح................ذاهب وندور فى رايح
نمشى لوهامه نطايح............... بيش انجيب العقل الرايح
مازالت عينى تجول.................مسخه فى غاليها لاول
كل مانقول جديد انجرب.............تخطر يا لقديم اتخرب
طير غلاي سكن فالجامع ......... في غفران المولى طامع
نارك يا مرهون كلتني .............كي عود الديسه خلتني
نار يا مرهون كلتنا ...............نا والطفّاي وحومتنا
خلّو النار علي ماهلها ............تاكل كبدي تستاهلها
تايب لين انجي قدامه .............بوسالف واصل لحزامه
عندي عين علي غاليها ..........طول اللي انزازي بيها
خان غلاي وخنت وعوده ......... وحده في وحده مردوده
ليش الخونه يا غيابي .............. قبل القلب عليكم عابي
كل الناس اللي لاموني ............ لو شافو عيونه عذروني
يا ماما كان اتشوفيه ............... تنسي بابا وتحبيه
حتى كان طويل شوية ............. منطق اسلوب وشخصيه
كل طويل ايبان عليا ............... نفرح نحسابه غاليا
كل طويل ايجي من غادي .......... نفرح نحسابه حمادى
حتى كان سمين شوية ............. كله من الراحه النفسيه
خان غلاي ودار السوده ...........والي مزروعه محصوده
يا مرهون غلاك هلكني ............ حتي في النوم مشاركني
اللي كندرته بمئه جنيه ............. ان شاء الله كل خميس يجئ
عيونى فاضن وقت منامى.......... كى فيضانات تسونامى
اللي رفع كلامي مقلوب ..........جعنه كيف الملح يدوب
عندي نضرة عين عجيبه........... اللي نحطه في الراس نجيبه
عينك عين اللى بجنحته ........... رفرف دار عجاجة تحته
انت عينك عين اللى ............... نزل شال الصيد بالاثنين
عينك عين اللى بكمبيله ........... رفرف وين رماه قتيله
اظهر يابو كم عراضى .............. كانك ع الصفاقة راضى
متكزيش اللى قدامك ................ جيرانك وولاد عمامك
اللى جبنونة كى القمر ............... علينا ياعينى خاطر
حشيشة عندى فيه طلال ............ كشكا قاموه العقال
اظهر يابو كم عراضى ................ كانك ع الصفاقة راضى
كان غتيتك ماظميتى ................... راكى بالعين انظريتى
نيرانك ياجوف الضامر ................ يرقن كيف لهيب السامر
هذب عيون ظريف الحنة............... كيفالموت انلاجي منا
مانا للمتفرج صورة ....................... غير ألياس حكم باموره
حالف مانقدر ننساها...................... ئين يجوا علي الخيل ضناها
من غادى للضيم اخلقنا ....................لكن فرقاهم ما طقنا
نبى عينى تنسا وتوب.......................ابصر كيف تها يالى صوب
ديمه ياعين الشرادى.......................بين النوم اوبين اوسادى
الخاطر من لولاف اعدم.....................كووه بنار حطبها سم
يا مرهون اقتل واشونك..................... حكم اعدام انشيله دونك
يا مرهون ابرم ساولني ..................... يا نبرابك يا تقتلني
انسدت نيتي وانا نتغدا ....................... وين جوني قالولي عدا
يا جياب نبا فرقاهم ............................يا ريتك عديت معاهم
ياما درنا يوم رحيله .......................... حتى الدمع تقاوى سيله
الجمرا من نار المرهون........................اتولع سطاشر كانون
شور الدار ايش الى جابك........................كان تهايولك غيابك
الخاطر يا مردوع الزوول.......................كلاته نارك عرض وطوول
لو ينفع يا عين ابكانا......................... .. راهي ما نصبت جبانا
كانون المرهون احذاية ........................ وقتا تلزمني تدفاية
يا درنه حالى كي حالك ........................ دمعي يذرف كي شلالك
يا مرهون ابرم ساولني ....................... يا نبرابك يا تقتلني
بالك يا مرهون ظليمة ........................... واخذ قرعة نومي ديما
يا مرهون بلا ظليمة .............................. تبينا نبكولك ديما
المرهون اندير الدوشة .......................... نسكن حوش مقابل حوشه
المرهون ادير الغارة .............................. وانكره من بين صغاره
المرهون نديروا طلة ............................. نسقط فى حوشه بمظله
غالي نا مغلوب رحيلا ............................. خوذي رايي ما تمشيلا.
لولاف انكان اتريديهم ............................. امفيت نموت الا تصليهم
ياما صارلها في دارك ............................ يلا حط مكابر نارك
جيك للوهام مضرة .................................. نا وقضتك وانتي حرة
جيتك في الدار وحطيتك ................... جت من دون انكان عميتك
عول يا عقلي ع الشيلة .................... قعدتنا في الدار ثقيلة
بكا عيني ع المرهونين...................... بكا عبرة موش تجقنين
خايف شور الدار انجرك ..................... ما نلقى والي ونضرك
جوكم ناس اصحاب قريضه.................... طلع بو الشما العريضه
بدينا او قلنا بسم الله............................ انقيمو الفرح اللي جيناه
يا بو سالف طوله قامه........................... تدرج تدريج حمامة
يا لباس احمر شعشاعي........................ نا نبيك دوا لاوجاعي
جفالات اخول ما يبن................................ حتا لو وردن يصابن
بنات ابادي موش اخول......................... اي عدن في لوم الجايل
راسي وأشنابي واللحية ......................... بيض تقول مكسر دحية
راسي واللحية وإشنابي .......................... شابن يرجن في غيابي
بعد مايهلب نص الليل............................... يجدن علي العين مواويل
غفيتي هف عليك مناك............................. قفزتي تحسابيه حداك
هدب عيونه وين رمشن............................ رشاشات اغراض يرشن
قطاطيها ريم الجفال.................................. اغربه حامن فوق رمال
طير غلاي ركب مكسيما............................... عاود لاوهامه القديمة
نرجاكم نا قاعد قاعد...................................... كان قسم صوب المتباعد
نار غلاك الله لاتبلي..................................... ثصهد كيف صهيد القبلي
نار غني ماحاجة خلت.................................. هي كبرت والريح تعلت
اللي محرمته خط بخط.................................. شبوبه ع الولاف سقط
اللي محرمته كيف رداه................................ نعاهد نفسي ماننساه
يا مرهون اكثر تفكيري.................................. فيك وتفكيرك في غيري
يا مرهون اخبارك جني................................ متنكد مانك متهني
جتني م الغالي خباره................................ قالوا مو راكح في داره
يا مرهون مخرب سوقي.......................... غنواك ومشيك في شوقي
يا ريتك ياعزم اتجيهن................................ نين المرهون اتنسيهن
كلا من قــل الميجود ................................. جمل نبرك وانفز قعود
من قابيت اجيوبي خلي ................................ عدت في شوقي ماملي
الله غالب ما عندي بيش .................................... انجيبك يا بوجمةريـش
نص اليل عزيزتــهايا ...................................... مـافـزيت الا بـغطايا
الدار انجيها ع الاطناش .................................. انضاري مرويات اعطاش
اشهادة واعبادة يا ليل ....................................... انك قابل ع العين جميل
يا ناراكليني باالراحة ..................................... وكلت قـش خمود ارياحا
يا ناراكليني بلحيل ....................................... وكلـت قـش في نص الليل
مشيتن واجد يا كرعيّ ................................. ما درتن صيور علىّّّّ
عندي العقل تقول دجاجة................................ ما فقص للخاطر حاجة
شور البير بدلوك جيتي ............................... لكن عطشانة رديتي
ما ننساش غلاء جارحنى........................ لين العكوز ايطيحنى
كيف اتريد انطفي ناري ........................والي يكبر فيها جاري.
اتريديني نكبر يا عين.............................احذا نار الحفره نارين.
بعيني اليوم رحيله ريت...........................حوسه ومواطات البيت.
كل رحيل انجيه امعرض.........................لين الحيط اقدامي قرض
نص الليل عزيز تهايا ............................. فزينا للباب حفايا
اجري يا يمي نومي طار............................ عزيز تهايلي في الدار

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة

24_وين عزيز قال ألو
الياس قال‎
نبي باقي هذي الياس ايش قال

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة