يانظار ديرن عزم لا اتباكن

--------------------------------------------------------------------------------
للشاعر جبريل الرعيد
يانظار ديرن عزم لا اتباكن
ناس واجده طار يلها مطراكن
ليش ليش سماره
وليش ذار فات ودمعكن يجاري
الدنياقديمة خاينة غدارة
ياما وقعت من أقري ومساكن
ليش أتسلين
وليش سامرات تنزلن واتشيلن
ليام ماعليهن غيظ وين أيميلن
ديرن شجاعة واطلبن مولاكن
لا تحاجن
أيام مضن في العمر طاحن راحن
وحطن دبشكن ع الوطا وارتاحن
قص الجراير رآه غير أشقاكن

لا تنشطن
وليش سامرات وترفعن وتحطن
ليام كيف الريح غير ايلطن
زعازيعهن قدامكن أو وراكن

يا موصاير
وما من اللي شارق مداره حاير
ليام نزلن حتى الطير الطاير
رآه البكا والدمع غير عماكن

يا مارينا
واللي كلا قسمة ايواطي عينه
وصاحب الدين إن جاه يأخذ دينه
لا تجهلن رآها الموت وراكن

ديرن عبره
وليش سامرات وخانقتكن عبره
حتى لو بكيتن جرحكن ما يبرا
ولا يحس في واحد اللي كواكن

لا تعتبن ع الدنيا
ولا هناك من حدود ا حدود المنيا
وما من فريسة قاعدة منحنية
ولا حس في واحد اللي طغوا كن

يا ماريتن
وياما مشيتين في الزمان أو جيتن
ما من اللي بعيونه
أياما وهو صافي أو قاعد عونه
واليوم فارغات أو طايحات اجفونه
ويخمم عليه امعناه كي امعناكن

وياما فقدتن من أو جوه غوالي
اللي قبل ف الدنيا أقعود امعاكن

ديرن عزم واسع فاضي
اللي اعتب ع الدنيا يعاود راضى
وانسن طربكن ف الزمان الماضي
لا عاد تلقنا ولا يلقاكن

يا أنظار ديرن عزم لا اتباكن
ناس واجده طار يلها مطركن

المعز لكم دائما....أبومعاذ...انشاء الله تعجبكم..

تسلم اخى صقر55قصيدة رائعة

نقل رائع بارك الله فيك تسلم على الجهد الطيب

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل